Fréttablaðið - 09.04.2005, Qupperneq 18

Ingibjörg ekki einn af
samherjum Össurar
Þó svo að keppinautarnir og svilfólkið,
Ingibjörg Sólrún og Össur, leggi sig í líma við
að láta líta sem svo að kosningabarátta
þeirra sé háð í mikilli sátt og samlyndi þarf
ekki að rýna mjög grannt í spilin til þess að
sjá að baráttan er ekki öll jafn slétt og felld
og þau vilja vera að láta.
Ekki þarf annað en að opna heimasíðu
Össurar. Þar er sérstakur dálkur með á annan
tug hlekkja yfir í heimasíður „samherja“
Össurar, eins og hann nefnir þá sjálfur –
en nota bene – hin nýopnaða heimasíða
Ingibjargar Sólrúnar er ekki þar á meðal.
Hver lak Símanum?
Sjálfstæðismenn eru síður en svo ánægðir
með það hve þeir litu illa út í skúbbi Agn-
esar Bragadóttur um samkomulag stjórnar-
flokkanna um hvernig hátta skyldi sölu-
ferlinu á Símanum sem birtist í Morgun-
blaðinu. Sjálfstæðismenn segja sjálfir
að í fréttinni hafi litið svo út að
þeir væru að láta undan kröfum
Framsóknarflokksins um söluna
enda kom þar fram að sjálfstæð-
ismenn væru „ósáttir“ við sam-
komulag flokksformannanna og
töldu það vera „ótrúlegt klúður“.
Sjálfstæðismenn segja að í frétt-
inni sé látið líta svo út að lekinn
hafi komið frá Sjálfstæðisflokknum. Það sé
fjarri sannleikanum – þeir hefðu einfaldlega
aldrei gert þau mistök að láta sjálfa sig líta
illa út. Þeir fullyrða að samstarfsflokkurinn
hafi lekið upplýsingum í blaðamanninn –
einmitt til þess að senda út þau skila-
boð að þeir væru með yfirhöndina í
ríkisstjórnar-
samstarfinu.
18 9. apríl 2005 LAUGARDAGUR
Menntamálaráðherra
tekur hatt sinn ofan fyrir
nefndarmönnum fyrir að
ná sátt í jafnerfiðu máli
og eignarhaldi á fjölmiðl-
um. Hún treystir þeim
hins vegar ekki til að
takast á um málefni
Ríkisútvarpsins. Um það
gegni öðru máli.
FJÖLMIÐLANEFND Þorgerður Katrín
Gunnarsdóttir menntmálaráð-
herra segir tillögur fjölmiðla-
nefndarinnar skynsamlegar og
horfa til framtíðar. „Þær tryggja
fyrst og fremst val neytenda á
fjölbreyttri fjölmiðlun. Ég tek
hatt minn ofan fyrir öllum nefnd-
armönnum að hafa lagt þetta
mikið á sig til að ná þessari sátt.
Það er eitt að ná sátt og annað að
ná málamiðlun. Þetta er mála-
miðlun sem er mjög skynsam-
leg,“ segir Þorgerður.
Hún segir að með skýrslu
nefndarinnar hafi verið viður-
kennt að sérstakar reglur eigi að
gilda um fjölmiðla. „Fjölmiðlar
eru ekki eins og hvert annað
fyrirtæki,“ segir hún.
Aðspurð segir hún að með nið-
urstöðunum séu fulltrúar ríkis-
stjórnarinnar síður en svo að við-
urkenna mistök síðasta árs. „Það
er alltaf hollt fyrir alla að læra af
reynslunni. Ég held að það hafi
verið allir flokkar sem hafi verið
með mjög digrar yfirlýsingar,
hvort sem þeir voru á hægri eða
vinstri kantinum. Sumir sögðu að
það ætti aldrei að setja takmark
á eignarhald á fyrirtækjum á
meðan aðrir voru með hug-
myndir um markaðsráðandi fyr-
irtæki,“ segir Þorgerður.
Spurð hvort nú ekki sé lag, í
ljósi þess að nefndin náði sögu-
legum sáttum um tillögur að fjöl-
miðlalögum, að nýta vinnukraft
nefndarinnar áfram og freista
þess að ná pólitískri sátt um end-
urskipulagningu Ríkisútvarpsins
segir hún það auðvitað freist-
andi. „En ef ég verð að segja
alveg eins og er þá gegnir öðru
máli um Ríkisútvarpið og hefur
alltaf gert. Ríkisútvarpið gegnir
mjög sérstöku hlutverki í ís-
lensku samfélagi og ég held að
menn geti fundið mismunandi
skoðanir gagnvart RÚV innan
hvers einasta flokks. Ég er ekki
farin að sjá neina flokkspólitíska
samstöðu um hvaða leið er best
fyrir RÚV. Við erum kannski öll
sammála um þau meginmarkmið
sem koma fram í skýrslunni um
það að styðja við menningarhlut-
verk Ríkisútvarpsins, efla inn-
lenda dagskrárgerð, passa upp á
dreifinguna,“ segir Þorgerður.
En bætir því við að hverfandi lík-
ur séu á því að flokkarnir næðu
saman um hvaða leiðir væru best
til þess fallnar til þess að ná þeim
markmiðum.
Fulltrúar stjórnarandstöðunn-
ar í nefndinni lögðu fram bókun
með fjölmiðlaskýrslunni þar sem
menntamálaráðherra er gagn-
rýnd fyrir að fela nefndinni ekki
það hlutverk að fjalla um mál-
efni Ríkisútvarpsins. Ingibjörg
Sólrún Gísladóttir, Kolbrún Hall-
dórsdóttir og Magnús Þór Haf-
steinsson segjast öll sannfærð
um að nefndinni hefði einnig tek-
ist að komast að sameiginlegri
niðurstöðu um framtíð RÚV.
Þorgerður Katrín hefur hins
vegar enga trú á því. „Bara bók-
unin ein og sér sýnir að það
hefði verið mjög erfitt að
ná samstöðu um Ríkisútvarpið.
Ég veit að nefndarmenn hafa
þurft að miðla mjög málum,
bara vegna texta sem tengdur
er RÚV í skýrslunni,“ segir
Þorgerður.
Spurð hvers vegna ekki sé
hægt að gera kröfur á það að
pólitísk sátt náist um Ríkisút-
varpið segist hún telja að póli-
tísk sátt geti náðst um það frum-
varp sem hún hafi þegar lagt
fram. „Ég treysti því að frum-
varpið komi til með að styrkja
og efla hlutverk RÚV innan
þess fjölmiðlamarkaðs sem það
gegnir í dag,“ segir Þorgerður.
Þegar hún er spurð hvers
vegna sé þá ekki meiri sátt um
frumvarpið en virðist vera, mið-
að við gagnrýni stjórnarand-
stöðuflokkanna, svarar hún:
„Eigum við ekki að bíða og sjá
hvernig þetta verður?“
sda@frettabladid.is
stjornmal@frettabladid.is
Úr bakherberginu...
Öðru máli gegnir um RÚV
nánar á visir.is
UMMÆLI VIKUNNAR,, U MÆLI VIKUN AR ,,
„Hafi þingmönnum tekist að tala virðingu alþingis niður
meðal þjóðarinnar er ekki nokkur vafi á því, að starfsmenn
RÚV hafa lagt sig alla fram um að gera slíkt hið sama um
eigin stofnun undanfarna daga og vikur.“
Björn Bjarnason dómsmálaráðherra
á heimasíðu sinni 2. apríl.
„Til hamingju með afmælið ef þú lest þetta félagi Steinunn!“
Össur Skarphéðinsson, formaður Sam-
fylkingarinnar, á heimasíðu sinni 7. apríl.
Það er merkilegt hve viðhorf stjórnmálamanna til skoðanakann-
ana geta breyst eftir vindum. Nú eru til að mynda tvö mál í um-
ræðunni þar sem skoðanakannanir hafa verið gerðar til að mæla
viðhorf almennings til tiltekinna mála. Annað er sala Símans og
hitt er álver á Norðurlandi.
Svipuð útkoma var úr báðum könnunum – helmingur aðspurðra
var fylgjandi og hinn á móti.
Þó svo að niðurstöður sem þessar bjóði upp á að þrætt sé um
það hvort glasið sé háffullt eða hálftómt er enn athyglisverðara að
skoða hvernig stjórnmálamennirnir sjálfir kjósa að túlka þessar kannanir.
Í umræðunni um sölu Símans á Alþingi síðastliðinn mánudag gagnrýndu
þingmenn Framsóknarmanna harkalega málflutning Vinstri grænna, sem
héldu því fram að samkvæmt skoðanakönnunum væri hálf þjóðin andsnúin
því að selja Símann. Þar kom fram að niðurstöður í skoðanakönnunum væru
nú fremur haldlaus rök fyrir því hvort framkvæma ætti fyrirætlanir stjórnvalda
eða ekki.
Sami flokkur – Framsóknarflokkurinn – beitti hins vegar niðurstöðum í
skoðanakönnun um álver á Norðurlandi sem meginrökum í málflutningi
sínum á fundum víðs vegar um Norðurland á dögunum. Valgerður Sverris-
dóttir iðnaðarráðherra lagði höfuðáherslu á að samkvæmt skoðanakönnun-
um væri meirihlutavilji íbúa landshlutans fyrir því að reisa það álver.
Það hlýtur að vera ný stefna – að Framsóknarflokkurinn lúti vilja þjóðar-
innar sem fram kemur í skoðanakönnunum. Ekki fór ríkisstjórn Framsóknar-
flokks og Sjálfstæðisflokks að vilja þjóðarinnar í fjölmiðlamálinu svokallaða.
Ekki heldur var farið að vilja þjóðarinnar varðandi Kárahnjúkavirkjun. Fleira
mætti eflaust tína til.
Svo ekki sé talað um viðbrögð stjórnmálamanna við niðurstöðum í skoð-
anakönnunum um þá sjálfa og ósjaldan birtast í fjölmiðlum. Ef útkoman er
þeim í óhag hika stjórnmálamenn ekki við að gagnrýna þetta mælitæki
skoðana og finna því jafnvel allt til foráttu. Annað hljóð er þó í strokknum ef
útkoman er góð.
Það mætti gera þá kröfu til stjórnmálamanna að þeir gerðu upp hug sinn
til skoðanakannana. Annað hvort viðurkenna þeir þær sem nothæft mælitæki
– eða ekki. Og verða þá að haga sér í samræmi við það.
Í anda þeirra nýyrðasmíða sem viðhafðar eru á hinu háa Alþingi mætti því
ef til vill nefna Framsóknarflokkinn skoðanakannanahentistefnuflokk – eða
hvað?
Skoðanakannanahentistefnuflokkur
VIKA Í PÓLITÍK
SIGRÍÐUR DÖGG AUÐUNSDÓTTIR
ÞORGERÐUR KATRÍN GUNNARSDÓTTIR VIÐ KYNNINGU FJÖLMIÐLASKÝRSLU
Menntamálaráðherra segir að þótt fjölmiðlanefndinni hafi tekist hið nær ómögulega, að
ná sátt um tillögur að lagasetningu um fjölmiðla, gildi öðru máli um Ríkisútvarpið. Hverf-
andi líkur séu á því að flokkarnir geti náð sátt um stefnu til framtíðar fyrir stofnunina.
FJÖLMIÐLANEFNDIN Fulltrúar
stjórnarandstöðuflokkanna í fjöl-
miðlanefndinni lét færa í skýrlu
nefndarinnar bókun með athuga-
semdum við þá ákvörðun
menntamálaráðherra að fela
nefndinni ekki að fjalla um mál-
efni Ríkisútvarpsins.
„Við erum þeirrar skoðunar
að mikilvægt sé að ná sátt um
samræmda heildarsýn fyrir ís-
lenska fjölmiðla sem taki bæði til
Ríkiútvarspins og einkarekinna
fjölmiðla. Slíkt er einungis mögu-
legt ef vinnan við lagasetningu
um Ríkisútvarpið fer fram sam-
hliða vinnunni við hina almennu
löggjöf.
Sjálfstætt almannaútvarp
stuðlar að pólitískri og menning-
arlegri fjölbreytni og er forsenda
þess að fjölmiðlar geti gegnt að-
haldshlutverki og verið útverðir
lýðræðis í samfélaginu. Það er
mat okkar að eigi að nást víðtæk
sátt í samfélaginu um almenna
rammalöggjöf um fjölmiðla,
eignarhald og starfsumhverfi
verði að tryggja faglegt og
rekstrarlegt sjálfstæði Ríkisút-
varpsins gagnvart stjórnvöldum
og varðveita það traust sem ríkir
til stofnunarinnar og eigenda
hennar, það er þjóðarinnar.
Nú hefur það gerst að fram er
komið stjórnarfrumvarp um
Ríkisútvarpið, um það leyti sem
fjölmiðlanefndin er að ljúka
störfum, án þess að nefndinni
hafi nokkurn tíma verið gerð
grein fyri því hvers mætti vænta
í slíku frumvarpi. Frumvarpið
vekur upp margar spurningar
um raunveruleg markmið ríkis-
stjórnarinnar.“ ■
Stjórnarandstaðan í fjölmiðlanefnd:
Vildu fá að fjalla um málefni RíkisútvarpsinsHAFNARFJÖRÐUR
[ AUKABLAÐ
FYLGIR
FRÉTTABLAÐINU
FIMMTUDAGINN
14. APRÍL ]
Auglýsendur snúi sér til Ámunda Ámundasonar
sölufulltrúa í símum 515-7580 / 821-7514
amundi@frettabladid.is