Fréttablaðið - 15.04.2005, Qupperneq 6

6 15. apríl 2005 FÖSTUDAGUR
Aðstoðarframkvæmdastjóri ASÍ:
Allir stríða við sama vanda
VINNUMARKAÐURINN Öll lönd Norð-
ur-Evrópu eiga við svipaðan vanda
að stríða á vinnu-
markaði og Ísland
hvað varðar flæði á
ódýru erlendu
vinnuafli framhjá
lögum og reglum.
Sumar þjóðirnar
hafa gefist upp við
að stemma stigu
við þessu, til dæm-
is Belgar. Þetta
segir Halldór Grönvold, aðstoðar-
framkvæmdastjóri Alþýðusam-
bandsins.
Á Norðurlöndunum og í Þýska-
landi er hávær umræða um vinnu-
afl frá nýjum aðildarríkjum Evr-
ópusambandsins sem streymir inn á
vinnumarkaði og kröfur eru um að
stjórnvöld setji skýrar reglur og
reyni að stemma stigu við undirboð-
um, ólöglegu vinnuafli og auknu at-
vinnuleysi.
Halldór nefnir dæmi um
landamærahéruð Þýskalands og
Austurríkis og nýju aðildarríkj-
anna. Þar eykst stöðugt að starfs-
mönnum á innlendum vinnumark-
aði er sagt upp, fyrirtækið jafnvel
flutt til annars lands og fengið fólk
frá nýju aðildarríkjum ESB sem
kemur yfir landamærin til starfa á
morgnana og fer til baka á kvöldin.
Atvinnuleysi og flæði á vinnuafli
milli landa fylgir þjóðernishyggja
og útlendingahatur. - ghs
EGILSSTAÐIR Þingfesting var í máli
tveggja Letta, GT verktaka og
forsvarsmanns fyrirtækisins í
Héraðsdómi Austurlands í gær.
Málinu gegn verktakanum var
frestað meðan verjandi aflar
gagna eða til 20. apríl. Aðalmeð-
ferð í málinu gegn Lettunum mun
eiga sér stað 4. maí.
Óskað var eftir framlengingu á
farbanni á hendur Lettunum og
var það framlengt þar til dómur
gengur eða ekki lengur en til 13.
maí. Lettarnir höfðu áður verið
úrskurðaðir í farbann til 29. apríl.
Lettarnir tveir eru ákærðir
fyrir að aka hópferðabifreiðum
fyrir GT verktaka á Kárahnjúk-
um og sinna viðhaldi þeirra án
þess að hafa atvinnuleyfi. GT
verktakar og forsvarsmaður
fyrirtækisins eru ákærðir fyrir að
hafa ráðið útlendinga án atvinnu-
leyfis.
Lettarnir tveir og fulltrúi lög-
manns þeirra mættu fyrir dóminn
en forsvarsmaður GT verktaka og
lögmaður þeirra voru í símasam-
bandi við dóminn. Lettarnir og GT
verktakar neita sök.
Lettarnir mega ekki vinna hér
fyrr en dómur er fallinn. - ghs
Undirboð skekkja
samkeppnina
Verkalýðshreyfingin krefst þess að erlendar starfsmannaleigur verði viðurkennd-
ar hér og settar verði skýrar reglur um þær. Bæði til þess að samkeppnisstaða ís-
lenskra fyrirtækja skekkist ekki og til að ekki sé grafið undan kjarasamningum.
VINNUMARKAÐURINN Átak verka-
lýðshreyfingarinnar gegn ráðn-
ingu íslenskra fyrirtækja á er-
lendum starfsmönnum án at-
vinnuleyfis og innflutningur á
þeim á grundvelli þjónustu-
samninga snýst um það að leik-
reglur á íslenskum vinnumark-
aði séu virtar. Þetta segir Skúli
Thoroddsen, framkvæmdastjóri
Starfsgreinasambandsins.
Skúli segir að starfsumhverfi
sé að breytast í íslensku atvinnu-
lífi með tilkomu EES-samnings-
ins og stækkun Evrópusam-
bandsins. Framboð á vinnuafli
sé miklu meira en áður og fari
ekki minnkandi,
frekar þvert á
móti enda opn-
ist vinnumark-
aðurinn upp á
gátt eftir eitt ár.
„Íslenskir at-
vinnurekendur
og verktakar
geta flutt inn
vinnuafl í gegn-
um starfs-
m a n n a l e i g u r.
Portúgalskar starfsmannaleigur
heyra undir opinbert eftirlit í
Portúgal. Starfsmannaleigur í
baltnesku löndunum eru ekki
undir neinu opinberu eftirliti,
svo að við vitum til. Við höfum
ekki hugmynd um á hvaða kjör-
um þetta fólk sem er að koma
frá þeim löndum til Íslands.
Þetta felur í sér undirboð á ís-
lenskum vinnumarkaði og
skekkir samkeppnisstöðu fyrir-
tækjanna. Það er alveg ljóst,“
segir hann.
Verkalýðshreyfingin er ósátt
við að atvinnurekendur ráði er-
lent starfsfólk án atvinnuleyfis
og í gegnum þjónustusamninga
framhjá kjarasamningum. Milli-
liður er þá kominn milli fyrir-
tækisins og starfsmannsins og
starfsöryggi starfsmannsins
verður ótryggt og ógegnsætt.
„Við höfum verið að krefjast
þess af stjórnvöldum að settar
séu reglur um þessar starfs-
mannaleigur þannig að þær
verði viðurkenndar hér á landi.
Við erum ekki að tala um að
banna útlendingum að vinna á
Íslandi, alls ekki. Í ljósi breyttra
aðstæðna þurfum við að fá skýr-
ar leikreglur til þess að sam-
keppnisstaða íslensku fyrirtækj-
anna skekkist ekki.“
ghs@frettabladid.is
Samtök atvinnulífsins:
Neikvæð
umræða
VINNUMARKAÐURINN Ari Edwald,
framkvæmdastjóri Samtaka at-
vinnulífsins, telur að umræðan um
erlent vinnuafl sé „ótrúlega nei-
kvæð“ miðað við þær ofþensluað-
stæður sem Íslendingar búi við. Er-
lenda vinnuaflið sé algjör forsenda
þess að „Íslendingar eigi ekki eftir
að upplifa ofþenslukollhnís með til-
heyrandi kjarahruni“.
Ari segir að svört atvinnustarf-
semi stafi ekki af ókunnugleika um
lög og reglur í landinu. Gegn slíkri
neðanjarðarstarfsemi sé eðlilegt að
grípa til lögregluaðgerða og það sé
nokkuð sem öllum ábyrgum aðilum
finnist sjálfsagt.
HALLDÓR
GRÖNVOLD
Eiga Íslendingar að biðjast afsökunar
á framkomu stjórnvalda í garð gyðinga
fyrir stríð?
SPURNING DAGSINS Í DAG:
Var rétt hjá Halldóri Blöndal, forseta
Alþingis, að víta Lúðvík Bergvinsson
þingmann?
Niðurstöður gærdagsins á visir.is
69%
31%
Nei
Já
Farðu inn á fréttahluta visir.is
og segðu þína skoðun
KJÖRKASSINN
icelandair.is/vildarklubbur
Toyota Corolla
9.900 kr.
Innifalið: 3 dagar,
500 km akstur
og kaskótrygging.
Tilboðið gildir til 30. apríl 2005
Taktu helgina
með Hertz tilboði
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
ER
2
79
25

04
/2
00
5
Láttu ekki áætlanir helgarinnar stranda á
bílnum. Við höfum bílinn sem hentar þínum
þörfum á lægra verði en þig grunar. Tilboðs-
verð miðast við að þú sækir bílinn á föstudegi
og skilir honum á mánudagsmorgni. Hver leiga
færir þér 500 Vildarpunkta að auki.
Hafðu samband, Hertz hjálpar þér áfram.
50 50 600 • hertz@hertz.is
Legódagar
til 20. apríl
25%
afsláttur
Skattrannsóknarstjóri:
Skoða öll brot á skattalögum
VINNUMARKAÐURINN Jens Valsson,
forstöðumaður hjá Skattrann-
sóknarstjóra, segir að embættið
fari ekki í manngreinarálit í
rannsóknum sínum og skoði ekk-
ert frekar svarta atvinnustarf-
semi útlendinga eða Íslendinga.
Oft fari saman að vinnuafl sé
ólöglegt og hafi hvorki atvinnu-
leyfi né dvalarleyfi. „Auðvitað
koma mál erlendra starfsmanna
inn til okkar og við skoðum þá
brot á skattalögunum,“ segir
hann.
Von er á úrskurði yfirskatta-
nefndar um skattskyldu launa-
greiðanda vegna starfsmanna
frá starfsmannaleigum. - ghs
FARA DAGLEGA Á MILLI
Danskt matvælafyrirtæki sagði upp
öllu sínu danska starfsfólki og flutti
starfsemi sína í landamærahéruð
Þýskalands. Fyrirtækið fékk síðan
starfsmenn frá Póllandi til Þýska-
lands. Starfsmennirnir komu með
rútum á morgnana og fóru til baka
á kvöldin.
LENGDU VINNUTÍMANN
Verkamenn í þýskum bílaverksmiðj-
um samþykktu ekki alls fyrir löngu
að lengja vinnutíma sinn um
klukkustund á viku til að halda
vinnunni og koma í veg fyrir það
að verksmiðjurnar væru fluttar
austur fyrir.
HÉRAÐSDÓMUR AUSTURLANDS
Lettarnir tveir mættu fyrir Héraðsdóm
Austurlands í gær en fulltrúar GT verk-
taka og lögmanns þeirra voru í síma-
sambandi við dóminn. GT verktakar og
Lettarnir neita sök.
GT verktakar og Lettarnir:
Neita alfarið sök
SKÚLI
THORODDSEN.
VERKAMAÐUR AÐ STÖRFUM
Verkalýðshreyfingin krefst þess að
stjórnvöld setji skýrar reglur um
starfsmannaleigur.