Atuagagdliutit - 05.05.1982, Blaðsíða 6
Danskit aallartitaat
taama oqarput
APP pillugu
Umiarsuarsuit atorlugit assartuisarnissamik
pilersaarut maanna FNip immani pisinnaatitaaffiit
pillugit ataatsimiititaliaani
ilanngunneqarsimalerpoq
Naalakkersuisut siulittaasuata
Jonathan Motzfeldtip, Kalaallit
Nunaannut ministerip Tove Lind-
bo Larsenip nunanullu allanut mi-
nistereqarfiup sinniisaasa januar-
imi ataatsimeeqatigiinneranni ca-
nadamiut umiarsuarsuit atorlugit
assartuisarnissamik pilersaaru-
taat APP oqaluuserineqarpoq Jo-
nathan Motzfeldtip sulissutigin-
ninneratigut ataatsimiinnermi
aalajangiunneqarpoq qallunaat
kalaallillu APP-mut tunngatillu-
gu annilaamisaarnartoqartitsine-
rat immami pisinnaatitaaffiit pil-
lugit FN-ip pingajussaanik ataat-
simeersuartitsinissaani saqqum-
miunneqassasoq. Aalajangerner-
mut tamatumunnga naapertuut-
tumik suliassaq taanna ataatsi-
meersuaqataasussat tamarmiu-
sut New Yorkimi naapeqatigiin-
neranni saqqummiunneqarpoq.
Qallunaat ilanngutassaat oqaa-
seqaatitut ilillugu saqqummiun-
neqarpoq, nunat sineriaqartut
imartaminni sikusartuni aalaja-
ngersaasarnissaannut siunner-
suummut atatillugu (paragraf
234).
Qallunaat oqaaseqaataat ima-
tut oqaasertaqarpoq:
Nalorninartulerujussuaq
»Immikkoortoq 234 eqqarsaati-
galugu qallunaat aallartitaat isu-
maqarput immikkoortoq taanna
siuaallaaterujussuusoq, pingaar-
tumik immat issittuniittut uulia-
mit allanillu mingutsinneqarsin-
naanerannut illersorniarneqarta-
lernissaannut tunngasut eqqar-
saatigalugit.
Naluneqanngitsutut immat ta-
makku, sikunit ingerlaartuartu-
nit qallersimaneqartut umiarsuit
ajunaarnerisigut mingutsinne-
qartarsinnaanerannut navianar-
torsiorneq alliartorpoq. Immat
tamakkua nillerluinnartuupput,
taamaattumillu uulia mingutsit-
sissutaasartullu allat tamaani ki-
gaatsuinnarmik nungujartortar-
put. Maannali nutaanik pilersaa-
ruteqartoqarpoq immat tamak-
kua, ukiup annersaani sikuusar-
tut, ukioq kaajalallugu angallavi-
gineqartalernissaannut tunnga-
sunik, tamannali aatsaat pisin-
naassaaq umiarsuarsuit sikunik
aserorteruterujussuit, sikumik
taama issutigisumik aqqutalugin-
ninniassagunik nukissarujussuar-
mik pisariaqartitsisussat atorne-
qarpata. Taamaaliortoqarnerati-
gullu navianartorsiornerujussuaq
pilersussaassaaq, sikunik aseror-
terinerup nipiliornera piinnarna-
gu, pingaartumilli umiarsuit sar-
piisa nipiliornersuisa tamaani uu-
masut inuunerat, manna tikillugu
nutaalianik atortoqalernermit an-
nikitsuinnarmik sunniivigineqar-
simagaluartoq, eqqissinarunnaar-
sissinnaammassuk«.
Iluarseqqinneqarsin-
naanngitsoq
»Isumalluutit issittuniittut isu-
maminnillu nutartertuunngitsut
annerujartuinnartumik iluaquti-
gineqalernerannut tunngatillugu
Danmarkip pingaartilluinnarpaa
immat Kalaallit Nunaata eqqaa-
niittut angallavigineqarneruj ar-
tornerminnut naapertuuttumik
malittarisassaliorfigineqarnis-
saat. Tamatumanilu paasineqar-
luinnartariaqartoq tassa kalaallit
inuutissarsiornerminni immat
avatangiisimik tunniussinnaa-
saat uumassusillit tunngavigillu-
innarmatigik.
Pingaartumik miluumasut uu-
massusillit, Avannaani Tunumilu
piniartut inuuniarnerminni tun-
ngavigisaat, uumaffigisaanni pis-
sutsinit sunnertialluinnartuup-
put, taamaattumillu umiarsuit
assartuutit sikunik aserorteru-
taatigisut ukioq kaajallallugu Ka-
laallit Nunaata sineriaata avataa-
tigoortalersinnaanerat tamaani
uumasut pinngortitallu oqimaa-
qatigiinnerannik ajoquseerujus-
suarluniluunniit iluarsineqarsin-
naanngitsumik akornusiisinnaa-
nera annilaanngatigineqartoru-
jussuuvoq.
Neriuutigaarput immikkoortoq
234-p akuersissutigineqarnerati-
gut issittuni pinngortitap taane-
qartutut navianartorsiortinne-
qarsinnaaneranut, kinaassusersi-
unngitsumik illersuisinnaaner-
mut periarfissat sakkortusarne-
qassasut«, imaani pisinnaatitaaf-
fiit pillugit ataatsimeersuarner-
mut qallunaat aallartitaat taama-
tut oqaaseqaateqarput.
GRØN LANDS POSTEN
-pbtTCHE
MARINE
FLETCHER INTERNATIONAL SPORTSBOATS LTD
FLETCHER V 150 og V 155 BRAVO
Længde: 4,84 m. bredde: 1,84 m
Motorer: 50-115 hp.
Priser excl. fragt:
150 Bravo kr. 37.833,-
fragt kr. 5.530,- ialt lev.
Grønland kr. 43.363,-
FLETCHER V 160 GTO og V 160 BRAVO
Længde: 5,05 m. bredde: 1,89 m
Motorer: 50-115 hp.
Priser excl. fragt:
160 GTO kr. 45.428,-fragt
kr. 6.462,- ialt lev.
Grønland kr. 51.890,-
160 Bravo kr. 49.857,-
fragt kr. 6.462,- ialt lev.
Grønland kr. 56.319,-.
FLETCHER V 170 BRAVO
Længde: 5,30 m. bredde: 1,95 m
Motorer: 65-150 hp.
Pris excl. fragt kr. 54.665,-
fragt kr. 7.846,-, ialt lev.
Grønland kr. 62.511,-
FLETCHER V 199 BRAVO
Længde: 6,07 m. bredde: 1,95 m
Motorer: 85-175 hp.
Pris excl. fragt kr. 69.870,-
Fragt kr. 8.130,-, ialt lev.
Grønland kr. 78.000,-
FLETCHER 22 GTS BRAVO
Længde: 7,11 m. bredde: 2,18 m
Pris excl. fragt med 260 hp.
Mercruiser kr. 176.430,-.
Fragt kr. 11.570,- ialt lev.
på Grønland 188.000,-
Vi forbeholder os ret til ændringer i priser og specifikationer.
Forhandler:
SUKKERTOPPEN
MARINE
Postboks 70, 3912 Sukkertoppen . Tlf. 1 32 12 . Telex 907 09
6
Atuagagdliutit