Atuagagdliutit - 13.07.1993, Blaðsíða 7

NR. 71 1993
ATUAGAGDLIUTIT/GRØNLANDSPOSTEN
7
UNAMMISITSINEQ
KNI-p allanngortitersimaneranut atatillugu aalajangerneqarsimavoq KNI-p suliffeqarfii
pingasut nutaajusut nutaanik ilisarnaatitaassasut. Taamaammat unammisitsiniarpugut im-
mikkut assigiinngitsunik pingasunik ilisarnaatissanik.
- KNI Detail A/S-ip ilisarnaatissaa; Namminersornerullutik Oqartussanik pigineqartoq,
pisiniarfiit ataatsimoortuupput iiuanaarniarnissaminnut aqunneqartut avannaani llulissaniit
kujataani Nanortalimmut. Suliffeqarfiup anguniagaraa atuisut nioqqutissanik unammil-
lersinnaasunik pissarsiussallugit.
- KNI Service A/S-ip ilisarnaatissaa; suliffeqarfik Namminersornerullutik Oqartussanik
pigineqartoq, anguniagaraalu nunaqarfiit isorliunerusullu pilersorneqarnissaat qular-
naassallugu. Saniatigullu Kalaallit Nunaata Allakkerivia-nik, uuliamik aammalu kalaallit
nunaata iluani angalaniarnikkut KNI Service A/S sullissisuuvoq.
- KNI Holding A/S-ip ilisarnaatissaa; suliffeqarfinnut qulaani taaneqartunut qul-
lersaqarfiuvoq. Suliffeqarfiup atorfigaa isumannaassallugu KNI-p avinneqarnermini an-
guniagaat inatsisiliunneqarsimasut eqquutissallugit. Aammalu KNI Holding A/S atassutaavoq
Namminersornerullutik Oqartussanut suliffeqarfinnullu taakkununnga marlunnut.
Siunnersuutinut makku piumasarineqarput:
- Ilisarnaat qalipaatinik qernertoq/qaqortoq suliarineqassaaq, annerpaamillu qalipaammik
ataatsimik ilaneqarluni.
- Ilisarnaatissamut siunnersuusiaq nassiunneqassaaq pappiaqqamut qaqortumut allamik
naqinneqanngitsumik.
- Ilisarnaatissamut siunnersuusiaq ilisarnaatinut takussaareersunut allaanerulluinnassaaq.
Kissaatiginarpoq ilisarnaatissanut siunnersuusiani takuneqarsinnaassammat sulifffeqarfiit
taakku pingasut kalaaliusut imminnut atasut, kisiannili immikkut assigiinngitsunillu
suliaqartut.
Unammisitsineq tamanut ammavoq, soqutiginnittullu ilisarnaatissanut siunnersuusiatik su-
liffeqarfiit tamaasa pingasuusut nassitsiffigisinnaavaat. Immikkut suliffeqarfinni pinga-
suusuni ilisarnaatissamut siunnersuusiaq pitsaanerpaaq akissarsitinneqassaaq Kr. 5.000,00
tullialu kr. 2.500,00 pingajuat kr. 500,00.
Ilisarnaatissanut siunnersuusiat kingusinnerpaamik ulloq 30. juli 1993 nassiutereerne-
qassapput. Assigiimmik naliiiinissaq qularnaarniarlugu siunnersuusiat imatut
nassiunneqassapput:
- titartagaq allakkat puussaannut ikineqassaaq matuneqarlunilu - ateq allanneqassanngilaq
imaluunniit allat ilisarnaataasinnaasut.
- pappiaqqamut titartaasimasup atini najukkanilu immikkut allakkat puussaannut ikissavaa.
Taakku allakkat puussaannut ataatsimut ikineqassapput, uungalu nassiunneqarlutik:
KNI Detail A/S
Box 1009
3911 Sisimiut
Nalunaarulerlugu imatut: "logokonkurrence"
Aatsaat naliliisussat aalajangereerpata, allakkat puui atinik imaqartut ammarneqassapput.
Siunnersuusiat nalilerneqassapput ukuninnga: Atuakkiortoq Hans Anton Lynge, ilin-
niarfissuarmi ilinniartitsisoq Lars Møller Lund, nutserisoq Maria Meyer, bureauchef Silvana
Maqe Nielsen, paasissutissiinermi pisortaq Janus Maqe aammalu paasissutissiinermi
pisortaq Karin Røjkjær.
Naliliisussat pisinnaatitaapput siunnersuutit tigummiinnassallugit. Aamma oqaatigi-
neqassaaq Landsstyre naggataagut akuersissammat suliffeqarfinni taakkunani pinga-
suusuni suut ilisarnaataassanersut. Tamanna isumaqarpoq unammisitsinermi naliliisut
ajugaasunik toqqaareersimagaluartut, siunissami KNI-p suliffeqarfiata ilisarnaatissai aju-
gaasimasuniit allaanerusinnaammata.
Ajugaasimasut AG-mi Sermitsiamilu sap. akun. 35-imi saqqunniunneqassapput.
!
KNI Detail A/S
KNI Service A/S
q KNI Holding A/S