Fréttablaðið - 13.06.2005, Blaðsíða 20

Í Gilinu á Akureyri hefur árum saman staðið
ónotuð kartöflugeymsla. Geymslan hefur
undanfarið fengið mikla andlitslyftingu og
hýsir nú arkítektastofuna Kollgátu.
„Þetta hús var byggt árið 1937 og var kartöflu-
geymsla fyrir Akureyringa árum saman. Hér gat fólk
í bænum leigt hólf fyrir kartöflurnar sínar en
geymslan var lögð af í kringum 1990 og hefur staðið
auð síðan þá,“ segir Logi Einarsson, annar eigenda
Kollgátu. Til stóð að rífa geymsluna og hafði bygging-
arfyrirtækið SS Byggir tekið verkið að sér. „Sigurður
hjá SS Byggi vissi að ég var að leita að húsnæði og
hafði samband við mig vegna kartöflugeymslunnar.
Ég fékk stuttan umhugsunarfrest og þetta gerðist allt
ákaflega hratt,“ segir Logi.
Kartöflugeymslan hafði látið lítið fyrir sér fara og
það eina sem vegfarendur sáu af henni voru litlar dyr
sem lágu inn í brekkuna. Bak við þessar dyr var hins
vegar 100 fermetra geymsla sem passaði ágætlega
undir arkítektastofu. Starfsmenn Kollgátu teiknuðu
húsið sjálfir og segir Logi að mikið hafi þurft að gera
til að breyta geymslunni í arkitektastofu. „Þetta er
náttúrlega byggt sem kartöflugeymsla og hér var því
mikill raki og hvorki hiti né rafmagn. Geymslan var
hólfuð niður í sex geymsluhólf og við reyndum að
opna vel á milli þeirra til að plássið nýtttist betur. Við
ákváðum samt að leyfa gamla húsinu að njóta sín sem
best og byggðum þess vegna eins konar glerramma
utan um útvegginn að framan. Þannig fær gamli
veggurinn, sem áður var hulinn mold og grasi, að
njóta sín betur. Hér var líka gluggalaust, sem gengur
ekki alveg. Við bættum því gluggum við framhliðina
og nú kemur hámarksbirta hingað inn,“ segir Logi.
Þótt kartöflurnar séu á bak og burt er ýmislegt
sem minnir á fyrra hlutverk hússins. Þar er fremur
lágt til lofts, gólfið hallar örlítið og veggirnir eru hrá-
ir. Logi er ánægður með útkomuna og segist hafa
fengið góð viðbrögð frá vegfarendum, sem eru
ánægðir með að kartöflugeymslan hafi fengið nýtt
hlutverk. ■
Húsið eins og það er í dag. Grafið var frá framhliðinni og reistur glerveggur sem myndar ramma utan um gamla útvegginn.
Kartöflugeymsla fær nýtt líf
húsráð }
Valhnetur góðar
fyrir viðinn
HNETUOLÍAN FYLLIR UPP Í
RISPURNAR.
Rispur í viðargólfum og viðarhús-
gögnum eru hvimleiðar, en einföld
og ódýr leið til að losna við rispurnar
er að nota valhnetur. Valhnetum er
þá nuddað á rispurnar og náttúrlu-
legar olíur í hnetunum fylla upp í all-
ar rispur og misfellur. Þetta er ekki
bara góð leið heldur líka umhverfis-
væn. Þetta er hægt að gera við garð-
húsgögnin og allt úr gegnheilum viði
sem hefur rispast illa.
4 13. júní 2005 MÁNUDAGUR
Viðargólfið tekið í gegn
REGLULEGT VIÐHALD ER NAUÐSYNLEGT ÞEGAR OLÍUBORIÐ PARKETT ER ANNARS
VEGAR. GÓLFIÐ ÞARF AÐ PÚSSA Á EINS TIL TVEGGJA ÁRA FRESTI.
Í eldri húsum eru gólfin gjarnan lögð gegn-
heilum við sem er olíuborin, auk þess sem
það hefur verið í tísku upp á síðkastið að
pússa upp viðargólf og olíubera þau.
Reglulegt viðhald er nauðsynlegt til að
halda gólfunum fallegum og í upprunalegu
formi sem lengst. Olíu þarf að bera á gólf-
ið á eins til tveggja ára fresti, eftir því hvað
álagið er mikið og reglulega þarf að pússa
gólfið sem er ekki ósvipað því að maður
gerir með stórt viðarborð.
1. Sópaðu eða notaðu góða ryksugu til að
fjarlægja allt ryk og kusk af gólfinu.
2. Notaðu hreinar tuskur til að hella olí-
unni á. Ekki hella henni beint á gólfið.
Berðu olíuna á gólfið með tuskunni
með ákveðnum hreyfingum og fylgdu
legu viðarins.
3. Dreifðu olíunni eins jafnt og hægt er til
að tryggja að liturinn verði jafn. Skiptu
út tusku eins og oft og þörf þykir. En
líklegt er að þú þurfir að nota nokkrar
tuskur.
4. Leyfðu viðnum að draga í sig olíuna í
einn til tvo klukkutíma.
5. Farðu létt yfir með olíuborinni tusku á
alla bletti sem hafa myndast. Því oftar
sem gólfið er pússað með þurri tusku
mun glansinn á gólfinu aukast.
Svona leit kartöflugeymslan út þegar til stóð að rífa hana síðast-
liðið haust.
Logi Einarsson og Ingólfur Guðmundsson eiga Kollgátuna og eru
himinánægðir með húsið.
Allt um heilsu
á þriðjudögum í Fréttablaðinu.
Allt sem þú þarft
og meira til
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
P
R
E
28
04
9
0
4/
20
05