Fréttablaðið - 13.06.2005, Blaðsíða 21

5MÁNUDAGUR 13. júní 2005
Hægt að sitja úti árið um kring
Viðhaldsfrí húsgögn úr áli og stáli henta vel íslensku veðurlagi. Nýstárleg hönnun sem vakið
hefur mikla athygli.
Í Exó fást nú flott garðhúsgögn sem eru úr nýrri
línu frá spænska framleiðandanum Gandia Blasco.
Þetta er skemmtileg nýjung með einstökum létt-
leika en húsgögnin eru úr áli og stáli þannig eru
þau viðhaldsfrí og geta staðið úti allt árið um
kring. Þau eru mátulega þung þannig að þau fjúka
ekki svo auðveldlega burt. Hægt er að fá lausar
sessur á stólana svo hægt er að taka þær inn ef
rignir, eða þegar veturinn ber að garði. Borðplötur
er hægt að fá bæði úr hertu plast í mörgum litum
og timbri, en timburplöturnar er hægt að skrúfa af
og geyma inni yfir veturinn eða taka inn í skúr
þegar bera þarf á fúavörn.
Auk þessa er í línunni heilu útisófasettin með
hvítum dýnum og ljósker í öllum stærðum. Í lín-
unni eru leikstjórastólar, strandstólar, borðstofu-
útisett, legubekkir, útisófasett, stakir útisófar, stök
útiborð og heilu útihúsin. Þessi útihúsgögn hafa
verið kynnt í öllum helstu og virtustu húsgagna-
tímaritum um allan heim.
Eykur á öryggi
fólks í bruna
Viðarklæðning sem brennur hægt er tækninýjung sem kemur
frá Danmörku og hefur hlotið lof víða um heim.
„Að mínu mati er þetta algert
tækniundur“, segir Steingrímur
Sigurjónsson byggingafræðingur
og húsasmíðameistari um nýja
tegund af klæðningu sem er seig-
brennandi, en þetta er fura sem
hefur verið meðhöndluð á sér-
stakan máta. „Ef eldur kemur upp
í húsi með þessari klæðningu
getur logað í klukkustund þegar
við venjulegar kringumstæður
eru tréhús að brenna á einu
augnabliki,“ segir Steingrímur og
leggur áherslu á að ef húsið er
lengi að brenna er mun rýmri tími
fyrir fólk að komast öruggt út úr
húsinu.
Hann segir þessa klæðningu
henta sérstaklega vel á sumar-
bústaði og auðvelt sé að setja
þessa klæðningu utan á eldri bús-
taði. „Fólk er farið að vera í bú-
stað allan ársins hring og finnur
því meira fyrri veðri og vindum,
en þessi klæðning styrkir bústað-
inn þannig að hann nötrar mun
minna í roki og ætti að þola allar
náttúruhamfarir mun betur,“
segir Steingrímur.
Klæðningin sem kemur frá
Danmörku hefur fengið gæða-
vottun víða um Evrópu, auk Ástr-
alíu og Kanada og er Gardermoen
flugstöðin í Osló klædd með þess-
ari klæðningu bæði að innan og
utan. Smiðir sem ætla sér að setja
upp þessa klæðningu þurfa að
sækja námskeið áður til að kynna
sér aðferðirnar við uppsetningu.
„Ég sé um að kenna þessi nám-
skeið, en ég ætla mér að vera með
frekari kynningar á þessu efni á
næstunni,“ segir Steingrímur.
kristineva@frettabladid.is
Steingrímur heldur á nýrri klæðningu sem
er gædd þeim eiginleikum að brenna
mjög hægt.
Mexíkóskir útiarnar úr brenndum leir eru vin-
sælir í garðinn. Það er þó ýmislegt sem þarf að
hafa í huga þegar ofninn er notaður eins og að
á botn ofnsins á fyrst að leggja átta sentimetra
lag af möl eða litlum steinum. Þegar búið er að
nota ofninn er best að láta eldinn kulna rólega
út. Aldrei á að nota kol, pressaðan við eða fljót-
andi eldsneyti í ofninn. Ofninn má heldur ekki
hreyfa þegar hann er blautur eða rakur, þar
sem hann gæti brotnað.
Lengi lifir í gömlum græjum
GÖMLU RAFMAGNSTÆKIN GETA KOMIÐ AÐ ÝMSU GAGNI OG GETA AUK ÞESS
VERIÐ HIN MESTA PRÝÐI.
Gömul rafmagnstæki ganga úr sér eins og
annað en eru oft falleg og til prýði á
heimili. Það er því ástæðulaust að farga
þeim þó þau séu hætt að virka. Sumar
græjur eru svo fallegir hönnunargripir að
þau eru til prýði í sjálfum sér og eru oft á
tiðum líka fyrirtakshirslur.
Ýmislegt er hægt að gera við gamalt sjón-
varp, útvarp eða stereógræjur. Það má til
dæmis rífa ónýtt innvolsið út úr þeim og
planta fallegum blómum inn í tækin, nota
þau sem myndaramma utan um myndir
af fjölskyldunni eða búa til listaverk inn í
þau. Gamla plötuspilarann má sem best
nota sem hitaplötu á borð í matarboði og
þá er auðvitað gráupplagt að setja fiska-
búr inn í gamla sjónvarpið og fylgjast svo
með fiskunum synda fram og aftur. Alveg
kjörið að slaka á fyrir framan lífræna sjón-
varpið sitt og fá fréttir úr fiskheimum um
leið og þær gerast.
Útiofnar verða
æ vinsælli
OFNA Í GARÐINUM ÞARF AÐ MEÐHÖNDLA
MEÐ GÆTNI.
Stórir gluggar, sérstaklega suðurgluggar
greiða leið sólargeislanna inn í híbýli
fólks þar sem þeir geta orðið til ama og
óþæginda. Gólf, gardínur húsgögn og
aðrir innanstokksmunir upplitast með
tímanum ef ekkert er að gert. Til að
stemma stigu við hita og birtu sólar-
geislanna hafa margir kosið að setja
sólarfilmur á glerið. Meðal þeirra fyrir-
tækja sem flytja inn slíkar filmur eru
AMG Aukaraf á Dalvegi í Kópavogi.
Filmurnar sem þar fást draga úr
hitainnstreymi um 30-60% og birtu um
30-40% að sögn Ásgeirs Viðars Ásgeirs-
sonar framkvæmdastjóra. „Svo lokar
þetta fyrir alla útfjólubláa geisla sem
valda upplitun á húsgögnum, listaverk-
um og öðrum innanstokksmunum.
Hann segir filmurnar vinsælar bæði í
fyrirtæki og heimahús og þær séu til í
mismunandi litum. „Algengast er að
notuð sé brún filma í íbúðarhús og líta
þá rúðurnar út fyrir að vera reyklitar.
Hún skerðir ekki útsýni á nokkurn hátt
en setur auðvitað annan litablæ á um-
hverfið,“ segir Ásgeir.
Filmur vernda innbúið
SÓLARFILMUR DRAGA ÚR HITA OG BIRTU, AUK ÚTFJÓLUBLÁRRA GEISLA.
Að horfa á fiska er góð afslöppun.
Hvítt og stílhreint útisófasett með lausum sessum.
Hvítt og frísklegt borð með sex stólum.
Smart leikstjórastólar sem henta
í garðinn eða á svalirnar.
Glæsilegt útiborðstofusett sem
sómir sér vel í garðinum.
Letilegir sólstólar sem kalla á mann.
FR
ÉT
TA
B
LA
Ð
IÐ
/H
EI
Ð
A