Fréttablaðið - 29.12.2005, Blaðsíða 56

40 29. desember 2005 FIMMTUDAGUR
sport@frettabladid.is
Það verður ekki tekið af leikmönnum
meistaraflokks ÍR í handbolta að þeir
fara frumlegar og skemmtilegar leiðir í
fjáröflun sinni fyrir æfingaferð til Kanarí-
eyja. Þeir eru búnir að bóna bíla, selja
spilastokka og halda handboltanám-
skeið. Punkturinn yfir i-ið er síðan leikur
sem fram fer í Austurbergi á föstudags-
kvöldið.
Þá tekur ÍR-liðið á móti liði sem skipað
er gömlum ÍR-ingum á borð við Einar
Hólmgeirsson, Ragnar Óskarsson,
Fannar Þorbjörnsson, Hannes Jón
Jónsson og Ólaf Gylfason. Liðinu stýra
síðan Hólmgeir Einarsson, stjórnar-
maður félagsins, og Hrafn Margeirsson,
fyrrum markvörður liðsins. Dómarapar-
ið er síðan ekki af verri endanum en
landsliðsþjálfararnir Viggó Sigurðsson og
Bergsveinn Bergsveinsson munu taka
hið óverðskuldaða starf að sér að þessu
sinni. Viggó hefur verið óhræddur við að
láta dómara heyra það í gegnum tíðina
og eflaust bíða margir spenntir eftir því
að sjá hvernig honum ferst verkið úr
hendi.
„Hólmgeir bað mig um að vera eitt-
hvert skemmtiatriði þarna og það var
alveg sjálfsagt. Ég er alltaf að dæma á
æfingum þannig að ég er öllu vanur,“
sagði Viggó við Fréttablaðið í gær en
hann mælir með því að dómarar lands-
ins fjölmenni á völlinn. „Ef þeir vilja læra
þá mæta þeir,“ sagði Viggó léttur.
Landsliðsþjálfarinn segist vera sann-
gjarn dómari og sá eini sem hann hefur
áhyggjur af að verði til vandræða í leikn-
um er Júlíus Jónasson, aðstoðarþjálfari
ÍR. „Ég gæti
þurft að taka
hann eitt-
hvað í gegn.
Hann er aldrei
til friðs,“ sagði
Viggó en hann
býst fastlega við
að vera útidómari
allan leikinn. Berg-
sveinn fær að hlaupa
enda segist hann vera
í toppstandi að því er
Viggó segir. Leikurinn
hefst klukkan 19.00 og
er frítt inn.
FJÁRÖFLUNARLEIKUR HJÁ ÍR: GAMLIR ÍR-INGAR MÆTA ÍR-LIÐI DAGSINS Í DAG
Viggó bregður sér í hlutverk dómara
SAMSETT MYND/
KRISTINN
HANDBOLTI Öllum að óvörum, meðal
annars Guðmundi Guðmundssyni
þjálfara, er Fram á toppnum í
DHL-deild karla nú þegar langt
hlé á mótinu er hafið vegna hátíð-
anna og þátttöku íslenska lands-
liðsins á EM í Sviss sem hefst í lok
næsta mánaðar. „Ég held að eng-
inn, hvorki ég né aðrir handbolt-
amenn, hafi átt von á því að Fram
yrði á toppnum um jólin,“ segir
Guðmundur en Fram hefur eins
stigs forskot á Hauka eftir 14 leiki
í deildinni, en liðið hefur unnið tíu
leiki, gert tvö jafntefli og aðeins
tapað tveimur leikjum.
„Fram átti í erfiðleikum á síð-
asta tímabili og þegar ég tók við
liðinu gerði ég mér grein fyrir því
að verkefnið yrði erfitt. Auk þess
er ég með mjög ungt lið í höndun-
um og ég átti von á því að það tæki
lengri tíma fyrir okkur að komast
á þennan stall,“ segir Guðmundur,
sem tók við liði Fram fyrir tíma-
bilið í ár eftir að hafa verið í fríi
frá þjálfun íslensks félagsliðs frá
árinu 1999.
Hann segir að lykillinn að
velgengni Fram það sem af er
móti sé dugnaður og metnaður
lærisveina sinna. Leikmennirnir
eru allir mjög samviskusamir og
metnaðarfullir og það er forsend-
an að velgengni. Þeir eru tilbún-
ir að fara eftir því sem ég legg
upp með og til þessa höfum við
verið með réttu svörin gagnvart
hinum liðunum, bæði varnar- og
sóknarlega, og við höfum náð að
finna það leikskipulag sem hentar
þessu liði. Leikgleðin er mikil og
sjálfstraustið hefur aukist leik frá
leik.“
Guðmundur telur að þrátt fyrir
að deildin sé ekki eins sterk og
hún hefur áður verið þá sé hún að
mörgu leyti mun skemmtilegri og
telur hann að hið nýja fyrirkomu-
lag deildarinnar hafi komið henni
til góða.
„Mótið hefur verið rosalega
skemmtilegt og margir spenn-
andi leikir. Við hjá Fram höfum
upplifað algjörlega byltingu hvað
varðar áhuga á liðinu og umgjörð
í kringum leiki. Hver einasti leik-
ur skiptir miklu máli og það er að
skila sér til áhorfenda.“
Guðmundur segir að deildin
hafi ekki spilast eins og hann átti
von á og að hann hefði átt von á að
nokkur lið væru ofar en raun ber
vitni. „FH, Stjarnan, HK og jafn-
vel Afturelding eru allt lið sem ég
átti von á að yrðu ofar en Stjarnan
hefur verið á siglingu og ég á von
á að liðið fari að blanda sér í bar-
áttuna eftir áramót. Menn hafa
sagt að Fylkir hafi komið á óvart
en að mínu mati er liðið einfald-
lega feikiöflugt með góðan mann-
skap. Þeir hafa staðið sig mjög vel
en ég átti alveg eins von á því.“
Upprunalegt og opinbert mark-
mið Fram fyrir tímabilið var ein-
falt – að enda mótið á meðal átta
efstu liða svo að sæti í úrvalsdeild
að ári verði tryggt. Guðmundur
segir að það markmið sé enn í fullu
gildi en neitar því jafnframt ekki
að í ljósi góðs gengis Fram-liðsins
hafi orðið til ný markmið innan
liðsins sem almenningi verður
þó ekki gert kunnugt um. „Það er
alveg ljóst að við erum búnir að
breyta okkar markmiðum.“
Ætlar Fram að verða Íslands-
meistari?
„Við erum allavega í barátt-
unni núna og ætlum að sjálfsögðu
að reyna að halda okkur í henni í
seinni hluta mótsins.“
vignir@frettabladid.is
Við höfum breytt markmiðunum
Guðmundur Guðmundsson, þjálfari toppliðs Fram í DHL-deild karla í handbolta, segist engan veginn hafa
átt von á því fyrir tímabilið að lið hans myndi sitja á toppi deildarinnar yfir hátíðarnar.
KOMINN INN MEÐ KRAFTI Guðmundur Guðmundsson gerir frábæra hluti með hið unga
Fram-lið og hefur komið inn í íslenska boltann af krafti á nýjan leik.
FRÉTTABLAÐIÐ/E.ÓLÞ
FÓTBOLTI Hinn stóryrti stjóri Chel-
sea, Jose Mourinho, hefur verið
mjög ólíkur sjálfum sér síðustu
vikur því hann hefur ítrekað beð-
ist afsökunar á hinu og þessu og er
orðinn mjög lítillátur sem er hlið
sem hann hefur ekki sýnt áður.
Steininn tók algjörlega úr í gær
þegar hann baðst afsökunar á því
að hafa verið svona hrokafullur
frá því hann kom til Englands.
„Ég varð Evrópumeistari með
Porto 24. maí og kom til Chelsea
tveimur eða þremur dögum síðar.
Fjölmiðlar byrjuðu strax að efast
um mig og ég varð steinhissa. Svo
hissa að ég biðst afsökunar ef ég
hef verið hrokafullur en ég tel
mig ekki hafa verið það,“ sagði
Mourinho.
„Eftir þessar móttökur var
áskorunin mikil að standa sig.
Ef ég hefði ekki staðið mig svona
vel fyrsta árið hefðu blöðin legið
í mér,“ sagði Mourinho og bætti
við að honum hefði þótt sárt að
sjá á eftir Adrian Mutu á sínum
tíma enda hefði hann verið góður
strákur. Aðstæður hefðu aftur á
móti ekki boðið upp á annað en
að láta Mutu fara. Annars hefði
félagið sent út röng skilaboð sem
það vill alls ekki senda út í knatt-
spyrnuheiminn.
Jose Mourinho, stjóri Chelsea, fór að breytast í mjúkan mann um jólin:
Biðst afsökunar á hrokanum
JOSE MOURINHO Óvænt orðinn mjög lítillátur.
FRÉTTABLAÐIÐ/GETTY IMAGES
FÓTBOLTI Samkomulag franska
bakvarðarins Willy Sagnol við
Juventus er líklega úr sögiunni
eftir samtal hans við Karl-Heinz
Rumenigge, stjórnarformann Bay-
ern Munchen. Samningur Sagnol
við Bayern rennur út næsta sumar
og hafði hann samþykkt að ganga
til liðs við ítölsku meistarana fyrir
næstu leiktíð. En svo virðist sem
að Rumenigge hafi náð að sann-
færa Sagnol um að Bayern sé liðið
sem hann á mesta möguleika á að
vinna meistaradeildina með, en
áður hafði Sagnol lýst yfir löngun
sinni til að vinna þá keppni.
„Ég er 99 prósent viss um að
Sagnol muni skrifa undir nýjan
samning þegar hann kemur aftur
til München í janúar eftir jóla-
fríið,“ sagði Rumenigge í gær en
hann vildi ekkert fara út í hvað
það hefði nákvæmlega verið sem
hann sagði við Sagnol sem fékk
hann til að skipta um skoðun. „Það
er á milli mín og hans.“ - vig
Franski bakvörðurinn Willy Sagnol:
Áfram hjá Bayern eftir allt saman?
WILLY SAGNOL Hefur tekið miklum framförum hjá Bayern.
FÓTBOLTI Stuart Pearce, knatt-
spyrnustjóri Manchester City,
segist munu taka Shaun Wright-
Phillips opnum örmum fari svo að
hann fái möguleika á því að snúa
aftur til félagsins. Wright-Phillips
hefur ekki fengið mörg tækifæri í
byrjunarliði Chelsea í ár eftir að
hafa verið keyptur til liðsins fyrir
rúmar 20 milljónir punda í sumar
en orðrómur hefur verið uppi um
að Man. City gæti hugsanlega
fengið hann lánaðan út tímabilið.
„Hann er frábær leikmaður og
frábær félagi. Auðvitað myndi ég
vilja hafa hann í mínu liði,“ segir
Pearce, sem vill ekki meina að
Wright-Phillips hafi gert rangt
með því að fara til Chelsea.
„Það var rétt ákvörðun hjá
honum að fara og eðlilegt skref
fyrir leikmann í þeirri þróun sem
hann hefur verið í undanfarin ár.
Ég held að hann muni fara á HM
og það hlýtur að koma að því að
hann fái að spila meira,“ segir
Pearce. - vig
Stuart Pearce stjóri Man. City:
Vill fá Wright-
Phillips til baka
STUART PEARCE Vill fá Wright-Phillips
aftur.
> McShane bestur í Grinda-
vík
Knattspyrnumaðurinn Paul McShane var
í gær útnefndur íþróttamaður Grinda-
víkur árið 2005 en hann var lykilmaður
í liði Grindavíkur
sem bjargaði
sér frá falli úr
Landsbanka-
deildinni á
ævintýra-
legan hátt.
Körfubolt-
kappinn Páll
Axel Vilbergs-
son varð annar
og körfuknatt-
leikskonan
Berglind
Anna
Magn-
úsdóttir
varð
þriðja.
Allir á völlinn
Það er lítið jólafrí hjá körfuboltamönn-
um en fimm leikir fara fram í Iceland
Express-deild karla í kvöld og tilvalið að
gera sér dagamun um jólin og skjótast
á völlinn.