Fréttablaðið - 03.01.2006, Page 48

22 ■■■■ { heilsublaðið } ■■■■■■■■■■■■■■■■■■■■■■■■■■■■■■■■■■■■■■■■■■■■■■■
„Við erum með mikið afreksfólk í
frjálsum íþróttum og höfum verið
með síðustu ár, bæði á landsvísu
og heimsvísu. Það er án efa að skila
sér til krakkanna,“ segir Sigurður
Haraldsson, formaður stjórnar frjáls-
íþróttadeildar FH, en margir þessara
hæfu íþróttamanna hafa æft og æfa
hjá FH. „Ég held við séum með sex
eða sjö krakka sem eru á skólastyrk
í Bandaríkjunum og úti um allan
heim út af frjálsum íþróttum.
Til frjálsíþrótta teljast allar
stökkgreinarnar, kastgreinarnar og
hlaupgreinarnar, svo sem langhlaup,
spretthlaup og grindahlaup. „Þetta
eru allt ólympískar greinar,“ segir
Sigurður.
Hjá FH æfa frjálsíþróttamenn
á öllum aldri, og eru iðkendur um
250 talsins alls en félagarnir eru
um 800. Yngsti aldurshópurinn eru
fimm ára börn, og þeir elstu tilheyra
öldungadeild félagsins.
„Við erum með mjög hæfa þjálf-
ara og æfum mest í Kaplakrika sem
er æfingasvæði FH, en á veturna
þegar okkur skortir innanhúsæf-
ingaraðstöðu þá höfum við verið að
fara í hallir í Kópavogi og víðar,“
segir Sigurður.
Frekari upplýsingar um frjáls-
íþróttadeild FH er að finna á vef-
síðunni frjalsar.is og jafnframt er
hægt að hafa samband beint við
þjálfarana.
Frjálsar íþróttir í Hafnarfirði
Þó boltinn fái yfirleitt mesta umfjöllun á síðum dagblaðanna hefur áhugi ungs fólks
á frjálsum íþróttum ekkert farið minnkandi, enda hafa íslenskir frjálsíþróttamenn náð
stórkostlegum árangri á alþjóðlegum markaði seinustu árin.
Ólympíufarinn Þórey Edda Elísdóttir æfir
stangarstökk með FH. Hún lenti í fimmta
sæti á Ólympíuleikunum í Aþenu 2004.
FRÉTTABLAÐIÐ/TEITUR
Sigrún Hjálmtýsdóttir, betur þekkt
sem Diddú, segist sinna líkamanum
allt árið um kring. „Það skiptir svo
miklu máli að vera í góðu formi ef
maður er söngvari.“
Hún segist ekki ætla að brydda upp
á neinni nýbreytni þetta árið en
kannski fara örlítið oftar í leikfimi.
„Annars eru auðvitað nýliðin jól,
með stórum stöfum, og ég hélt upp
á þau út í ystu æsar. Maður leyfir
sér það því þá er að einhverju að
vinna í líkamsræktinni, ekki alltaf
bara hjakk í sama farinu.“
Diddú segist ekki mikil hlaupa-
manneskja. „Ég er meira fyrir að
ganga. Ég geng stundum rösklega
í náttúrunni hér í Mosfellsdalnum,
en það er bara á góðviðrisdögum
- annars fer ég í ræktina.“ Diddú söngkona heldur sér í góðu formi.
Heilsan
Sjósund, brúarhopp, fjallahjól-
reiðar, rafting-ferðir, fallhlíf-
arstökk, vélsleðaferðir, svif-
drekaflug, teygjustökk og svo
f ramveg i s .
Adrenalín
er heilsubætandi fyrir alla þá
sem hafa heilsu til, en einnig
bráðnauðsynlegt fyrir þá sem
eru þreyttir á tilbreytingarlausu
borgarlífi.
Rétt er að minna á
það að gott
adrenalín-
stuð þarf
ekki allt-
af að kosta
mikið, það eina
sem þarf er nettur
kokkteill af fífldirfsku
og ævintýraþrá. Brúar-
hopp getur verið hressandi
í skammdeginu en þó er
kannski réttast að bíða fram
að sumri.
Adrenalín