Fréttablaðið - 14.01.2006, Page 18

14. janúar 2006 LAUGARDAGUR18
Kæra
Dagbók
Þráinn Bertelsson skrifar■ HELGIN 7.- 8. JAN.
Sjötugsafmæli
Í dag, 8. jan. hefði
Elvis Aaron Presly
orðið 71 árs. Von-
andi dvelst hann
núna á Heart-
break Hotel, flott-
asta gistihúsinu í
Himnaríki og nær-
ist á diet-nektar og
sykurskertri ambrósíu og lýsi og
er steinhættur í ruslfæðinu.

■ MÁNUDAGUR, 9. JAN.
Loksins, loksins!
Síðan klukkan 7 í morgun eru til
300 þúsund Íslendingar í veröld-
inni. Heildaríbúatala heimsins
er talin vera 6.491.105.371. Af
einhverjum ástæðum er gæðum
jarðarinnar dáldið misskipt milli
íbúanna: til dæmis hefur 1% jarð-
arbúa jafnmikla peninga milli
handanna og þau 57% sem minnst
hafa. Mörgum finnst þessi ójöfn-
uður hið besta mál, einkum ef þeir
tilheyra litla forréttindahópnum.
Verra með hina.
Vísindamenn við Karólínsku
stofnunina í Svíþjóð segja að
fuglaflensan sé ekki eins hættu-
leg og af er látið.

■ ÞRIÐJUDAGUR, 10. JAN.
Prentvillupúkinn og fleiri
djöflar
Nú eru Norðmenn farnir að deila
við Svía um fuglaflensuna. Norð-
menn eru svartsýnir og segja að
flensan sé lífshættuleg. Kannski
maður fái þá bráðum að heyra í
Elvis.
Fór á fund upp á Frétta-
blað. Ekki tókst mér samt
að hafa uppi á prentvillu-
púkanum sem eyðilagði
síðustu dagbókar-
færslu fyrir lesendum
og mér. Fyrirsögn-
in á Kæra Dagbók
í síðustu viku frá
minni hendi hljóð-
aði svona: ÓKEYP-
IS BRENNIVÍN
– LAUSN Á ÞJÓÐFÉ-
LAGSVANDA. Ég var nefnilega
að benda á þá mannúðarstefnu að
sjá ólæknandi áfengissjúklingum
fyrir ókeypis mat og áfengi (nóg
bruðlar nú ríkið með vín og veislu-
föng handa þeim sem hafa efni
á að kaupa sér þetta sjálfir), en
fyrirsögnin sem birtist var svona:
ÓKEYPIS FRÉTT – LAUSN Á
ÞJÓÐFÉLAGSVANDA. Það getur
vel verið að það sé ekki í tísku
lengur að trúa á ljóta kallinn, en
ég fyrir mína parta er sannfærð-
ur um að prentvillupúkinn lifir
góðu lífi, hvort sem hús-
bóndi hans er sálaður
eða ekki.
Nýjustu fréttir af
kjaramálum lands-
manna sé ég á
visir.is: „Bjarni
Ármannsson, for-
stjóri Íslands-
banka, keypti í
gær hlutabréf í
bankanum fyrir
tæpan milljarð
króna. Bjarni keypti bréfin í gær
á genginu 18,6 en nú síðdegis var
skráð gengi þeirra 19,1. Það þýðir
að bara á þessum eina skammti
hefur Bjarni hagnast um
25 milljónir króna á einum
sólarhring.“
Sennilega finnst ein-
hverjum stæll á svona. En
það finnst mér ekki. Það stóð
ekki nema innvígðum og inn-
múruðum til boða að kaupa
hlutabréf í fyrirtækinu. Mér
hefði verið kastað út ef ég
hefði labbað þar inn í gær og
beðið þá að lána mér millj-
arð eða svo til fyrramáls
svo að ég gæti grætt líka. Samt
hef ég verið í viðskiptum við þá
síðan forfaðir Íslandsbanka hét
Verzlunarbankinn. Það grasséra
fleiri djöflar í samfélaginu en
prentvillupúkinn.
Reyndar geri ég ráð fyrir
að láta duga að hrista
hausinn yfir þessu með
vandlætingarsvip þangað
til upp er runnin sú tíð að mis-
skipting peninga verður svo mikil
að börn þeirra sem eiga auðinn
ganga í góða skóla en börn okkar
hinna í lélega skóla, og ríkt fólk
sem þarf á heilsugæslu að halda
fær hana fljótt og vel, en við hin
seint og illa. Þá verður friðurinn
úti. Að því takmarki stefnum við
núna.

■ MIÐVIKUDAGUR, 11. JAN.
Harmsaga
Nú eru fjölmiðlar uppfullir af
sínu uppáhaldsumræðuefni:
Fréttum og greinum um sjálfa
sig. Harmsagan sem er tilefni
þessarar naflaskoðunar er sú að í
gær birti DV risafrétt um mann,
nafngreindi hann og birti mynd
af honum á forsíðu, og sagði að
ungmenni hefðu kært hann til lög-
reglu fyrir kynferðislega misnotk-
un og lögreglan hafi gert húsleit á
heimili mannsins.
Daginn sem blaðið kom út batt
þessi maður enda á líf sitt. Þetta
er sorgarsaga. Uppslátturinn í
DV var ósmekklegur, um það þarf
ekki að ræða. En innihald frétta-
rinnar segjast ritstjórar DV geta
staðið við: Lögreglurannsókn sem
beindist að meintum barnaníð-
ingi.
„Dæmið ekki svo að
þér verðið ekki dæmd-
ir“, segir í góðri bók. Ég
ætla alla vega ekki að
kveða upp dóm í
þessu máli. Aðrir
eru dómglaðari:
A lþingismaður
segir blákalt á heimasíðu sinni að
ritstjórar DV séu morðingjar. Það
er undirskriftalisti í gangi gegn
ritstjórnarstefnu DV. Vonandi
skrifa menn undir eftir skynsam-
lega yfirvegun, en ekki af múg-
sefjun.
Þetta er sorgarsaga. Jónas
Kristjánsson sem kenndi mér það
sem ég kann í blaðamennsku fyrir
fjórum áratugum segir að fyrsta
skylda hvers fjölmiðils sé að segja
sannleikann. Siðareglur blaða-
mannafélagsins segja að menn
eigi að segja sannleikann án þess
að valda fólki sárindum. Þarna
er vandrataður meðalvegur.
Sannleikurinn er því miður ekki
jafn þægilegur fyrir alla. Fjöl-
miðlar á Íslandi eru viðskiptafyr-
irtæki. Meira að segja á að breyta
ríkisútvarpinu okkar í hlutafélag.
Sú vara sem þessi fyrirtæki fram-
leiða og reyna að græða á með
einum eða öðrum hætti er þvi
væntanlega sannleikur. Sannleik-
urinn er mjög hættuleg söluvara.
Þegar menn leika sér að eldinum
er hætt við að einhver brenni sig
að lokum.

■ FIMMTUDAGUR, 12. JAN.
Af blóði og pyntingum
Stundum finnst manni þetta þjóð-
félag okkar skrýtið. Siðblinda
og siðleysi veður uppi. Á vísir.is
stendur: „Ekki missa af hryllings-
myndin (sic!) Hostel. Það er að
segja ef þið eruð fyrir blóð, pynt-
ingar og almennan viðbjóð.“ Blóð,
pyntingar og almennur viðbjóður
er greinilega í tísku. Mjög greini-
lega.
Og talandi um almennan við-
bjóð: Ríkisútvarpið segir að
Björgólfsfeðgar hafa tvívegis
reynt að kaupa DV til að leggja
Paraskevidekatriaphobia!
Í Dagbók Þráins Bertelssonar er að þessu sinni meðal annars fjallað um sannleikann – sem stórhættulega
söluvöru. Svo er sagt frá fuglaflensu, múgsefjun, ritskoðun, prentvillupúkanum og fleiri djöflum sem ganga
ljósum logum í samfélaginu.
það niður. Var það ekki sá eldri
þessara feðga sem lét
breyta forsíðu DV fyrir
jól af því að honum lík-
aði ekki það sem DV
ætlaði að birta um kon-
una hans? Sá sami og
lét eyða heilu upplagi
af bók fyrir síðustu
jól af því að honum
mislíkaði einhver
umfjöllun um fjöl-
skyldu sína? Var það
ekki sá yngri þeirra sem sagði í
viðtali við tímaritið Forbes þegar
það var tilkynnt að hann væri 488.
ríkasti jarðarbúinn að til að öðlast
virðingu þyrfti tvennt: Power and
Money. Peninga og vald?
Björgólfur Thor í við-
tali við Forbes. Ekki
Tony í Sopranos.
Ritskoðun í krafti
valds og peninga er
siðlaus. Þeir sem
hana stunda eru
siðblindir. Þetta er
skrýtið þjóðfélag.
■ FÖSTUDAGUR, 13. JAN.
Paraskevidekatriaphobia!
Í dag er föstudagur 13. Lengi hafa
hjátrúarfullir menn haft þá skoð-
un að þegar föstudag ber upp á
13. dag mánaðarins sé ekki góðra
hluta von. Ótti við svoleiðis föstu-
daga er viðurkennd fóbía og heitir
á fræðimáli: Paraskevidekatriap-
hobia! Stutt og laggott.
Ritstjórar DV hafa sagt upp
störfum. Þeir hafa viðurkennt
mistök. Þeir hafa axlað ábyrgð.
Fáheyrður siðferðisstyrkur í
íslensku þjóðfélagi. Vonandi
sýna eigendur blaðsins þann sið-
ferðisstyrk að endurráða þá og
gefa þeim kost á að þróa áfram
athyglisverðasta fjölmiðil Íslands
í augnablikinu – hafandi lært þá
lexíu að sannleikann á maður að
umgangast ekki bara af blindri
undirgefni heldur af virðingu,
kurteisi og smekkvísi.
Jónas Kristjánsson hefur af
öðrum núlifandi blaðamönnum
ólöstuðum þjónað sannleikanum
af meiri staðfestu og heiðarleik
en flestir. Er ég alltaf sammála
honum? Nei. Vil ég njóta starfs-
krafta hans áfram? Já.