Fréttablaðið - 23.01.2006, Síða 4

4 23. janúar 2006 MÁNUDAGUR
Skeifan 4
S. 588 1818
Fjögur minniháttar umferðaróhöpp
urðu á Akureyri í gær en engin slys urðu
á fólki í óhöppunum. Töluvert hefur
verið um umferðaróhöpp á Akureyri að
undanförnu en mikil hálka hefur verið
á götum Akureyrarbæjar sem gert hefur
ökumönnum erfitt fyrir.
LÖGREGLUFRÉTT
LONDON, AP Sérfræðingur í sjávar-
spendýrum mun kryfja andarnefj-
una, sem synti upp ána Thames
um helgina, til að staðfesta dán-
arorsök. Dýrið drapst þegar reynt
var að flytja það á báti til sjávar.
Ekki er ljóst hvað það var sem dró
dýrið til dauða en vonast er eftir
því að bráðabirgðaniðurstöður
verði kynntar á miðvikudag.
Um 23 milljónir manna fylgd-
ust með björgunartilraunum í
sjónvarpi á laugardag en þetta
var í fyrsta sinn sem andarnefja
hafði sést á sundi í Thames frá því
að skráningar hófust árið 1913. ■
Andarnefjan í Thames:
Dánarorsök
rannsökuð
BJÖRGUNARTILRAUN Vonast er eftir
bráða birgðaniðurstöðum úr krufningunni á
miðvikudag.
SKOÐANAKÖNNUN Samkvæmt nýrri
skoðanakönnun Fréttablaðsins
vilja flestir sjá Vilhjálm Þ. Vil-
hjálmsson, efsta mann á lista
Sjálfstæðisflokks, sem næsta
borgarstjóra Reykjavíkur og
nefna tæplega 38 prósent þeirra
sem tóku afstöðu nafn hans. Í
könnun Fréttablaðsins í ágúst,
fyrir prófkjör Sjálfstæðisflokks,
vildu 18 prósent Vilhjálm sem
næsta borgarstjóra. Þá vildu
flestir, eða tæp 24 prósent, sjá
Gísla Martein Baldursson, sem
bauð sig fram í fyrsta sæti á lista
Sjálfstæðisflokks en endaði í
þriðja sæti í prókjörinu. Nú nefna
rúm fimm prósent nafn Gísla
Marteins og er hann í fimmta
sæti yfir þá sem Reykvíkingar
vilja sem borgarstjóra.
Næstflestir nefna nú Dag B.
Eggertsson, Samfylkingu, sem
vænlegan borgarstjóra, eða 21
prósent. Í síðustu könnun nefndu
rúm fjögur prósent nafn hans.
Tæp fjórtán prósent vilja að
Steinunn Valdís Óskarsdóttir,
Samfylkingu, haldi áfram sem
borgarstjóri, en í síðustu könnun
var hún nefnd í tæplega ellefu
prósentum tilvika.
Í fjórða sæti er nú Stefán Jón
Hafstein, með tíu prósenta stuðn-
ing. Í síðustu könnun var hann
næstefstur, þar sem tæplega 21
prósent nefndi nafn hans. Í sjötta
sæti er nú Björn Ingi Hrafnsson og
nefna rúm tvö prósent nafn hans.
Nokkur munur er á vali kynj-
anna. Heldur fleiri karlmenn,
tæplega 50 prósent, vilja Vil-
hjálm sem næsta borgarstjóra
en 34 prósent kvenna. Þá vilja 24
prósent karla fá Dag sem næsta
borgarstjóra en rúm 17 prósent
kvenna. Tæp tíu prósent karla
vilja að Steinunn Valdís haldi
áfram sem borgarstjóri en tæp
19 prósent kvenna.
Könnunin ber þess merki að
prófkjör Samfylkingar hefur
enn ekki farið fram, en leiða má
að því líkur að prófkjör þeirra
hafi svipuð áhrif og prófkjör
Sjálfstæðisflokks, þar sem
megin þungi stuðningsins fer frá
Gísla Marteini á milli kannana
til Vilhjálms. Frambjóðendurnir
þrír sem óska eftir fyrsta sæti á
lista Samfylkingar fyrir næstu
borgarstjórnarkosningar raðast
í annað til fjórða sæti.
Ef reiknaður er stuðning-
ur við hvern flokk vilja flestir
að einhver úr Samfylkingunni
verði næsti borgarstjóri og nefna
rúm 46 prósent nafn einhvers
sem starfar innan þess flokks.
Í síðustu könnun nefndu rúm 39
prósent nafn einhvers úr Sam-
fylkingunni. Fleiri vilja því ein-
hvern úr Samfylkingunni sem
borgarstjóra en segjast myndu
kjósa flokkinn í borgarstjórnar-
kosningum, því í könnun Frétta-
blaðsins sem birt var í gær sagð-
ist tæpt 31 prósent myndu kjósa
flokkinn.
Tæp 46 prósent nefna nafn
einhvers úr Sjálfstæðisflokkn-
um, en í síðustu könnun vildu tæp
47 prósent að einhver úr Sjálf-
stæðisflokknum yrði næsti borg-
arstjóri. Það eru því færri sem
vilja að sjálfstæðismaður verði
næsti borgarstjóri en segjast
myndu kjósa flokkinn, því sam-
kvæmt könnuninni sem birt var
í gær sögðust 53 prósent myndu
kjósa Sjálfstæðisflokkinn.
Tæp þrjú prósent vilja fram-
sóknarmann sem borgarstjóra,
tæp tvö prósent nefna einhvern
úr Frjálslynda flokknum en ein-
ungis 0,3 prósent nefna einhvern
úr Vinstri grænum. Tæp þrjú
prósent nefndu nafn einhvers
sem ekki er opinberlega tengdur
einhverjum flokki. Í þeim flokki
var nafn Þórólfs Árnasonar oft-
ast nefnt, en einnig voru nokkrir
svarendur sem töldu sjálfan sig
besta aðilann í starfið.
Hringt var í 600 íbúa í Reykja-
vík 21. janúar, og skiptust svar-
endur jafnt milli kynja. Spurt
var: Hver vilt þú að verði næsti
borgarstjóri í Reykjavík? 51,5
prósent tóku afstöðu til spurn-
ingarinnar.
svanborg@frettabladid.is
Reykvíkingar vilja Vilhjálm
Flestir Reykvíkingar nefna nafn Vilhjálms Þ. Vilhjálmssonar þegar spurðir eru hvern þeir vilja sjá sem
næsta borgarstjóra. Fleiri vilja Samfylkingarfólk sem borgarstjóra en fólk úr Sjálfstæðisflokki. Fimm pró-
sent vilja nú Gísla Martein Baldursson, sem var oftast nefndur í síðustu könnun Fréttablaðsins.
ÞESSIR VORU EINNIG NEFNDIR
Björn Ingi Hrafnsson
Þórólfur Árnason
Hanna Birna Kristjánsdóttir
Ólafur F. Magnússon
Ingibjörg Sólrún Gísladóttir
Geir H. Haarde
Guðmundur Árni Stefánsson
Árni Þór Sigfússon
Guðlaugur Þór Þórðarson
Svandís Svavarsdóttir
Margrét Sverrisdóttir
Óskar Bergsson
Jón Baldvin Hannibalsson
Halldór Ásgrímsson
Könnun 29. ágúst 2005
Könnun 21. janúar 2006
Steinunn
Valdís
Óskarsdóttir
Vilhjálmur Þ.
Vilhjálmsson
Dagur B.
Eggertsson
Stefán Jón
Hafstein
Gísli Marteinn
Baldursson
HVER VILT ÞÚ AÐ VERÐI NÆSTI BORGARSTJÓRI?37,9%
4,3%
21,0%
10,9%
13,9%
20,8%
10,0%
23,9%
5,2%
18,0%
VIÐSKIPTI Jón Ásgeir Jóhannesson,
forstjóri Baugs, segir í samtölum
við breska fjölmiðla að fyrirtækið
hafi hug á því að auka fjárfesting-
ar sínar í Bretlandi. Independent
telur að Baugur muni í vaxandi
mæli beina spjótum sínum að fast-
eignamarkaði í stað verslunar-
geirans og dreifa þar með áhættu.
Vitað er að stjórnendur Baugs
hafa haft áhuga á að skrásetja
skóverslunarkeðjuna Shoe Stu-
dio Group á markað en keðjan á
einnig tískumerkin Principles og
Warehouse. Hún er meðal annars
í eigu stjórnenda fyrirtækisins,
Baugs og KB banka. - eþa
Félag í eigu Baugs á markað:
Frekari kaup
á Bretlandi
Eldur í námu Tveir námuverkamenn
sem lokast höfðu inni í kolanámu í
Vestur-Virginíuríki í Bandaríkjunum,
þegar eldur braust þar út á fimmtudag,
fundust látnir að kvöldi laugardags. Þar
með hafa fjórtán látist í slysum í kola-
námum í Bandaríkjunum það sem af er
árinu en tólf menn létust í hörmulegu
slysi í Sago-námunum fyrir stuttu.
BANDARÍKIN
GENGIÐ
GENGI GJALDMIÐLA 20.01.2006
Gengisvísitala krónunnar
Bandaríkjadalur 61,58 61,88
Sterlingspund 108,34 108,86
Evra 74,38 74,80
Dönsk króna 9,996 10,024
Norsk króna 9,192 9,246
Sænsk króna 7,98 8,026
Japanskt jen 0,5339 0,5371
SDR 89,16 89,70
HEIMILD: Seðlabanki Íslands
KAUP SALA
104,1561
RÓM, AP Vatíkanið hélt í gær upp á
að fimm hundruð ár eru liðin síðan
fyrstu svissnesku lífverðirnir
komu til Rómar til að þjóna páfan-
um. Síðan þá hafa lífverðirnir stað-
ið vörð um öryggi 42 páfa. Þrátt
fyrir að undanfarin ár hafi örygg-
isvarsla Vatíkansins í meira mæli
verið í höndum ítalskra öryggis-
sveita og óeinkennisklæddra lög-
reglumanna er persónulegt öryggi
páfans enn á ábyrgð hinna fjöl-
skrúðugu Svisslendinga.
Í dag starfa 110 svissneskir
lífverðir í Vatíkaninu og er fjöldi
þeirra takmarkaður með lögum.
Vísa þarf fjölda umsækjenda frá
á hverju ári en töluverðar kröfur
eru gerðar til þeirra. Þeir verða
að vera kaþólskir Svisslending-
ar, hafa lokið grunnþjálfun í
svissneska hernum og vera í það
minnsta 1,73 metrar á hæð.
Gamlir félagar í lífvarðasveit-
unum munu taka þátt í hátíða-
höldunum sem hófust síðastliðinn
september og standa fram á vor.
Í gær var haldin sérstök messa í
sixtínsku kapellunni til að minnast
þessara tímamóta.
Svissneska lífvarðasveit páfa stendur á tímamótum:
Hafa þjónað páfa í 500 ár
LITRÍKIR EN HARÐIR Í HORN AÐ TAKA Sér-
stök messa var haldin í sixtínsku kapellunni
í gær til að minnast þess að fimm hundruð
ár eru liðin síðan fyrstu svissnesku lífverð-
irnir komu til Rómar til að þjóna páfanum.