Fréttablaðið - 23.01.2006, Blaðsíða 70

23. janúar 2006 MÁNUDAGUR30
Ólafur F. Magnússon, forsprakki Frjálslynda flokksins í borginni, lét
sig ekki muna um að standa úti í horni
á tónleikum sveitarinnar Ampop á Nasa
á fimmtudagskvöldið til að geta fylgst
með syni sínum Kjartani Ólafssyni en
hann spilar á hljómborð í sveitinni.
Rás 2-gengið, Óli Palli og Andrea Jóns,
var að sjálfsögðu mætt á
staðinn og þá létu þeir
handknattleikskapparnir
Róbert Gunnarsson,
Snorri Steinn Guð-
jónsson og Hreiðar
Guðmundsson tapið
gegn Frökkum ekki á
sig fá heldur hlýddu
hugfangnir á
íslenska tóna.
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2 bætur 6 íþróttafélag 8 hvers vegna 9
dýrahljóð 11 keyri 12 mjólkurafurð 14
árás 16 til 17 skýra frá 18 almætti 20
kringum 21 nabbi.
LÓÐRÉTT
1 ólmur 3 eftir hádegi 4 tundur 5 kven-
kyns hundur 7 þjakaður 10 blóm 13 form
15 lærðu 16 siða 19 tveir eins.
LAUSN
��������
��� ��� ��� ��� ���
��� �� ��� ��� ������
��� ��� ��
�� �� �� �� �
�� �� �� �� �
���������
�����������������������
�������������
�������������������������
��
���������
�����������
��������������
���� ���������
������������������������������
HRÓSIÐ
...fær Ágústa Eva Erlendsdóttir
fyrir að fá hlutverk í myndinni Mýr-
inni. Hún mun leika dóttur Erlends
rannsóknarlögreglumanns.
FRÉTTIR AF FÓLKI
Leikstjórinn Börkur Sigþórsson gerði nýverið tónlistarmyndband við
nýjasta smáskífulag Richards Ashcroft,
Break the Night with Color. Lagið er
tekið af þriðju sólóplötu Ashcrofts, sem
áður var í hljómsveitinni The Verve.
Börkur er orðinn virtur mynd-
bandaleikstjóri úti í Bretlandi
því hann hefur áður leikstýrt
fyrir Supergrass og Thirteen
Senses. Hér heima hefur
hann stýrt myndbönd-
um fyrir Mínus, Maus
og Quarashi.
Það má allt eins búast við að götur lands muni tæmast
og að sjónvarpssófar fyllast næstkomandi fimmtudag
þegar íslenska landsliðið í handbolta hefur leik í Evrópu-
keppni landsliða í Sviss, en landsliðið stefnir nú óðfluga
í hæstu stjörnuhæðir „strákanna okkar“ á níunda ára-
tugnum.“Þetta er sterkasta handboltamót veraldar, með
sextán sterkustu liðum heims,“ segir íþróttafréttamað-
urinn Guðjón Guðmundsson, sem einnig er fyrrum
aðstoðarmaður landsliðsþjálfarans Bogdans og faðir
Snorra Steins Guðjónssonar, leikstjórnanda íslenska
landsliðsins.
„Keppnin er sterkari en bæði heimsmeistaramót-
ið og ólympíuleikarnir því í henni eru engin aukalið
frá hinum heimsálfunum. Evrópuþjóðirnar hafa enn
talsverða yfirburði í handbolta enda íþróttin upprunn-
in í Evrópu á síðustu öld. Það voru Danir og Tékkar
sem fundu upp handboltann, og á stríðsárunum létu
Þjóðverjar hermenn sína spila handbolta til að halda
sér í formi,“ segir Guðjón og minnist þess er liðin voru
skipuð ellefu leikmönnum og leikir háðir á fótboltavöll-
um í kringum 1950, en Danir og Tékkar komu með sjö
manna liðin síðar. „Íslendingar teljast nú á bilinu tíu til
sextán á heimslistanum. Ég spái því að Ísland komist
upp úr riðli sínum sem er afar erfiður, því liðið er bæði
gott og afar samkeppnishæft, auk þess að verða alltaf
betra og betra,“ segir Guðjón um íslenska landsliðið, en
í Evrópukeppninni getur allt gerst.
„Úrslitin þykja mér fyrirsjáanleg að því leyti að ég
spái því að Frakkland komist örugglega í úrslit og mæti
þá annaðhvort Króötum eða Spánverjum, en þetta
eru þrjú bestu liðin í dag,“ segir Guðjón, en í riðli með
Íslendingum eru Ungverjar, Danir og Serbar og Svart-
fellingar.
„Þetta verða allt jafnir og erfiðir leikir,“ segir Guðjón
sem sér fram á viðlíka áhuga á keppninni nú og var í
kringum stjörnulið Íslendinga á árunum 1984 til 1990.
„Með fullan mannskap eigum við nú mjög áþekkt lið
en reyndar voru í hinu liðinu bæði stærri leikmenn og
betri markmenn. Leikmennirnir í dag eru síst lakari og
innanborðs eru fleiri atvinnumenn, og því ekkert að ótt-
ast enda liðið á mikilli uppleið,“ segir Guðjón um strák-
ana sem spila fyrstu leiki sína á fimmtudag, föstudag og
sunnudag, þegar riðlinum lýkur.
„Í úrslitaleik B-heimsmeistara-
keppninnar í Frakklandi 1989
horfðu 89 prósent þjóðarinnar
á útsendinguna. Almennt séð
hefur handboltalandsliðið topp-
að allt í áhorfi og þegar vel
gengur liggur þjóðin sem
límd við skjáinn. Þetta er
bráðnauðsynleg skemmt-
un, enda þekkja Íslend-
ingar leikinn og skilja
vel, auk þess að hafa á
honum skemmtilegar
skoðanir.“
SÉRFRÆÐINGURINN GUÐJÓN GUÐMUNDSSON SPÁIR ÍSLENSKA LANDSLIÐINU VELGENGNI
Áfram Ísland!
1. Ibrahim Rugova.
2. Ásthildur Helgadóttir.
3. 36-30 Frakklandi í vil.
[ VESTU SVARÐ ]
Stefán Karl Stefánsson heimsótti
fimmtu bekkinga í Bunceton-skól-
anum í Bandaríkjunum en hann er
að undirbúa stofnun Regnboga-
samtök þar í landi. Veftímaritið
The Sedalia Democrat greindi frá
heimsókn leikarans en krakkarn-
ir höfðu staðið fyrir söfnun til að
leggja samtökunum lið sem og að
hjálpa fórnarlömbum fellibyls-
ins Katrínu sem reið yfir New
Orleans á síðasta ári. Stefán ræddi
við þau um einelti og hvatti þau til
að láta engan annan segja sér hver
þau væru. „Ef einhver segir að þú
sért ljótur ekki segja neitt heldur
hugsaðu: ég er ekki ljótur heldur
sætur,“ hefur blaðið eftir honum.
Persóna Stefáns, Glanni glæpur,
er í miklum metum hjá bandarísk-
um krökkum en Latibær hefur
verið sýndur við miklar vinsældir
í Bandaríkjunum.
Stefán er búsettur í Kaliforníu
og þegar Fréttablaðið náði tali af
honum var kalt í fylkinu. „Vetur-
inn er að klárast hjá okkur núna
þannig að þetta er mjög óvenju-
legt,“ sagði leikarinn en hann
var að drekka morgunkaffið sem
reyndar helltist niður meðan á
samtalinu stóð. „Samtökin hafa
alltaf ætlað sér stóra hluti og nú
er þetta að verða að veruleika,“
útskýrir hann en krakkarnir í
Bunceton voru þeir fyrstu sem
lögðu málstaðnum lið í Bandaríkj-
unum. „Það var fyrst og fremst
frumkvæði þeirra sem varð til
þess að ég fór þangað,“ bætir Stef-
án við en gríðarleg fátækt ríkir
í þessum bæ sem er mitt á milli
Kansas City og St. Louis. „Rúm-
lega áttatíu prósent nemenda búa
undir fátækramörkum og þrjátíu
og fimm prósent hafa átt í ein-
hvers konar fíkniefnavandræð-
um,“ útskýrir leikarinn og segir
jafnframt að mesta heimafram-
leiðsla af krakki sé á þessu svæði.
Tilefnið hafi því verið ærið sama
hvernig litið væri á hlutina.
Það hefur ekki farið eins mikið
fyrir Regnbogabörnum og oft áður
en Stefán hefur sínar skýringar
á því. Hann er ómyrkur í máli í
garð stjórnvalda hér á landi sem
séu markvisst að reyna að bæla
niður þessi samtök. „Við tölum
fyrir daufum eyrum stjórnvalda
en það hefur líka sýnt sig að mál-
efni unglinga eru látin sitja á hak-
anum enda hlýtur fólk sem vinnur
með þeim enga umbun fyrir gott
starf,“ segir Stefán og augljóst að
honum er mikið niðri fyrir. „Þetta
eru samtök fyrir börn, unglinga
og fólk sem á um sárt að binda,“
heldur hann áfram. Stefán segir
að aðilar í Kanada hafi sýnt þessu
verkefni mikinn áhuga og þá hafi
stjórnvöld og fyrirtæki í Banda-
ríkjunum verið með fálmarana
úti til að finna einhverja leið. „Við
stefnum að því að opna samtökin
hér úti í haust með pompi og prakt
og framhaldið verður síðan að
koma í ljós.“ freyrgigja@frettablaðið.is
GLANNI GLÆPUR Persóna Stefáns í Latabæ er vinsæl þrátt fyrir illmennsku sína og nú
nýtist sú frægð til góðs því Regnbogabörn verða væntanlega stofnuð í Bandaríkjunum
með haustinu.
STEFÁN KARL STEFÁNSSON: STOFNAR REGNBOGABÖRN Í BANDARÍKJUNUM
Nýtir frægð Glanna glæps
Útvarpsstöðin X ið – 977 hélt sína
árlegu X-mas tónleika fyrir jól.
Þótt tilgangurinn hafi vissulega
verið sá að skemmta áhorfend-
um með nýstárlegum útgáfum af
sígildum jólalögum gafst gestum
kostur á að styrkja gott málefni.
Aðgangseyrinn rann til styrktar
Foreldrahúsum og ef fólk vildi gat
það látið hærri upphæð af hendi
rakna.
Á föstudaginn afhentu þeir
Frosti Logason og Þorkell Máni,
frá útvarpsstöðinni, þeim Þór-
dísi Sigurðardóttur og Jórunni
Magnúsdóttur, fulltrúum For-
eldrahúsa, ávísun að upphæð 350
þúsundum króna. Að sögn Frosta
urðu Foreldrahús fyrir valinu
vegna þess að þetta fannst þeim
vera brýnasti málaflokkurinn.
„Þegar við litum yfir hópinn þótti
okkur þetta vera besti kosturinn,“
útskýrir Frosti en stöðin hefur
sífellt verið að sýna á sér nýja
hlið. „Við höfum reyndar alltaf
gefið af okkur um jólin en það er
rétt, þetta er líka hluti af breyttri
ímynd stöðvarinnar. Við viljum
sýna að starfsfólk stöðvarinnar
sé gott inn við beinið þrátt fyrir
kannski hörkulegt útlit.“ Frosti
segist vera hrifinn af því að For-
eldrahús hvetji unglinga til að
láta af vímuefnanotkun og segir
góða vísu sjaldan of oft kveðna.
Einhverjr breytingar hafa átt
sér stað á dagskrá stöðvarinnar
en Þorkell Máni er sagður hafa
rokið út í fússi úr hljóðveri stöðv-
arinnar og sagt skilið við morgun-
þáttinn sem hann stjórnaði ásamt
Gunnari Sigurðssyni. „Þetta er
kannski full sterkt til orða tekið
en hann var víst orðinn þreyttur á
stjörnustælunum í Gunna eftir að
hann byrjaði í Strákunum,“ segir
Frosti og hlær. Morgunþættinum
hefur því verið úthlutaður nýr
liðsmaður en það er Viðar Ingi
Pétursson og Máni róaður með
eigin þátt þar strax á eftir. Þá
segir dagskrárstjórinn að allir
sérþættir hafi verið færðir fram
um klukkutíma en þeir fjalla um
allar stefnur tónlistarinnar, frá
hipp hoppi til metalrokks.
- fgg
Rokkhundarnir láta gott af sér leiða
GOTT MÁLEFNI Frosti Logason og Þorkell Máni standa hér með þeim Jórunni Magnúsdóttur
og Þórdísi Sigurðardóttur frá Foreldrahúsum. FRÉTTABLAÐIÐ / AÐSEND MYND
LÁRÉTT: 2 sekt, 6 fh, 8 hví, 9 urr, 11 ek, 12
rjómi, 14 ásókn, 16 að, 17 tjá, 18 guð, 20
um, 21 arða.
LÓÐRÉTT: 1 æfur, 3 eh, 4 kveikju, 5 tík, 7
hrjáður, 10 rós, 13 mót, 15 námu, 16 aga,
19 ðð.
Ofurskutlan Andrea Róberts sjón-varpskona er lögð af stað í þriggja
mánaða ævintýraferð. Þetta er ekki
hefðbundið ferðalag á neinn hátt en
daman ætlar að ferðast ein síns liðs um
framandi slóðir. Fyrsti áfangastaður er
Mumbai á Indlandi en stefnan er að
heimsækja Taíland, Laos, Kambódíu
og Víetnam. Meðan á ævintýraferðinni
stendur heldur Andrea úti bloggsíðu þar
sem hún lætur gamminn geisa. Ekki er
langt í Andreuhúmorinn eins og glöggir
lesendur bloggsíðunnar hafa orðið vitni
að: „Í sambandi við skynfærin, það er
svo fyndið að hér er mikil lykt af öllu
og engu en ef ég tjúna í tónlistinni þá
finn ég hana síður - bara smá pæling.
Hugsaði einmitt út í þetta
lyktardæmi sem allir voru
búnir að segja mér frá og
hló þegar það var engin
lykt í flugvél sem var full
af Indverjum en svo kemur
Andrea og opnar harð-
fiskpoka í vélinni (óvart)
og ... jam ... hvað getur
maður sagt?“