Fréttablaðið - 16.03.2006, Page 24

8 16. mars 2006 FIMMTUDAGUR
�����������������������������
�������������
��
��
��
��
��
��
�
VEISTU SVARIÐ
1 Hvernig er talið að álft hafi drepist við tjörnina í Hafnarfirði í fyrradag?
2 Hvað þurfa tekjur Háskóla Íslands að aukast mikið árlega til að skól-
inn komist í fremstu röð í heiminum?
3 Hver sigraði á Alþjóðlega Reykjavíkurskákmótinu?
SVÖR Á BLS. 54
BRUNI Stór hluti Frystihússins á
Breiðdalsvík brann til kaldra kola
í fyrrakvöld. Eldsins varð fyrst
vart um hálfsjöleytið en þá steig
svartur reykur upp úr þaki elsta
hluta hússins, þar sem var meðal
annars umbúðageymsla og tækja-
salur.
Slökkviliðið á Fáskrúðsfirði var
fljótt kallað til en þrátt fyrir skjót
viðbrögð var húsið aldelda þegar
slökkviliðið kom á vettvang.
Einar Gunnarsson, varðstjóri í
slökkviliðinu á Fáskrúðsfirði,
segir aðstæður hafa verið erfiðar
strax í upphafi vegna þess hversu
eldurinn hafi breiðst fljótt út inn í
húsinu. „Við komum á staðinn rétt
eftir sjö og þá voru aðstæður
nokkuð erfiðar. Húsið var orðið
alelda þegar slökkvistarf hófst og
þess vegna reyndist okkur erfitt
að vinna á eldinum í fyrstu. Síðan
komu björgunarsveitir og slökkvi-
lið úr nágrannasveitarfélögunum
fljótt á vettvang og þá fór slökkvi-
starf að ganga betur.“
Íbúar í húsum skammt frá
frystihúsinu þurftu að yfirgefa
hús sín vegna hættu á ammoníaks-
mengun en eftir þrotlaust slökkvi-
starf, þar sem áhersla var lögð á
að ná að hefta útbreiðslu eldsins
til viðbygginga, tókst slökkviliðs-
mönnum að koma í veg fyrir að
eldur bærist í þann hluta hússins
þar sem hætta var mest á ammon-
íaksmengun.
Grétar Helgi Geirsson, lögregl-
umaður á Fáskrúðsfirði, var einn
af fyrstu mönnum á vettvang.
Hann segir aðkomuna hafa verið
slæma en áhersla hafi verið lögð á
að tryggja öryggi fólksins sem bjó
í grennd við frystihúsið. „Það voru
öll hús rýmd sem hugsanlega voru
í hættu vegna ammoníaksins, sem
var í þeim hluta hússins sem eldur
hafði ekki læst sig í. Við þurftum
að bregðast fljótt við aðstæðum
þar sem mikill eldsmatur var í
húsinu og í honum logaði glatt.
Eldsupptök eru óljós en rannsókn
á þeim mun fara fram þegar tími
gefst til.“
Eftir um fjögurra tíma baráttu
slökkviliðsmanna við mikinn eld í
húsinu tókst þeim að ná tökum á
brunanum og gekk nokkuð greið-
lega að slökkva eldinn eftir það.
Slökkvistarf hélt þó áfram fram
eftir nóttu.
magnush@frettabladid.is
Lífæð bæjarbúa
eyðilagðist í bruna
Mildi þykir að ekki fór enn verr þegar stór hluti frystihússins á Breiðdalsvík
brann í fyrrakvöld. Þrotlaus vinna um fimmtíu manna slökkvi- og björgunar-
liðs er talin hafa bjargað miklum verðmætum sem voru í tengibyggingum.
BRUNI Ríkharður Jónasson,
framkvæmdastjóri frystihúss-
ins á Breiðdalsvík, segir áfallið
vera mikið fyrir bæjarbúa enda
frystihúsið eini stóri vinnustað-
urinn í bænum. „Þetta er gríðar-
legt áfall fyrir bæjarfélagið. Það
hefur fiskast vel hjá smábátum
hér úti fyrir að undanförnu og
vinnsla því verið í fullum gangi í
landi því samhliða. Þetta gat
ekki komið á mikið verri tíma.“
Stór hluti innbús frystihúss-
ins skemmdist mikið, en Rík-
harður segir þó ekkert því til
fyrirstöðu að hefja uppbygging-
arstarf um leið og færi gefst.
„Það á allt innbú að vera tryggt
en tryggingar geta hins vegar
aldrei bætt svona lagað til fulls.
Það á eftir að koma í ljós hversu
langt stoppið verður í vinnsl-
unni. Það hefur gengið afskap-
lega vel að undanförnu, en síðan
kemur þetta áfall á versta tíma.
Ég lít hins vegar svo á að öll
vandamál séu til þess að leysa
þau og þetta áfall er engin und-
antekning frá því. Nú herðum
við okkur og reynum að koma
vinnslu hér af stað sem fyrst,“
sagði Ríkharður. - mh
Þrátt fyrir áfallið ætla heimamenn ekki að leggja árar í bát:
Uppbyggingarstarf er hafið
EINAR GUNNARSSON
Varðstjóri í slökkviliðinu á Fáskrúðsfirði
sagði aðkomuna hafa verið slæma.
GRÉTAR HELGI GEIRSSON
Lögreglan lagði áherslu á að tryggja öryggi
íbúa á staðnum.
Slökkvistarf heimamanna rómað:
Slökkviliðið vann afrek
BRUNI Kjartan Benediktsson,
félagi í björgunarsveitinni Héraði
á Egilsstöðum, segir slökkviliðs-
menn hafa unnið afrek með því að
ná að hefta útbreiðslu eldsins
fljótt þrátt fyrir að hluti frysti-
hússins væri alelda.
Björgunarsveitarmenn á Hér-
aði komu sér strax að verki þegar
á Breiðdalsvík var komið. „Við
fórum beint í að koma fyrir dælum
og leiðslum á svæðinu. Stór hluti
hússins er lítið skemmdur en það
gerðist ekki af sjálfu sér. Gríðar-
legur dugnaður þeirra sem störf-
uðu að slökkvistarfinu kom í veg
fyrir að enn verr færi.“ - mh
KJARTAN BENEDIKTSSON Telur slökkviliðs-
menn hafa unnið afrek.
FRÉTTABLAÐIÐ/VILHELM
SLÖKKVILIÐ AÐ STÖRFUM Mikill eldur
var á slysstað þegar slökkvilið kom á
vettvang og því fór mikil orka í það hjá
slökkviliðsmönnum að hefta útbreiðslu
eldsins enn frekar. FRÉTTABLAÐIÐ/VILHELM
RÍKHARÐUR JÓNASSON AÐSTOÐ-
AR SLÖKKVILIÐIÐ Framkvæmda-
stjóri frystihússins var að vonum
dapur í bragði vegna brunans en
hann stóð þá í ströngu við að
aðstoða við slökkvistarfið.
FRÉTTABLAÐIÐ/VILHELM
SLÖKKVILIÐSMAÐUR Á VETTVANGI
Heimamenn á Breiðdalsvík segja slökkvi-
liðsmenn hafa unnið afrek.