Fréttablaðið - 03.04.2006, Page 38

3. apríl 2006 MÁNUDAGUR20
Hönnuðir undir áhrifum art nouveau voru margir hverj-
ir allt í senn arkitektar, innanhússhönnuðir og hús-
gagnahönnuðir.
Art nouveau er listastefna sem var allsráðandi í upphafi 20.
aldar. Hún hafði áhrif á marga listamenn, meðal annars
arkitekta, húsgagnahönnuði og málara. Mörg hús frá þess-
um tíma voru hönnuð af einum og sama manninum og eru
hús Spánverjans Antonis Gaudí gott dæmi. Öll minnstu
smáatriði hússins eru teiknuð af honum, hvort sem um er að
ræða þak, glugga, arin, stóla eða hurðir. Listamenn þessa
tíma vildu afmá skörp skil milli hagnýtrar og frjálsrar list-
ar og stílfæra öll svið lífins á heildstæðan hátt. Í hönnuninni
var notast við einföld lífræn form og allir hlutir skírskotuðu
til náttúrunnar.
mariathora@frettabladid.is
Arkitektinn Ernesto Basile hannaði þetta hótel á Sikiley, bæði húsið sjálft
sem og húsmuni.
Þessi stóll er hannaður af Otto Prutscher um 1920. Mynstrið í stólbakinu
minnir á trjágrein.
Listamaðurinn Alphonse Mucha var undir áhrifum art nouveau. Línur og
form í myndum hans eru lifandi og eins og á hreyfingu.
Stílfært á heildstæðan hátt
Eitt merkasta art nouveau-húsið í Vín. Teiknað af Otto Wagner árið 1898. NORDICPHOTOS/GETTYIMAGES
Stigagangur í ungversku húsi eftir arkitektinn Odön Lechner.Hurð í húsi eftir arkitektinn Odön Lechner.
Þessi stigi minnir á snigil.