Fréttablaðið - 03.04.2006, Qupperneq 62

3. apríl 2006 MÁNUDAGUR44
SELDAR EIGNIR Á
HÖFUÐBORGARSVÆÐINU*
*þinglýstir kaupsamningar, heimild Fasteignamat ríkisisins.
300
250
200
150
100
50
0
FJÖLDI
11/11-
17/11
180
17/3-
23/3
190
14/10-
20/10
158
21/10-
27/10
194
28/10-
3/11
168
4/11-
10/11
166
Ari Alexander kvikmyndagerðamaður á sér all sérstakan
draum þegar kemur að húsagerð. Hann vill búa í guðs-
grænni náttúrunni og á stað sem margir hafa séð en fáir
komið á. Hann vill búa úti í Nesey í miðju Þingvallavatni. „Ég
var eitt sinn á ferð með góðu fólki á Þingvöllum og þá fékk
ég eyjuna að gjöf frá ónefndri manneskju,“ segir Ari og hlær.
Húsið á heldur ekki að vera neinn sumarbústaður. Það
á að vera risastór glerkassi með stórum svörtum strompi.
„Strompurinn er til þess að hafa alvöru arin því það er svolít-
ið mál að hita upp þennan glerkassa,“ segir Ari.
Ari ætlar ekki að búa einn í glerhöllinni því auðvitað
myndi hans ektakvinna vera honum til halds og trausts.
En það getur verið erfitt að búa á eyju þegar maður er
mikið á ferðinni. Þess vegna sér Ari fyrir sér að myndarlegt
sjóræningjaskip ferji hann og gesti hans að og frá landi
þegar honum hentar. Skemmtilegur draumur og aldrei að
vita nema við sjáum blaktandi sjóræningjafána rísa upp úr
þokunni á Þingvallavatni.
DRAUMAHÚSIÐ MITT: ARI ALEXANDER KVIKMYNDAGERÐAMAÐUR
Glerkassi á Þingvallavatni
Ara langar að búa í glerhýsi. FRÉTTABLAÐIÐ/VALLI
Austurbæjarskóli tók til starfa haustið
1930 en á framkvæmdatímanum gekk
hann undir nafninu Nýi barnaskólinn.
Sigurður Guðmundsson húsameistari á
heiðurinn að hönnun skólans en hann
sá einnig um framkvæmdir. Það er
merkilegt frá því að segja að Austur-
bæjarskóli var fyrsta húsið í Reykjavík
sem hitað var upp með hitaveituvatni.
Skólahúsnæðið og skólalóðin hafa á
síðustu árum gengið í gegnum gagnger-
ar endurbætur. Vilhjálmur Hjálmarsson
arkitekt sér um verkið en hann hefur
þurft að breyta húsinu svo það standist
kröfur nútímans en jafnframt bera virð-
ingu fyrir sögu þessa friðaða húss.
Í janúar árið 2000 var tekin í notkun
320 fermetra viðbygging sunnan við
skólann og er þá heildarflatarmál skól-
ans 6.717 fermetrar.
AUSTURBÆJARSKÓLI
Íbúðaverð á höfuðborgarsvæð-
inu hækkaði um 31 prósent
árið 2005.
Á árinu 2005 hækkaði íbúðaverð á
höfuðborgarsvæðinu um 31 pró-
sent en hækkunin á árinu 2004 var
23,3 prósent, segir á vef Félags
fasteignasala. Þar er greint frá
því að mjög arðvænlegt hafi verið
að fjárfesta í íbúðum á undan-
förnum árum.
Nokkuð hefur þó dregið úr
hækkunum og búast má við mun
minni hækkunum á þessu ári.
Þess má þó geta að atvinnuástand
er mjög gott og öll ytri skilyrði og
almenn bjartsýni um góðar horf-
ur fram undan. Því eru síður en
svo teikn á lofti um lækkandi fast-
eignaverð eins og sumir hafa
reynt að halda fram, segir enn
fremur í frétt á www.ff.is.
Íbúð er góð
fjárfesting
Íbúðaverð hefur hækkað mikið á síðustu
árum.