Fréttablaðið - 13.07.2006, Qupperneq 36

[ ]
Arndís Hreiðarsdóttir og
Guðrún Lára Alfredsdóttir,
eða Dísa og Nana eins og
flestir þekkja þær, búa saman
á Sólvallagötu. Þær hafa gert
íbúðina sína mikið upp á þeim
tveimur árum sem þær hafa
búið í henni en hafa nú sett
hana á sölu.
Íbúð þeirra Dísu og og Nönu eins
er uppfull af hljóðfærum á ólík-
legustu stöðum. „Það er frábært
að fá gesti í heimsókn og leyfa
þeim að heyra tónlistina sem er
vinnslu,“ segir Nana kampakát.
„Núna erum við að vinna í efni frá
Dísu, sem til stendur að gefa út
um jólin 2007. Það á eftir að
útsetja lögin og því mætti segja
að þau eigi eftir að eignast eigið
líf. Mér finnst frábært að fá tæki-
færi til að syngja frumsamið
efni,“ bætir hún við.
„Það er síðan ekki verra ef
vinir okkar úr tónlistargeiranum
kíkja á okkur,“ segir Dísa og hlær.
„Þá er hljóðfærum dreift á mann-
skapinn, en það kemur margt
skemmtilegt út úr því.“
Á einum veggnum hanga síðan
bassi, sem Dísa keypti í Nashville
þegar hún var á tónleikaferðalagi
með Brúðarbandinu, og gítar sem
Nana fékk á netinu. „Ég spila á
gítar og finnst gaman að safna
þeim. Þessi er mjög góður, en það
var bleiki liturinn sem réði því að
hann varð fyrir valinu,“ útskýrir
Nana. „Ég legg mikið upp úr útlit-
inu þegar ég treð upp, á sérstaka
búninga sem ég kem fram í og
bleiki gítarinn er hluti af ímynd-
inni.“
Dísa og Nana segja töluverða
vinnu hafa farið í íbúðina enda
var hún í slæmu ástandi þegar
þær fluttu inn fyrir tveimur
árum. Þær eru nú að leita að nýrri
íbúð og hafa sett þá gömlu á sölu.
En hvers vegna að flytja þegar
allt er komið í gott stand? Nana
verður fyrri til að svara þeirri
spurningu. „Ég er áhugasöm um
hönnun og finnst gaman að breyta
til, en í nýju íbúðinni verður til
dæmis allt í nýtískulegum stíl.
Eigum við ekki bara að segja að
við séum að hefja nýjan og spenn-
andi kafla,“ segir hún full eftir-
væntingar.
roald@frettabladid.is
Tónleikar í eldhúsinu
Það er ekki erfitt að geta sér til um hvar áhugasvið Dísu og Nönu liggur, þar sem íbúðin þeirra á Sólvallagötunni er uppfull af hljóðfærum,
sem eru eins og hverjar aðrar mublur. FRÉTTABLAÐIÐ/ÓMAR VILHELMSSON
Nana bjó áður í kommúnu með fimm manns. Dísa flutti tímabundið inn til hennar og þær
áttuðu sig þá fljótlega á því að betra væri að búa í eigin húsnæði og fluttu á Sólvallagötuna.
Dekurrófurnar á heimilinu. Kettlingarnir heita Marley í höfuðið á átrúnaðargoði Dísu, Bob
Marley, og Presley, eftir kónginum sem er í miklu eftirlæti hjá Nönu.
Myndir af Marilyn Monroe prýða fataher-
bergi stelpnanna. Þær segja hana ekki
vera í neinu sérstöku uppáhaldi, þótt hún
sé vissulega töffari í ætt við Madonnu og
Elvis Presley, sem Nana fílar. Nana segir
Madonnu hafa sýnt sér að það skipti ekki
máli að vera besta söngkonan í bransanum
heldur góður listamaður.
Bassi (til hægri), sem Dísa eignaðist á tón-
leikaferðalagi í Bandaríkjunum, og bleikur
gítar (til vinstri), sem Nana keypti á eBay.
Á gólfinu er gamalt plötusafn frá Dísu en í
því er að finna margar perlur. Sjálf heldur
hún mest upp á plötu með Minipops, en
eftirlætistónlistarmenn hennar eru Ani Di
Franco og Bob Marley.
Sólblóm geta lífgað verulega upp á heimilið
- sérstaklega þegar okkur vantar smá sól í lífið.
Bæjarlind 6, Kóp. • s. 5347470 • www.feim.is
Opi› mánud. - föstud. 10-18 og laugardaga 10-14
Brúðargjafir
og brúðargjafalistar
F
í
t
o
n
/
S
Í
A