Tíminn - 12.02.1978, Qupperneq 15

Sunnudagur 12. febrúar 1978
15
Reykvíkingur, sem
vill verða bóndi
Maöurinn sem hér er rætt við
hefur þá sérstöðu umfram aðra
nemendur á Hvanneyri sem
teknir voru tali þar á staðnum
fyrir nokkrum dögum að hann
er borgarbarn. Rétt erað fylgja
gömlum og góðum islenzkum
sið og byrja á þvi að spyrja
manninn að heiti.
— Hver er nafn þitt ungi
maður?
— Ég heiti Þórarinn Sól-
mundarson og er úr Reykjavik.
Faðir minn er Sólmundur Jó-
hannesson verzlunarmaður.
— Hvernig stendur á þvi að
sonur verzlunarmanns i
Reykjavik fer út i sveit til þess
aö nema búfræði?
— Þvi er auðsvarað. Þessu
réð áhugi minn á bústörfum og
landbúnaði yfirleitt. Ég hafði
kynnztþessuáður.Þegar ég var
drengur var ég i sveit á Haf-
steinsstöðum i Skagafirði, þar
sem bæði var gaman og gott að
vera. Ég hlakkaði alltaf til þess
að fara i sveitina á vorin og
siðan hefur mig langaö til þess
að verða bóndi.
— Og þess vegna stundar þú
nám hér á Hvanneyri?
— Já, mig langar enn mest til
þess að verða bóndi en þótt það
sé það starf sem ég kýs lang-
helzt þá er mér ljóst að það er
ekki neinn leikur nú á dögum að
hefja búskap og verða að byr ja
á öllu, alveg frá grunni.
— Setjum nú svo að bónda-
starfið verði þér lokað að
minnsta kosti fyrst i stað
myndir þú þá vilja vinna eitt-
hvað I tengslum við landbúnað
ef þú ættir kost á þvi?
— Já alveg tvimælalaust.
— Jafnvel gerast kennari
bændaefna hér á Hvaneyri eða
annars staðar?
— Já til dæmis en annars er
margt fleira til ráðunautsstarf,
vinna við tilraunir og annað
slikt. En bóndastaðan er númer
eitt I huga minum og ég sækist
ekki eftir öörum störfum nema
að henni frá genginni.
— Nú erum við öll vitanlega
bundin sterkum böndum þeim
slóðum, þar sem æskuheimili
okkar stóöu. En fannst þér
bæjarlifið eiga á einhvern hátt
lakar við þig en sveitallfið?
— Já borgarlifið hefur aldrei
átt við mig. Ég hef alltaf fundið
sjálfan mig betur I sveitinni og
þar vil ég helzt vera.
— Svo við vlkjum aö náminu
hér: Hvaöa greinar þykir þér
skemmtilegast að læra?
— Ég hef langmest gaman af
jarðvegs- og jarðræktarfræði.
Reyndar þykir mér búfjárrækt
lika mjög skemmtiieg náms-
grein.
— Heldur þú þá aö þú myndir
heldur kjósa að vinna við jarö-
ræktartilraunir en að sýsla við
kynbætur búfjár?
— Ég tæki jarðræktina fram
yfir, þótt hvort tveggja sé að
vlsu ágætt.
— Nú ert þú um þaö bil
hálfnaður með nám I fram-
haldsdeild eins og skólabróðir
þinn úr Súgandafirði sem ég var
að talaviðáðan. Hvaðheldur þú
að þú takir þér fyrir hendur,
þegar þessum þrem vetrum
verður lokið?
— Þettaer erfið spurning, þvi
að um þetta veit ég ekki enn
sjálfur. Það er ekki gott að
segja hvernig aðstæðurnar
verða að þeim tima liðnum. En
hver sem niöurstaðan veröur er
hitt vist að hugur minn stendur
til bóndastöðunnar, og mér þyk-
ir ekki liklegt að j»ð breytist I
náinni framtið.
—VS
Nýjung hjá Hampiðjunni:
Nýr blýteinn,
sem eykur ör-
yggi og aflann
ESE — Um siðustu áramót var
hafin tilraunaframleiðsla á nýj-
um teini I fiskinet, hjá Hampiðj-
unni I Reykjavik. Þessi nýi teinn
er þannig gerður, að blý er fellt
inn i teininn, sem gerir það að
verkum, að ónauðsynlegt er að
hafa steina á netunum eins og áð-
ur hefur tiökazt.
Timinn hafði samband við
Hampiðjuna i gær, og i samtali
við Hektor Sigurðsson verk-
smiðjustjóra kom fram, að mikill
áhugi er fyrir hendi hjá útgerðar-
aðilum á þessari nýjung.
Aðalkostir hins nýja teins eru
þeir, að hann gerir steina ónauð-
synlega, en þeim hafa fýlgt ýmis
óþægindi, s.s. aðalltaf hefurverið
sú hætta fyrir hendi að menn féllu
útbyrðis,ogað mikillþyngd hefur
veriö steinunum samfara og þeir
plássfrekir. líþessu sambandi má
nefna, aðhver steinn er um 4 kg á
þyngd og hafa verið notaðir allt
upp undir 15 steinar á net, eða
sem samsvarar u.þ.b. 60 kg á net,
en eins og blýteinninn hefur verið
, framleiddur er samsvarandi
þyngd aðeins 19 kg. Annar aðal-
kostur teinsins er sá, að veiði
verður mun meiri, þvi að með
notkun hanser kleift að veiða alla
leiðniður á botn, en ef steinar eru
notaðir á tein, þá veröur alltaf
eitthvað bil á milli botns og nets,
sem veldur þvi að alltaf sleppur
eitthvað af fiski undir netið.
I samtalinu við Hektor kom
fram, að þeir sem notað hafi net
með blýteininum, eru mjþg
ánægðir með notkun hans og jafn
vel þeir sem eru þó einna hæg-
farastir i viöhorfum til breytinga
á veiðarfærum, spái þvi að þetta
sé það sem koma skal.
Eins og áður segir, þá hefur
Hampiðjan nýlega hafið tilrauna-
framleiðslu á þessum teini, en
þrátt fyrir það að þarna er um
ný jung að ræða, sem ekki er kom-
in mikil reynsla á, þá geta þeir
hjá Hampiðjunni varla annað
eftirspurn, og samt er netaveiði
ekki enn almennt hafin.
Ekki er að fullu búið að ákveða
endanlega þyngd á teininum, en
tilraunir hafa verið geröar með
tein, sem er allt að 39 kg. aö
þyngd og hefur hann einnig likaö
mjög vel, og þá sérstaklega hjá
skipstjórum, en þeir sem vinna i
landi eru ekki eins hrifnir af
þeirri þyngd, þvi að vinna viö þá
er ekki eins hagkvæm og ef um
væriað ræöa tein sem er 19 kg. að
þyngd.
Ólafur Vilhjálmsson
kjörinn formaður
Aðalfundur Framsóknarfélags
Garöa- og Bessastaðahrepps var
haldinn IGarðaskóla 26. jan. 1978.
Varaformaöur félagsins Hörð-
ur Vilhjálmsson setti fundinn i
forföllum Gunnsteins Karlssonar
formanns. Eftir að stjórnin hafði
gert grein fyrir starfsemi félags-
ins á siðasta starfsári og um-
ræður höfðu farið fram um hana
hófust umræöur um undirbúning
aö framboði flokksins i væntan-
legum bæjarstjórnarkosningum i
Garðabæ. Einnig varrættum hlut
félagsins i alþingiskosningunum,
sem framundan eru. Kom fram
mikill einhugur og áhugi fundar-
manna fyrir vaxandi gengi
Framsóknarflokksins I kosning-
unum.
Ólafur Vilhjálmsson var kjör-
inn formaöur félagsins og með
honum i stjórn voru kjörnir Jón
Hjaltason, Einar Geir Þorsteins-
son, Ingibjartur Þorsteinsson og
Ármann Pétursson.
Nokkrir nýir félagar voru
innritaðir I félagiö sem nú fylkir
liði til vaxandi starfs i þeim
kosningaátökum sem framundan
eru.
Tek að mér
að leysa út vörur fyrir innflytjendur, með
l-2ja mánaða greiðslufresti.
Þeir sem hafa áhuga, leggi tilboð inn á
afgreiðslu blaðsins, merkt, Fyrirgreiðsla.
W';>,
Verksmiðjuhús Hampiðjunnar
INNLENT LÁN
RÍKISSJÓÐS ÍSLANDS
1978 1.FH..
VERÐTRYGGÐ
SPARISKÍRTEINI
Fjármálaráðherra hefur fyrir
hönd ríkissjóðs ákveðið að
bjóða út verðtryggð spariskír-
teini allt að fjárhæð 1000
milljónir króna.
Kjör skírteinanna eru í aðal-
atriðum þessi:
Meðalvextir eru um 3,5% áári,
þau eru lengst til 20 ára og
bundin til 5 ára frá útgáfu.
Skírteinin bera vexti frá
25. mars og eru með
verðtryggingu miðað við
breytingar á vísitölu bygging-
arkostnaðar, er tekur gildi
1. apríl 1978
Skírteinin, svo og vextir af
þeim og verðbætur, eru skatt-
frjáls og framtalsfrjáls á sama
hátt og sparifé. Þau skulu
skráð á nafn. Skírteinin eru
gefin út í þremur stærðum,
10.000, 50.000 og 100.000
krónum.
Sala skírteinanna hefst
14. þ.m, og eru þau til sölu hjá
bönkum, bankaútibúum og
sparisjóðum um land allt svo
og nokkrum verðbréfasölum í
Reykjavík.
Sérprentaðir útboðsskilmálar
liggja frammi hjá þessum
aðilum.
Febrúar 1978

SEÐLABANKI ÍSLANDS