Fréttablaðið - 17.01.2007, Síða 8

Hvað er ESA?
Hvort eru framvísandi
eða bakvísandi barnastólar
öruggari?
Hvað gaf Baltasar starfsfólki
sínu við Mýrina í jólagjöf?
Fulltrúar frá Ísrael og
Sýrlandi höfðu í nærri tvö ár
stundað samningaviðræður með
leynd og voru komnir með drög að
friðarsamkomulagi þegar Líban-
onstríðið braust út síðastliðið
sumar. Frá þessu skýrði ísraelska
dagblaðið Haaretz í gær.
Samkvæmt frásögn blaðsins
höfðu samningamennirnir náð
samkomulagi um að Ísraelsher
færi alfarið frá Gólanhæðum, sem
Ísrael hertók frá Sýrlandi árið
1967, en í staðinn myndu sýrlensk
stjórnvöld hætta öllum stuðningi
við herskáa hópa Palestínumanna.
Ehud Olmert, forsætisráðherra
Ísraels, segir þó að viðræðurnar
hafi ekki verið á vegum ísraelskra
stjórnvalda heldur alfarið verið
einkaframtak einstaklinga. Starfs-
maður utanríkisráðuneytisins í
Sýrlandi segir fréttir af slíkum
viðræðum tilhæfulausar með öllu.
Hins vegar staðfesti talsmaður
ísraelsku stjórnarinnar, sem vildi
ekki láta nafns síns getið, að ísra-
elskir ráðamenn hefðu vitað af
þessum viðræðum þótt ekki hefðu
þær verið á vegum stjórnvalda.
Dagblaðið heldur því fram að
bæði ísraelsk og sýrlensk stjórn-
völd hafi vitað af viðræðunum,
sem haldnar voru í nokkur skipti í
Evrópu á árunum 2004 til 2006.
Bashar Assad Sýrlandsforseti
hefur nýverið látið í ljós vilja til
að halda áfram friðarviðræðum
við Ísrael. Olmert hefur hins vegar
sagt að ekki komi til greina að
hefja viðræður fyrr en Sýrlend-
ingar hafi hætt stuðningi við her-
skáa andstæðinga Ísraels.
Bandaríkjastjórn hefur einnig
hafnað því að hefja viðræður við
Sýrlendinga en sakar þá um að
aðstoða baráttu súnní-múslima í
Írak gegn bæði sjíum og bandaríska
herliðinu þar. Síðast í gær féllu að
minnsta kosti 65 manns í árásum á
sjía-hverfi í Bagdad í Írak.
Condoleezza Rice, utanríkis-
ráðherra Bandaríkjanna, hefur
verið á ferð um Mið-Austurlönd að
afla fylgis ráðamanna þar við nýja
stefnu Bandaríkjastjórnar í Írak.
Leiðtogar sumra arabaríkja hafa
sagst reiðubúnir að aðstoða Banda-
ríkin við að stilla til friðar í Írak
gegn því að Bandaríkin leggi sig
meira fram við að finna lausn á
deilu Ísraela og Palestínumanna.
Í gær hitti hún Saud al-Faisal
prins í Sádi-Arabíu, sem sagðist
ekki hafa mikla trú á að árangur
næðist í Írak.
Sýrlendingar og Ísraelar
voru nærri samkomulagi
Ísraelskt dagblað heldur því fram að Sýrlendingar og Ísraelar hafi nánast verið tilbúnir með drög að friðar-
samkomulagi. Bandaríkjamenn reyna enn að afla stuðnings meðal arabaríkja við nýja Íraksstefnu sína.
Það munar mikilu á
öryggi bakvísandi og framvísandi
bílstóla. Í bílslysum sleppa 60 pró-
sent þeirra barna sem eru í framvís-
andi stólum án alvarlegra meiðsla
en í bakvísandi sleppa 90 prósent
þeirra. Því ætti fólk hiklaust á velja
barnastól sem snýr baki í aksturs-
stefnu og hafa það í honum þar til
það verður 25 kíló. Þetta segir Ragn-
heiður Davíðsdóttir, forvarnarfull-
trúi VÍS.
Í fréttum blaðsins í gær var
greint frá því að forsvarsmenn
íslenskra tryggingarfélaga eru ugg-
andi yfir því hve dræmar móttökur
bakvísandi bílstólar hafa fengið hér
á landi en þeir mæla með því að börn
séu í þeim til þriggja ára aldurs þar
sem þeir þykja mun öruggari.
Ragnheiður segir VÍS fyrst hafa
flutt þessa stóla til landsins eða árið
1994. Þeir hafi þá komið frá Svíþjóð
en þar séu bakvísandi stólar mjög
algengir og dauðaslys barna í bíl-
slysum nær óþekkt. Hún segir helstu
ástæðuna fyrir því að Íslendingar
vilji síður nota bakvísandi stóla vera
þá að þeir taki þægindin fram yfir
öryggið, Undir það tekur Herdís
Storgaard hjá Forvarnarhúsi Sjóvár.
Þær benda á að algengustu slys á
Íslandi séu vegna hliðar- eða framan-
ákeyrslna og við þau séu bakvísandi
stólar mun betri þar sem minna álag
verði á háls og höfuð barnsins í þeim.
„Þeir sem útvega bakvísandi stóla
eru VÍS, Sjóvá, Bílanaust og Ólavía
og Oliver, um fleiri staði veit ég ekki
en fólk ætti að velja þá bakvísandi
þar til barnið nær 25 kílóa þyngd,“
segir Herdís.
Bakvísandi bílstólar öruggari
„Mér finnst Ragnar draga upp ansi vill-
andi mynd af þróun tekjuskiptingarinnar síðastliðinn
áratug þar sem hann byggir á allt of takmörkuðum
mælikvarða, sem eru atvinnutekjur einar og sér fyrir
skatta,“ segir Stefán Ólafsson, prófessor við félags-
vísindadeild Háskóla Íslands, um niðurstöður rann-
sóknar Ragnars Árnasonar hagfræðiprófessors sem
sagt var frá í Fréttablaðinu í gær.
Í rannsókn sinni komst Ragnar að þeirri niður-
stöðu að allir tekjuhópar hefðu aukið tekjur sínar
verulega síðustu þrettán árin.
Rannsókn Ragnars miðaði þó einvörðungu við
atvinnu- og fjármagnstekjur fyrir skatta og það telur
Stefán að dragi upp skakka mynd. „Hann horfir alger-
lega framhjá dreifingaráhrifum lífeyristekna og
skatta. Þær breytingar eru þess eðlis að skattbyrðin í
lægri hópum þjóðfélagsins jókst mest og aukningin
lækkar eftir því sem ofar í tekjustigann er komið. Því
hafa lægri hóparnir dregist aftur úr og hæsti hópur-
inn farið langt fram úr. Það er því gliðnun í tekjustig-
anum alla leiðina upp ef menn horfa á ráðstöfunar-
tekjur eftir skatta, sem er sá mælikvarði sem er
notaður á þetta alstaðar í löndunum í kringum okkur.
Það er það sem snertir fólk, hvað það hefur í ráðstöf-
unartekjur.“
Danska veðurstofan sagði í
gær hættu á óveðri í suðurhluta
Danmerkur í kjölfar lægðar á
fimmtudag að því er kom fram á
vef Politiken.
„Ef lægðin færir sig suður
fyrir Danmörku sleppum við, en
færir hún sig inn yfir landið mun
óveður geisa á öllum suðurhluta
Danmerkur,“ sagði Mogens
Bendsen, vaktstjóri á veðurstof-
unni.
Janúar hefur verið vindasam-
ur í Danmörku og hefur meðal-
vindur verið 9,2 metrar á
sekúndu. Venjulegur meðalvindur
er 6,5 metrar á sekúndu.
Óveðri spáð í
Danmörku
Fjórðungur rússneskra
stríðsfanga sem lentu í finnskum
fangabúðum dó, meirihlutinn úr
hungri, kulda og sjúkdómum.
Aðstæður í fangabúðum voru
lélegri en hingað til hefur verið
talið. Þetta kemur fram á
fréttavef finnska dagblaðsins
Hufvudstadsbladet.
Margir Rússar, bæði hermenn
og óbreyttir borgarar, dóu í
finnskum einangrunarbúðum í
stríðinu. Í rannsókn sem verið er
að gera í Ríkisskjalasafninu í
Finnlandi hefur ýmislegt komið
fram, til dæmis að aðstæðurnar
voru afskaplega slæmar og að
þriðjungur borgaranna var börn.
„Þetta er skuggahlið stríðsins
sem þarna kemur fram,“ segir
Lars Westerlund sem stýrir
rannsókninni.
Fjórðungur dó
úr vosbúð
Ráðamenn í Færeyjum
leggja nú til að Færeyjar verði
sameinaðar í eitt byggðarlag,
einkum til þess að auðvelda
samgöngur milli svæða. Frá
þessu er skýrt í færeyska
dagblaðinu Dimmalætting.
Færeysk stjórnvöld settu sér
um aldamótin síðustu það
markmið að árið 2015 yrðu
Færeyjar komnar í röð með þeim
löndum heims sem best er að búa
og starfa í. Á vegum lögmanns-
skrifstofunnar hefur mikil
stefnumótunarvinna verið í
gangi síðustu árin og um þessar
mundir er hver nefndin á fætur
annarri að skila frá sér tillögum
sínum.
Færeyjar verði
eitt byggðarlag
Valgerður Sverris-
dóttir utanríkisráðherra flytur á
morgun, fimmtudag, stefnuræðu
um öryggis- og varnarmál á
opnum fundi í Háskóla Íslands.
Til fundarins boða Stofnun
stjórnsýslufræða og stjórnmála
við HÍ og Samtök um vestræna
samvinnu og Varðberg, í sam-
vinnu við utanríkisráðuneytið.
Fundurinn fer fram í Hátíðarsal
HÍ og hefst kl. 12.
Í fréttatilkynningu segir að
Valgerður muni í erindinu ræða
þróun öryggis- og varnarmála
þjóðarinnar og breyttar aðstæður
eftir brottför bandaríska varnar-
liðsins.
Stefnuræða um
varnarmál