Fréttablaðið - 17.02.2007, Page 56

17. FEBRÚAR 2007 LAUGARDAGUR14 fréttablaðið eurovision
Hver er maðurinn? Maðurinn
heitir Andri Bergmann og kemur
frá Eskifirði. Eins og er þá er ég
tónmenntakennari á Eskifirði en
hef undanfarin ár verið að vinna í
Gítarskóla Íslands.
Áður í Eurovision? Ég hef horft
á Eurovision og það er það næsta
sem ég hef komist því að vera í
keppninni. Hef bara sungið með
lögunum heima í stofu. Ég held að
alla hafi dreymt um að standa á
sviðinu á Eurovision og ég er
engin undantekning á því.
Hvernig tónlist hlustarðu á? Ég
hlusta mest á rokk frá A til Ö. Það
sem kemur fyrst upp í hugann er
Metallica en ég hef verið aðdáandi
þeirra síðan ég var fjögurra ára.
Síðan á seinni tímum er það Radio-
head, Muse og sá pakki.
Hvernig undirbýrðu þig fyrir
kvöldið? Ég mun taka því bara
rólega framan af þangað til að
æfingar byrja. Það er eiginlega
séð um allan undirbúning á sjálfan
keppnisdaginn fyrir mann. Ég
mun annars ekki hafa neinn sér-
stakan undirbúning.
Hvað gerirðu ef þú sigrar í
kvöld? Þá ætla ég að rífa mig úr
að ofan og hlaupa einn hring í
kringum húsið.
Besta íslenska Eurovision-lag
allra tíma? Það er Gleðibankinn,
engin spurning.
Eurovision alltaf verið draumur
Hver er maðurinn? Maðurinn er
Eiríkur Hauksson. Ég er örlaga-
rokkari og vinn við að syngja.
Áður í Eurovision? Það er 1986
með ICY og 1991 fyrir Noreg.
Hvernig tónlist hlustarðu á? Ég
hlusta langmest á þungarokk. Þar
er ég eiginlega fastur í sjöunda
áratugnum og hlusta m.a. á gömlu
góðu Deep Purple og Sabbath. Af
þessu nýja hef ég gaman af bönd-
um eins og Pantera.
Hvernig undirbýrðu þig fyrir
kvöldið? Undirbúningurinn er
mjög háður því að ég er búsettur
erlendis. Stefnan er sett á að koma
sér heim til Íslands á fimmtudeg-
inum og svo er undirbúningur á
föstudag. Annars er þetta eins og
hver önnur framkoma fyrir utan
það hvað þetta er stutt. Ég er mjög
afslappaður og ekkert að stressa
mig. Það er allavega fasta rútínan
að lauma sér eitthvert í „smók“
rétt áður en maður stekkur á svið.
Hvað gerirðu ef þú sigrar í
kvöld? Ég hefði aldrei farið út í
þetta ef ég hefði ekki verið tilbú-
inn til þess að fara alla leið. Ef ég
sigra þá er ég til í slaginn og reyni
að gera þetta eins gott og hægt er
þarna úti. Ég held og vona að
Íslendingar séu orðnir það sjóaðir
í þessu Eurovision-dæmi að það
verði ekkert brjálæði eins og var
kringum Gleðibankann. Ég hef
verið tengdur þessari keppni síð-
ustu ár og túlka það þannig að
Ísland á nákvæmlega engan mögu-
leika á að vinna. Þetta er þó góð
landkynning og stefnan á að vera
sett á að komast í gegnum undan-
riðilinn. Ef það næst er sigur unn-
inn.
Besta íslenska Eurovisionlag
allra tíma? Gleðibankinn er sögu-
legasta lagið af eðlilegum ástæð-
um og er þrusufínt lag. Mitt uppá-
halds Eurovisionlag er Nína.
Afslappaður
örlagarokkari
Hver er maðurinn? Ég vinn sem
tónlistarmaður og einnig á Rás 2.
Þar hef ég unnið í nokkur ár en
annars hef ég gert tónlist í tut-
tugu ár. Árið 1994 gaf ég út fyrsta
geisladiskinn en það var með
Unun. Síðan þá hef ég bæði gert
diska með hljómsveitinni Heiða
og heiðingjarnir og svo sóló-
diska.
Áður í Eurovision? Árið 2003
tók ég þátt með eigin lagi og texta
eftir vin minn. Það var lagið
„Tangó“. Sama ár vann Birgitta
með „Segðu mér allt“.
Hvernig tónlist hlustarðu á?
Sérstaklega eftir að ég fór að
vinna í útvarpinu þá breikkaði ég
tónlistarsmekk minn.
Það má segja að ég hafi mjög
gaman af næstum því allri tónlist
nema kannski óperum og nýju
kántríi. Hins vegar hef ég gaman
af gamalli kántrí-tónlist. Nánast
allt annað hlusta ég á, allt frá
Madonnu til Black-metals. Til
dæmis finnst mér norskt Black-
metal alveg frábært. Ég hef alla
tíð verið mikil nýbylgju- og indí
manneskja. Það er margt
skemmtilegt að gerast í popptón-
list í dag, bæði hér heima og utan
landsteinanna.
Hvernig undirbýrðu þig fyrir
kvöldið? Ég hef verið í stífum
æfingum daglega. Æft dansspor
og austurlenska íhugun. Svo er
ég á sérstöku fæði en það er
leyndarmál.
Hvað gerirðu ef þú sigrar í
kvöld? Fer maður þá ekki til
Finnlands? Það verður stórkost-
legt ef ég sigra. Þá mun ég verða
landi mínu til sóma.
Besta íslenska Eurovisionlag
allra tíma? Lagið með Páli Óskari
var æðislegt en fyrir utan það tel
ég okkar lag, „Ég og heilinn minn“,
slaga upp í að vera eitt skemmti-
legasta Eurovision-lagið. Annars
er fullt af lögum sem náðu ekki að
vinna forkeppnirnar hérna heima
sem ég held mikið upp á. Eitt af
þeim er lagið „Sögur“ sem Ingunn
Gylfadóttir söng, Sölvi Blöndal
gerði forritið fyrir og Sjón samdi
textann við. Ég hefði viljað sjá það
lag vinna það ár þótt það hafi verið
sama árið og ég tók þátt. Best varð-
veitta Eurovision-leyndarmálið úr
forkeppnunum á Íslandi.
Stundar austurlenska
íhugun og æfir dansspor
900 2003
Titill: Bjarta brosið
Flytjandi: Andri Bergmann
Höfundur: Torfi Ólafsson
Texti: Kristján Hreinsson
900 2004
Titill: Ég les í lófa þínum
Flytjandi: Eiríkur Hauksson
Höfundur: Sveinn Rúnar
Sigurðsson Texti: Kristján
Hreinsson
900 2002
Titill: Ég og heilinn minn
Flytjandi: Ragnheiður Eiríksdóttir
Höfundar: Dr. Gunni, Ragnheiður
Eiríksdóttir Texti: Dr. Gunni