Fréttablaðið - 10.03.2007, Side 72

H
enni hefur verið seinkað, breytt og
seinkað aftur, en PlayStation 3 leikja-
tölvan er loksins að koma. Þann 23.
mars hefst sala á tölvunni sem tekur
við af vinsælustu sjónvarpsleikja-
tölvu í heimi, PlayStation 2. Dagurinn
sem evrópskir tölvuleikjaunnendur hafa beðið eftir
svo lengi er við það að renna upp.
PlayStation 3 var fyrst kynnt almenningi um mitt ár
2005, á tölvuleikjaráðstefnunni E3 í Bandaríkjunum.
Upphaflega átti hún að koma út vorið 2006, en útgáfu-
deginum var seinkað þar til í nóvember sama ár. Átti
hún þá að koma út í Bandaríkjunum, Evrópu og Japan
samtímis.
Þegar á hólminn var komið hopaði Sony, framleið-
andi tölvunnar, enn á ný og frestaði útgáfunni í Evrópu
um fimm mánuði, við óblíðar viðtökur Evrópubúa.
Vandræði við fjöldaframleiðslu á Blu-Ray diska-
drifunum voru sögð ástæðan fyrir því að aðeins Jap-
anar og Bandaríkjamenn fengu að njóta tölvunnar í
nóvember 2006, en Evrópa sat á hakanum.
PlayStation 3 er mun öflugri en fyrirrennari hennar
og státar af mörgum nýjungum. Þar ber einna helst að
nefna Blu-Ray drifið sem kemur í stað DVD-drifsins
á PS2 tölvunni, en Blu-Ray diskar geta geymt allt að
fimm sinnum meiri gögn en DVD-diskarnir.
Leikirnir fyrir vélina verða flestir í háskerpu, en
það þýðir að upplausnin er mun hærri en í „venjuleg-
um“ leikjum. Bíómyndir á Blu-Ray diskum eru einnig
í háskerpuupplausn. Til þess að nýta háskerpuna þarf
þó sjónvarp sem ræður við að sýna efni í slíkri upp-
lausn.
Verðið á tölvunni er ein af þeim nýjungum sem hafa
vakið litla hrifningu hjá fólki. Í Evrópu mun premium-
útgáfa vélarinnar kosta 600 evrur, en ódýrari útgáfan
verður ekki gefin út hér til að byrja með.
Til samanburðar kostar Xbox 360, einn keppinauta
PlayStation 3 í leikjatölvustríðinu, 300-400 evrur eftir
útgáfum. Nintendo Wii, þriðji þátttakandinn, kostar
250 evrur.
Hér á Íslandi má búast við að vélin kosti milli 60 og
70 þúsund krónur, en verslanir BT, Elko og Max verða
allar með leikjatölvuna til sölu.
Í premium-útgáfunni er sextíu gígabæta harður
diskur, möguleiki fyrir þráðlausa nettengingu og
minniskortalesari auk Blu-Ray drifsins sem er í öllum
útgáfum.
Útgáfa PlayStation 3 í Bandaríkjunum einkenndist
fyrst og fremst af gríðarlegri eftirspurn og langt í frá
nægu framboði. Þetta ástand hafði það í för með sér
að tækifærissinnar sáu sér leik á borði og biðu dögum
saman í biðröð eftir tölvunni, og seldu hana um leið á
uppboðsvefnum eBay með hundrað prósenta álagi eða
svo. Fjölmennar biðraðir þar sem enginn ætlaði sér í
rauninni að nota sjálfa tölvuna voru ekki óalgeng sjón
á útgáfudeginum.
Nokkru eftir útgáfudaginn tók að lægja og ástandið
batnaði. Í árslok hafði Sony selt tæpar tvær milljónir
eintaka, þar af um 750.000 í Bandaríkjunum.
Það skiptir litlu máli hversu öflug leikjatölva er ef
leikirnir sjálfir standa ekki undir kröfum. Fimmtán
leikir komu út á sama tíma og tölvan í Bandaríkjunum
og Japan, en alls verða rúmlega fjörutíu leikir á boð-
stólum þegar vélin fer í sölu í Evrópulöndum.
Einna vinsælustu leikirnir eru skotleikurinn Resis-
tance: Fall of Man, bardagaleikirnir Virtua Fighter 5
og Fight Night Round 3 og bílaleikurinn MotorStorm,
sem kom út nú fyrir nokkrum dögum. Leikjaunnendur
eru þó eflaust spenntastir fyrir Grand Theft Auto IV,
sem kemur út í október, og Metal Gear Solid 4: Guns of
the Patriots, sem kemur út einhvern tímann á þessu
ári.
Fyrir þá sem eiga ekki háskerpusjónvarp eru kost-
ir PS3 nokkru færri en hjá hinum. Vissulega er hægt
að spila alla leikina án vandkvæða, en þeir eru í mun
lægri upplausn og líta alls ekki jafn vel út. Hið sama
gildir um Blu-Ray myndir, þær munu í besta falli líta
jafnvel út og myndir á DVD-diskum.
Tölvan nýtist því eigendum háskerpusjónvarps mun
betur en þeim sem ekki eru svo heppnir. Áhugasamir
ættu að taka þetta með í reikninginn þegar ákveðið er
hvort kaupa á vélina eða ekki.
Nýr þátttakandi í
leikjatölvustríðinu
Arftaki vinsælustu sjónvarpsleikjatölvu í heimi, PlayStation 2, er á leið til
landsins. Þann 23. mars munu landsmenn, sem og aðrir Evrópubúar, geta
notið nýju tölvunnar sem heitir því frumlega nafni PlayStation 3. Salvar
Þór Sigurðarson skoðaði tölvuna sem svo margir hafa beðið spenntir eftir.