Fréttablaðið - 02.05.2007, Blaðsíða 18

2. MAÍ 2007 MIÐVIKUDAGUR10 fréttablaðið verk að vinna
Að mörgu þarf að huga þegar
gera á upp gamlar gólffjalir
og oft getur borgað sig að fá
fagmenn til starfa.
„Ætli menn á annað borð að halda
gömlum gólffjölum er best að
byrja á að plana þær niður,“ segir
Bolli Guðbjörn Magnússon, sér-
fræðingur í viðgerðum og við-
haldi á gólffjölum. „Með plönun
á ég bara við slípun. Slípað er 45
gráður til hægri og vinstri og svo
er slípað á fjalirnar eins og þær
liggja.“
Sérstakar slípivélar eru not-
aðar til verksins að sögn Bolla.
„Ekki er óalgengt að margar
vélar þurfi í hvert verk, á bil-
inu þrjár upp í fimm. Þá er þykkt
sandpappírsins látin ráðast af því
hversu mikið þarf að vinna í gólf-
inu, en allur gangur er á því.“
Bolli segir það síðan háð stærð
gólfflatarins og ástandi fjalanna
hversu langan tíma taki að klára
verkið. Gólfslípun sé vandasamt
verk og geti tekið drjúgan tíma,
alveg frá þremur dögum og upp í
viku, svo útkoman sé góð. Þar af
leiðandi sé ekki nema fyrir fag-
menn að vinna við hana. „Það
sparar bæði vinnu og tíma að
kalla vana menn til leiks. Ég hef
nokkrum sinnum komið í húsnæði
þar sem eigendur hafa reynt að
slípa gólf með litlum sem engum
árangri. Gólfslípun er ekki fyrir
hvern sem er.“
Að slípun lokinni segir Bolli
gott að sparsla í glufurnar á milli
gólffjalanna, séu þær á annað
borð breiðar. „Maður sparslar vel
og vandlega með spaða. Það getur
tekið tvo daga þar sem sparslið
þarf að þorna á milli og sígur allt-
af eitthvað niður. Svo eru fjalirn-
ar slípaðar aftur til að ná sparsl-
inu ofan af þeim, en með fínni
sandpappír en áður, og drullan
sem losnar ryksuguð eða sópuð í
burtu.“
Loks þarf að bera á fjalirn-
ar en Bolli segir að hægt sé að
velja um margar tegundir efna.
„Það fer bara eftir smekk hvers
og eins hvaða efni eru notuð, lakk
eða olíur, en tilgangurinn er allt-
af sá sami. Efnin eru borin á til að
verja fjalirnar og gera þær matt-
ari, svo óhreinindi sjáist síður á
þeim.
Ef olía er borin á þarf að
endurtaka leikinn sex mánuðum
til ári síðar. Lakk þarf hins vegar
ekki að bera á nema á þrjátíu til
fjörutíu ára fresti og það er betri
kostur hafi menn á annað borð
þurft að sparsla. Þá ættu þeir að
vera í góðum málum.“
roald@frettabladid.is
Gamlar gólffjalir öðlast nýtt líf
Bolli Guðbjörn Magnússon segir best að kalla fagmenn til starfa þegar slípa eigi gólffjalir og mikilvægt að vera vel útbúinn af
tækjum og tólum. FRÉTTABLAÐIÐ/ANTON
Gamlar gólffjalir geta orðið mjög falleg-
ar ef þær eru slípaðar.
„Við erum að koma norður í fyrsta
skiptið en fyrirtækið er 73 ára,“
segir Sigurður Rúnar Marinós-
son, verslunarstjóri Egils Árna-
sonar, en verslunin var opnuð á
Akureyri í mars. Sigurður Rúnar
telur nægan markað fyrir versl-
unina á Akureyri. „Ef maður er
með góða og vandaða vöru er
markaðurinn tvímælalaust til
staðar,“ segir Sigurður en versl-
un Egils Árnasonar fyrir norðan
er í 400 fm húsnæði við Baldurs-
nes 6. Sigurður Rúnar segir að
vinsælustu vörurnar verði á
lager á Akureyri en aðrar verði
hægt að panta að sunnan. Spurð-
ur hvort hann hafi áhyggjur af
móttökum Akureyringa segir
hann ekki svo vera. „Ég starfaði
um tíma í versluninni fyrir sunn-
an og hitti þá reglulega Akureyr-
inga sem höfðu skellt sér suður til
að versla hjá Agli Árnasyni. Þess
vegna held ég að Norðlendingar
taki okkur opnum örmum. Akur-
eyringar vilja hafa fínt heima hjá
sér og það er mikill uppgangur í
bænum. Margir eru að breyta og
bæta og fólk leggur mikið upp úr
því að hafa fínt heima hjá sér.“
- iáh
Akureyringar vilja hafa
fínt heima hjá sér
Sigurður Rúnar Marinósson verslunar-
stjóri.
Flísar, parkett og innihurðir eru meðal þess sem kaupa má hjá Agli Árnasyni á Akur-
eyri. FRÉTTABLAÐIÐ/HEIÐA.IS
K L E T T H Á L S 9 1 1 0 R E Y K J A V Í K S Í M I 5 6 7 4 2 2 2 F A X 5 6 7 4 2 3 2