Fréttablaðið - 02.05.2007, Blaðsíða 27

MARKAÐURINN 11MIÐVIKUDAGUR 2. MAÍ 2007
S K O Ð U N
Margir starfsmenn hafa gaman
af starfi sínu og fá mikið út
úr vinnudeginum. Öðrum finnst
ef til vill gaman í vinnunni en
spyrja sig hvort lífið sé meira en
bara vinna. Hvað með einkalífið,
makann eða börnin? Hefur vinn-
an áhrif á þessa þætti?
Samkvæmt rannsókn í fagtíma-
ritinu Journal of Occupational
Health getur góður dagur í
vinnu starfsmanns haft jákvæð
áhrif á maka hans þegar heim er
komið. Í rannsókninni segir að
þeir starfsmenn sem fá stuðning
í vinnu og taka á sig ábyrgð frá
hendi yfirmanna séu líklegri til
að yfirfæra þau jákvæðu áhrif
gagnvart fjölskyldu sinni þegar
heim er komið. Þannig er einnig
með þá starfsmenn sem segj-
ast fá stuðning heima fyrir og
eru sáttir við ábyrgðarhlutverk
sitt þar, þeir virðast yfirfæra
þá ánægju frá heimili yfir á
vinnu og auka þannig skilvirkni
sína þar.
Rannsóknin var gerð á meðal
234 útivinnandi hjóna sem áttu
aldraða foreldra og voru með
börn á framfæri. Rannsóknin var
lögð fyrir með árs millibili og
leiddi hún í ljós að þeir karlmenn
sem sögðust vera ánægðir með
jafnvægið á milli vinnu og einka-
lífs áttu maka sem sýndu minni
einkenni dapurleika ári seinna
í rannsókninni. Þær konur sem
sögðust vera ánægðar með jafn-
vægi á milli vinnu og einkalífs
áttu maka sem sýndu minni ein-
kenni dapurleika ári seinna. En
hvers vegna er þetta svona? Sam-
kvæmt rannsakandanum, Joseph
G. Grzywacz prófessor, upplifa
hjón sterklega þær tilfinningar
og atburði sem hinn aðilinn geng-
ur í gegnum og þær tilfinning-
ar hafa bein áhrif á hjónaband-
ið. Í rannsókninni voru þáttak-
endur beðnir um að meta hversu
sammála þeir væru eftirfarandi
staðhæfingunum: „kröfur í vinn-
unni hafa áhrif á fjölskyldulíf“
og „góður dagur í vinnunni hefur
góð áhrif á fjölskyldulíf mitt“.
Einnig voru þátttakendur beðn-
ir að svara hversu sammála þeir
væru staðhæfingunni: „góður
dagur í vinnu hefur góð áhrif á
mig til að takast á við fjölskyldu-
bábyrgð.“ Þá voru þátttakend-
ur beðnir um að lýsa skapi sínu
í vikunni sem leið með því að
svara hversu sammála þeir væru
staðhæfingunni: „atburðir fóru
í taugarnar á mér í vikunni sem
gera það ekki vanalega.“
Ekki hefur verið rannsakað í
miklum mæli hvernig hægt er
að færa ánægju í starfi yfir á
einkalíf en samkvæmt fagtíma-
ritinu virðast þeir starfsmenn
sem ná góðum tökum á sjálf-
stjórn, mannlegum samskiptum
og erfiðleikum við vinnu njóta
þess betur að geta
tengt saman ár-
angur í vinnu og
í einkalífi.
Sif Sigfúsdóttir,
MA í mannauðs-
stjórnun.
Eiga hamingjusamir starfsmenn
hamingjusama maka?
S K O Ð U N
Hagstofa Íslands birtir verðbólgu-
tölur í fyrramálið. Greiningar-
deildir bankanna eru nokkuð sam-
stíga um þróun mála og gera ráð
fyrir því að vísitala neysluverðs
hækki allt frá 0,5 til 0,6 prósentu-
stig á milli mánaða. Gangi það
eftir lækkar tólf mánaða verð-
bólgan úr 5,3 prósentum nú í 4,3 til
4,4 prósent.
Greiningardeildir benda allar á
að helstu óvissuþættirnir í fyrri
spám hafi verið verðhækkanir á
fasteignum og eldsneyti, ekki síst
hráolíuverði sem hafi sveiflast
mikið það sem af er árs.
Greiningardeild Glitnis segir að
í þessum mánuði megi reikna með
að verðhækkun þessara tveggja
liða skýri um tvo þriðju hluta af
spánni. Ekki sé gert ráð fyrir eins
mikilli hækkun húsnæðisverðs nú
og í apríl. Það kemur til af því
að í útreikningi á vísitölu neyslu-
verðs sé húsnæðisverð mælt sem
þriggja mánaða hlaupandi meðal-
tal og þannig falli út verðhækkanir
á fasteignaverði á höfuðborgar-
svæðinu í janúar út úr mæling-
unni nú.
Greiningardeild Landsbankans
segir á móti að fasteignamarkað-
urinn hafi legið í dvala um nokk-
urt skeið en töluvert líf hafi verið
að færast í hann upp á síðkast-
ið. Bendir greiningardeild Kaup-
þings á að þessi auknu umsvif hafi
valdið hækkun á fasteignaverði um
2,3 prósent á landsvísu á síðustu
þremur mánuðum. Telur Kaupþing
að lítið lát verði á áframhaldandi
hækkunum á fasteignamarkaði.
Greiningardeildirnar benda allar
á að einn af undirliðum til hækkun-
ar á vísitölu neysluverðs séu að-
gerðir stjórnvalda sem fólu í sér
lækkun á virðisaukaskatti á mat-
væli. Þær segja báðar að verð-
lækkunin hafi skilað sér að mestu í
flestum flokkum en upp á vanti að
lækkunin skili sér í verðlækkun á
veitingastarfsemi. Þar vega mikl-
ar launahækkanir og verðhækkun
aðfanga þungt á móti.
Nokkurs samhljóms gætir hvað
varðar verðbólguþróun á næstu
mánuðum og spá nokkuð snarpri
lækkun í sumar. Hins vegar greinir
þær á um hvenær verðbólgumark-
miðum Seðlabankans verði náð.
Þannig segir greiningardeild Glitn-
is að verðbólga fari undir verð-
bólgumarkmið bankans á haust-
dögum. Muni hún aukast eftir því
sem líði á árið og verði komin í 5
prósent næsta sumar. Landsbank-
inn gerir hins vegar ráð fyrir að
verðbólgumarkmiðunum verði náð
í árslok. Spáir bankinn því að tólf
mánaða verðbólgan á árinu nemi 4
prósentum en að hún verði 3,7 pró-
sent á næsta ári. Kaupþing reiknar
með öllu hraðari verðbólgulækkun
og gerir ráð fyrir því að verðbólgu-
markmiðum Seðlabankans verði
náð á þriðja ársfjórðungi. Muni
hún hækka á ný eftir það og liggi
ársverðbólgan í 4,4 prósentum.
Spá 4,3%
verðbólgu
Þ J Ó Ð A R B Ú S K A P U R I N N