Fréttablaðið - 02.05.2007, Blaðsíða 12

2. MAÍ 2007 MIÐVIKUDAGUR4 fréttablaðið verk að vinna
Útihurðin gegnir ótvírætt
veigamiklu hlutverki á heimil-
inu. Hún er hluti af andliti þess
út á við og hún þarf að vera
traust.
„Aðalefni í útihurðum gegnum
árin eru mahogany og organ pine.
Reyndar voru tekkhurðir vinsæl-
astar þegar ég var að byrja að
selja hurðir en við fáum ekki hrá-
efnið í þær lengur. Furu notum við
í karma en ekki í hurðir,“ segir
Gísli M. Eyjólfsson spurður um
algengasta efnið í útihurðunum.
Hann er sölu- og markaðsstjóri
hjá fyrirtæki sem heitir Börkur og
hefur framleitt hurðir og glugga á
Akureyri frá árinu 1970.
Gísli starfar í söludeild fyrir-
tækisins í Hátúni 6 í Reykjavík.
Hann er næst spurður um ráð-
andi stíl. „Funkis-stíllinn er mikið
í tísku núna í byggingum,“ segir
hann. „Þessi einfaldi stíll með
ferningslöguðum gluggum, fáum
póstum og flötum þökum. Hurð-
irnar taka mið af því. Áður var
franski stíllinn í tísku, margpósta
gluggar og fulningahurðir. Þetta
fer í hringi eins og tískan yfirleitt.
Fyrst blandast þetta, svo myndast
skýrar línur.“
Gísli hlær þegar hann er
spurður hvort ekki sé þá hægt að
geyma gamla lagerinn og selja
hann eftir nokkur ár. „Sem betur
fer er búið að vera það mikið
að gera hjá okkur að það mynd-
ast enginn lager. Svo er bygg-
ingarstíllinn þannig hjá Íslend-
ingum að það er ekkert til sem
heitir staðlaðar stærðir í glugg-
um eða hurðum. Öðruvísi en í ná-
grannalöndunum þar sem fólk
sem þarf að endurnýja glugga
getur farið inn í verslun og keypt
sér eins glugga og settir voru í
húsið í upphafi. Hér er allt sér-
smíðað. Það fyrirkomulag vernd-
ar okkur fyrir innflutningnum og
það gerir hið grimma veðurfar
líka. Við þurfum sterkari hurðir
og glugga hér en annars staðar í
Evrópu.“
Gísli segir gler yfirleitt annað
hvort í hurðinni sjálfri eða í
hliðarstykkjum því einhvers stað-
ar þurfi birtan að komast inn. En
glerið tekur breytingum eins og
annað. „Einu sinni voru skraut-
gler í tísku, síðan komu spegilgler
en nú eru filmugler hátískan,“
segir hann og talið berst að bréfa-
lúgunum. Þar gilda vissar reglur.
„Lúgurnar eru ýmist settar í hlið-
arstykkin eða á hurðirnar og þær
eiga að vera í ákveðinni hæð, enda
er blaðberum og póstum ekki
bjóðandi að þurfa að beygja sig
niður undir gólf,“ útskýrir Gísli.
En skyldu vera einhverjar regl-
ur um hvort snerillinn og lásinn
er vinstra eða hægra megin? „Það
er gott þú spyrð að því,“ segir
hann og heldur áfram. „Þegar
fólk ætlar að endurnýja útihurð-
ina er áríðandi að vita hvernig á
að panta nýja þannig að hún opn-
ist rétt. Það er alltaf miðað við
lamirnar. Hugsum okkur að við
stöndum við hurðina þeim megin
sem lamirnar eru sjáanlegar, þær
séu hægra megin og hurðin opnist
inn. Þá köllum við að hurðin eigi
að vera „hægri inn“. Svo erum
við eingöngu orðnir með þrílæst-
ar hurðir. Þá eru lásar í miðjunni,
uppi og niðri og þannig læsingar
halda hurðinni þéttari en annars.
Við berum ekki ábyrgð á hurðum
sem ekki eru með þriggja punkta
skrám í dag. Húnninn er togað-
ur upp til að læsingarnar uppi og
niðri virki og svo er lykli snúið í
miðjuskránni.“ gun@frettabladid.is
Hluti af andliti heimilis
Hér er unnið við gerð fulningahurða í Berki á Akureyri. FRÉTTABLAÐIÐ/HEIÐA.IS
Trésmiðjan Börkur hefur verið starfandi á Akureyri frá því um 1970 og framleitt
hurðir og glugga í stórum stíl. Tækin hafa mikið breyst í tímans rás.
Gísli við hvíta svalahurð sem opnast út en hann segir flestar aðalútihurðir opnast inn
hér á landi vegna vindsins. FRÉTTABLAÐIÐ/PJETUR
Gúmmítakkadúkarnir sem þóttu
flottir inni á heimilunum á níunda
áratugnum gætu verið að sækja
í sig veðrið að nýju. Heimili þar
sem öll gólf voru klædd takkadúk
prýddi forsíðu marsheftis hús-
búnaðar- og lífsstílstímaritsins
Living Etc og hafa birst á síðum
fleiri tímarita. Gólfdúkarnir heita
Norament og eru frá þýska fyrir-
tækinu Nora.
„Við sérflytjum inn þessa dúka
en í gegnum árin hefur það fyrst
og fremst verið bandaríski herinn
sem hefur notað þá,“ segir Olgeir
Þórisson, framkvæmdastjóri Gólf-
efna Teppalands. Hann segist ekki
greina aukna sölu þessara dúka en
finnur fyrir því að arkitektar séu
aðeins farnir að nota þá meira.
Dúkarnir eru fyrst og fremst
hannaðir fyrir stofnanir og eru
mjög slitsterkt gólfefni en útlit
þeirra og ótakmarkað litaúrval
gerir þá að skemmtilegu gólfefni
fyrir heimili.
Litríkir takkadúkar
Norament-gólfdúkur er slitsterkur og
með hálkuvörn.
Litasamsetning í anda níunda
áratugarins.
Eldrauður Norament-dúkur er flottur við hvíta eldhúsinnréttingu.
Iðnaðarryksugur
Þegar gerðar eru
hámarkskröfur
SKEIFAN 3E-F · SÍMI 581-2333 · FAX 568-0215 · WWW.RAFVER.IS
NT 361 Eco/Te
Loftsog: 57 ltr/sek
Sogkraftur: 235 mbör
35 lítra
Afl: 1380 vött
Snúra: 7,5 m
ECO síuhreinsibúnaður
Með eða án tengils
NT 611 Eco/Te
Loftsog: 57 ltr/sek
Sogkraftur: 235 mbör
55 lítra
Afl: 1380 vött
ECO síuhreinsibúnaður
Handfang
Snúra: 7,5 m
Með eða án tengils
Síuhreinsibúnaður
Ýmsir aukahlutir