Fréttablaðið - 02.05.2007, Blaðsíða 22

2. MAÍ 2007 MIÐVIKUDAGUR14 fréttablaðið verk að vinna
Algengt er að þeir sem eru
að gera upp gömul hús leiti
til fyrirtækisins Listans, sem
sérhæfir sig í skrautlistum,
parkettlistum og frönskum
gluggum í hurðir.
Í Akralind í Kópavogi er bygg-
ingavöruverslunin Listinn. Þar
er að finna ýmsar gerðir lista á
gólf og loft, auk falda og stokka.
„Fyrirtækið hefur verið starfrækt
í nokkurn tíma, síðan árið 2000,“
segir Sigurður Gylfi Sigfússon,
starfsmaður Listans. „Við fram-
leiðum ýmsa lista og sérsmíðum
fyrir fólk þegar þess er óskað.“
Sigurður segir að algengast sé
að leitað sé til Listans þegar verið
sé að gera upp gömul hús. Þá þurfi
oftar en ekki að sérsníða listana,
utan um pípur til dæmis, og þá
komi reynsla og þekking starfs-
manna Listans sér vel. „Ef fólk er
á höttunum eftir listum er best að
það annað hvort skoði heimasíðu
okkar, www.listinn.is, eða komi í
heimsókn, skoði úrvalið og fái ráð-
gjöf,“ segir Sigurður.
Tískusveiflur eru í listavali
fólks og það vinsælasta núna er
hvítir listar. „Þetta eru hvítir til-
búnir listar sem smellt er á fest-
ingar á veggjum,“ segir Sigurður.
„Hægt er að koma fyrir leiðslum
bak við þá þannig að þeir eru mjög
hentugir þegar fela þarf snúrur.“
Listinn býður einnig upp á
svokallaða franska glugga í inni-
hurðir. Þá er seldur pakki með
öllu efni (nema glerinu sjálfu) og
er hægt að velja milli þess að setja
gluggana í sjálf(ur) eða fá aðstoð.
„Það er tilvalið fyrir handlagna að
fást við þetta sjálfir, en við erum
alltaf tilbúnir að aðstoða,“ segir
Sigurður. tryggvi@frettabladid.is
Hvítir listar
vinsælastir
Sérsniðnir listar eru algengir í gömlum
húsum.
Sigurður Gylfi vinnur í Listanum, byggingavöruverslun sem sérhæfir sig í gólf- og
loftlistum. FRÉTTABLAÐIÐ/VALLI
Margir kjósa að nýta sér gull-
línu Harðviðarvals en í henni
velja viðskiptavinir gólfefnið á
meðan starfsmenn Harðviðar-
vals sjá um afganginn. Fyrir
hvern seldan fermetra er eitt
tré gróðursett.
Harðviðarval býður upp á sér-
staka gulllínu þar sem starfsmenn
fyrirtækisins sjá um að parkett-
leggja fyrir viðskiptavini. Ekki er
vísað á aðra aðila eins og venjan
er, heldur sér fyrirtækð sjálft um
framkvæmdina. „Innifalið í gull-
línunni er mæling á gólffleti, heilir
pakkar sem sýnishorn, hljóðein-
angrandi undirlag, gólflistar, frá-
gangslistar, sóplistar, T-listar, lím
og naglar og annað sem til þarf til
verksins,“ segir Björn Matthías-
son, sölu- og markaðsstjóri Harð-
viðarvals. „Við keyrum efnið heim
til viðskiptavinar og leggjum
svo að sjálfsögðu parkettið. Svo
þrífum við eftir okkur og tökum
til baka allt ósagað efni, sem við
endurgreiðum.“
Björn segir gulllínuna vel nýtta
enda sé lagning gólfefnis oft loka-
hnykkurinn áður en húsnæði er til-
búið. Fólk er orðið óþolinmótt og
vill drífa í því að komast inn í hús-
næðið. „Það er búið að bíða eftir
píparanum, málaranum, múraran-
um og það vill ekki bíða lengur,“
útskýrir Björn. „Hjá okkur getur
það valið efni og við setjum niður
dag til verksins. Sú dagsetning
stenst alltaf og við förum ekki
fyrr en við erum búnir að klára
verkið.“
Eitthvað kostar þetta allt, enda
ekkert ókeypis í þessum heimi.
Þjónustan sem felst í gulllínunni
kostar 4.290 krónur á fermetrann.
Þá fær maður líka skógarlund í
kaupbæti.
Harðviðarval hefur einsett sér
að gróðursetja eitt tré fyrir hvern
seldan fermetra í gulllínunni. Það
er gert í samstarfi við Skógrækt
ríkisins. „Við höfum haldið utan
um fermetrafjöldann frá upphafi
og við erum að skoða hvort við
ættum að búa til einhvers konar
Harðviðarvalsreit þar sem skóg-
ur væri ræktaður,“ segir Björn.
„Hver sem niðurstaðan verður
munum við gróðursetja tré og þar
sem gulllínan er vel nýtt verður
þetta heill skógur.“ - tg
Gulllínan skilar skógi
Fyrir hvern seldan fermetra í gulllínunni leggur Harðviðarval til eitt tré til skóræktar.
Björn segir gulllínuna vinsæla enda gólfefni það síðasta sem klára þurfi áður en flutt
er inn í íbúð og fólk því oft orðið óþreyjufullt að klára. FRÉTTABLAÐIÐ/ GVA