Fréttablaðið - 14.05.2007, Side 14

fréttir og fróðleikur
Gordon Brown hefur árum
saman staðið í skugga
Tonys Blair. Í huga flestra
Breta hefur hann til þessa
verið að mestu óþekkt
stærð, en nú virðist hans
tími kominn.
Nokkuð öruggt þykir að Gordon
Brown hljóti yfirgnæfandi fylgi í
leiðtogakjöri breska Verkamanna-
flokksins og taki við af Tony Blair
bæði sem flokksleiðtogi og for-
sætisráðherra nú í lok júní.
Tveir þingmenn Verkamanna-
flokksins hafa reyndar lýst áhuga
sínum á að blanda sér í slaginn,
báðir úr vinstri armi flokksins
sem hefur verið ósáttur við
áherslur Blairs í mörgum málum.
Þeir heita John McDonnell og
Michael Meacher og hafa gert
með sér samkomulag um að sá
þeirra sem fær minni stuðning
innan Verkamannaflokksins muni
hætta við framboð og lýsa yfir
stuðningi við hinn. Það ætti að
skýrast í dag hvor þeirra verður
ofan á, en litlar líkur þykja þó til
þess að Brown bíði lægri hlut í
þeirri viðureign.
Brown hafði reyndar vonast til
þess að verða leiðtogi Verka-
mannaflokksins strax árið 1994
þegar John Smith, þáverandi leið-
togi, lést óvænt eftir aðeins tvö ár
í embættinu.
Í staðinn fyrir að keppa um
embættið í kosningum innan
Verkamannaflokksins eru þeir
Blair og Brown sagðir hafa gert
með sér samkomulag um að Brown
myndi víkja til þess að Blair fengi
örugga kosningu. Í staðinn á Blair
að hafa samþykkt að víkja fyrir
Brown síðar meir.
Stuðningsmenn Blairs hafa neit-
að því að slíkt samkomulag hafi
nokkru sinni verið gert, en ítrekað
hafa samt komið upp sögusagnir
um að Brown hafi beinlínis unnið
gegn Blair á bak við tjöldin og
reynt að þrýsta á hann um að segja
af sér svo hann gæti tekið við, ekki
síst eftir að líða tók á þriðja kjör-
tímabil Blairs, þegar vinsældir
hans voru orðnar minni og Blair
hafði sjálfur lýst því yfir að þetta
yrði síðasta kjörtímabil sitt.
Brown er prestssonur frá Skot-
landi og lærði á sínum tíma sagn-
fræði við Edinborgarháskóla.
Hann er tveimur árum eldri en
Blair og þeir voru báðir fyrst
kosnir á þing sumarið 1983. Þeir
höfðu lengi vel sameiginlega skrif-
stofu í þinginu og hafa alla tíð
unnið náið saman þótt þeir hafi
einnig deilt hart á stundum.
Eftir að Brown tilkynnti um
framboð sitt nú fyrir helgi lýsti
Blair strax yfir eindregnum stuðn-
ingi sínum við hann.
Brown hefur verið fjármálaráð-
herra frá árinu 1997, lengur en
nokkur annar fjármálaráðherra í
Bretlandi síðustu 180 árin. Hann
hefur staðið næst Blair að völdum
í stjórninni og staða hans innan
Verkamannaflokksins er sterk.
Hann hefur hins vegar aldrei
notið jafnmikilla vinsælda og
Blair; þykir þurrari á manninn og
stundum harður í horn að taka.
Hann hefur heldur aldrei verið
jafnmikið í sviðsljósinu og Blair
og er þess vegna að miklu leyti
óþekkt stærð enn í dag, þrátt fyrir
langan og að flestu leyti farsælan
ráðherraferil.
Brown stærir sig meðal annars af
því að hafa náð niður atvinnuleysi
og haldið góðum hagvexti þessi tíu
ár sem hann hefur haldið um
stjórnartaumana í fjármálaráðu-
neytinu.
Eitt fyrsta verk hans sem fjár-
málaráðherra var að gefa breska
seðlabankanum sjálfstæði og hann
hefur lýst því yfir að hann vilji
ganga enn lengra í því að draga úr
miðstýringu í Bretlandi, meðal
annars með því að fá fleiri stofnun-
um hins opinbera meiri völd og
aukið sjálfstæði gagnvart ríkis-
stjórn og þingi.
Hins vegar er talið að hann muni
leggja minni áherslu á náin tengsl
við Bandaríkin, sem voru einn af
hornsteinunum í utanríkisstefnu
Blairs. Á föstudaginn, þegar Brown
lýsti yfir framboði sínu, þá sagðist
hann jafnframt viðurkenna að ýmis
mistök hefðu verið gerð í stríðinu í
Írak og fullyrti að á næstu mánuð-
um myndu áherslur Breta gagn-
vart Írak breytast eitthvað.
Þátttaka breska hersins í Íraks-
stríðinu hefur átt einna stærstan
þátt í minnkandi vinsældum Blairs
síðustu árin. Þegar Blair tilkynnti
um afsögn sína á fimmtudaginn
sagðist hann hafa lært það á löng-
um ferli sínum að taka þurfi erfið-
ar ákvarðanir, jafnvel þótt þær
falli í grýttan jarðveg meðal þjóð-
arinnar.
Brown virðist hins vegar ætla
að passa sig á því að ganga ekki
gegn almenningsálitinu heldur
gera það sem þarf til að afla
flokknum nýrra kjósenda. „Ég
ætla að hlusta og ég ætla að læra.
Ég ætla að leitast við að verða við
væntingum fólks,“ sagði hann á
föstudaginn. „Ég hef vilja til þess
að vera í forsvari fyrir ríkisstjórn
sem hefur næga auðmýkt til að
þekkja sín takmörk.“
Framtíð Browns ræðst þó fyrst og
fremst af því hvernig honum reið-
ir af í átökum við David Cameron,
hinn unga og vinsæla leiðtoga
Íhaldsflokksins. Þingkosningar
verða líklega haldnar í Bretlandi
árið 2009, eða í síðasta lagi árið
2010 þegar sjö ára kjörtímabil
núverandi þings rennur út.
Cameron þykir minna töluvert á
Blair, er vingjarnlegur og opin-
skár og hefur heldur betur stokk-
að upp stefnu Íhaldsflokksins,
gefið honum mannlegri ásýnd og
þokað honum töluvert til vinstri.
Cameron gæti því hæglega reynst
forsætisráðherranum Brown
þungur í skauti í kosningabarátt-
unni þegar þar að kemur.
Allt stefnir hins vegar í að Brown
taki við forsætisráðherraembætt-
inu eftir að Blair hættir hinn 27.
júní næstkomandi, og þá þarf
Brown að minnsta kosti ekki að
hafa fyrir því að flytja búslóð sína
í Downing-stræti númer 10, þar
sem forsætisráðherra Bretlands
er jafnan búsettur. Brown hefur
nefnilega búið þar í eitt ár.
Hann flutti fyrir um það bil ári
úr Downingstræti númer 11, þar
sem fjármálaráðherra landsins
býr samkvæmt hefðinni, inn í for-
sætisráðherraíbúðina en í staðinn
flutti Blair inn í fjármálaráðherra-
íbúðina. Þeir ákváðu í mesta bróð-
erni að skiptast á íbúðum vegna
þess að rýmri húsakynni í númer
11 hentuðu betur fyrir barnmarga
fjölskyldu Blairs.
Brown stígur fram í sviðsljósið
Austur-Tímor er eitt fátækasta ríki Asíu
Verð kr. 33.990
Netverð á mann. Flugsæti báðar leiðir
með sköttum, vikuferð 24. eða 31. maí.
Verð kr. 49.990
Netverð á mann. Flug, skattar og
gisting í tvíbýli á Travelodge Montreal
m/morgunverði í 7 nætur, 24. eða 31.
maí. Aukagjald fyrir einbýli kr. 19.900.
Ferðir til og frá fl ugvelli kr. 1.900.
Montreal - Kanada
24. og 31. maí
frá kr. 33.990
Viku ferð - Síðustu sætin
Heimsferðir bjóða frábært
tilboð á síðustu sætunum
til Montreal 24. og 31. maí.
Þetta er einstakt tækifæri
til að njóta vorsins og
lífsins í þessari stórko-
stlega spennandi borg
sem er önnur stærsta
borg Kanada. Í borginni
mætast gamli og nýi
timinn, rík sagan og iðandi
nýbreytnin á einstaklega
skemmtilegan hátt. Það er frábært að skoða sig um, versla og njóta lífsins í Montreal;
fallegar byggingar, endalaust úrval verslana og veitingastaða og mjög hagstætt verðlag.
Gríptu tækifærið og smelltu þér til Montreal og njóttu þess besta sem þessi spennandi
heimsborg hefur að bjóða.
Flug og gisting í viku
- aðeins
kr. 49.990
Algengt erlendis