Fréttablaðið - 16.07.2007, Blaðsíða 46

1
6 7 8
10
13
119
12
15
16
18
21
20
17
14
19
2 3 4 5
„Já, það eru fjölmargir sem hafa
hringt og sýnt þessu mikinn áhuga.
Og þó nokkrir sem hafa sent inn
umsóknir,“ segir Inga Steinunn
Aradóttir hjá ráðningarþjónustu
Hagvangs. Fyrir skömmu birti
fyrirtækið auglýsingu í Morgun-
blaðinu þar sem óskað var eftir
umsóknum um starf sem kannski
þekkist betur meðal hinna auðugu
úti í heimi. Starfið felst í tiltekt og
þrifum, umsjón með þvotti, undir-
búningi kvöldmatar og öðrum
tilfallandi heimilisstörfum. Jafn-
framt fylgdi að viðkomandi fengi
fallegt húsnæði til eigin nota.
„Þessum störfum fjölgar sífellt og
eru miklu fleiri en fólk gerir sér
grein fyrir,“ segir Inga, sem gat
ekki gefið upp hver launin væru en
bætti því að þau væru „sanngjörn“.
Flestir Íslendingar ættu að
kannast við þessi störf frá kvik-
myndum úr Hollywood. Þar hefur
ríka fólkið oft þjónustufólk og
húsráðendur sem kallast „maid“
og „butler“ eða þernur og brytar.
Þetta fólk er hógværðin og
þagmælskan uppmáluð og talar
nánast undantekningalaust lýta-
lausa ensku.
Frægastur er eflaust hinn ráða-
góði Jeeves úr sjónvarpsþáttunum
Jeeves and Wooster þar sem
Stephen Fry fór á kostum ásamt
Hugh Laurie. Þá má ekki gleyma
hinum eldklára Alfred sem
ósjaldan réði Bruce Wayne og
Leðurblökumanninum heilt. Ekki
var hægt að fá uppgefið hver það
var sem auglýsti eftir þessari
þjónustu.
Mikill áhugi á brytastarfi
Nýverið var opnað gallerí í skóbúðinni Far á
Laugavegi 35. Galleríið er sérstakt að því
leytinu til að það er hið fyrsta hér á landi sem
sýnir eingöngu grafíska hönnun. Egill
Harðarson vefhönnuður reið á vaðið með
sýningu á verkum sínum en fyrir skemmstu
opnaði Goddur (Guðmundur Oddur Magnús-
son) þar sýningu sem mun standa til 20. júlí.
„Galleríið hefur fengið nafnið Temp,” segir
Pétur Guðmundsson sem stofnaði galleríið
ásamt Ísak Winther en þeir eru báðir grafískir
hönnuðir. „Okkur fannst vanta vettvang þar
sem grafískir hönnuðir gætu sýnt verk sín,
önnur en vörumerki og umbúðir, til þess að
sýna fólki að þeir fást við fleira en auglýsingar.
Vettvang þar sem markaðslögmál skipta ekki
máli.“
Pétur segir að galleríið fái að þróast hægt
og rólega. „Við erum ekki búnir að setja niður
neitt langtíma plan. Ætlum bara að sjá til
hvernig þetta gengur. Galleríið hefur að
minnsta kosti fengið gríðargóðar móttökur og
fjölmargir hafa sóst eftir því að fá að sýna
verk sín,“ segir Pétur. Nánari upplýsingar um
galleríið er að finna á royal.is/temp.
Grafískt gallerí á Laugavegi
„Trúarbrögðin eiga að sameina en
ekki sundra,“ segir séra Hjálmar
Jónsson dómkirkjuprestur.
Klerkurinn er vanur að fara
ótroðnar slóðir í hempunni og um
síðustu helgi gaf hann saman
tvenn brúðhjón með heldur
óvenjulegum hætti. „Ég byrjaði
um morguninn með þau Sigurð
Michaelsson og Benja Darayen en
þau spurðu hvort það væri í lagi
að búddamunkar yrðu viðstaddir
athöfnina því Benja er búddatrúar.
Mér fannst það ekkert annað en
sjálfsagt og bauð þá velkomna í
ræðunni minni enda var þetta
skýrt dæmi um að heimurinn á að
vera opinn og veggjalaus. Og þar
eiga trúarbrögðin að ganga á
undan,“ útskýrir Hjálmar, sem
var á miklum þönum 07.07.07 og
gaf ein fern pör saman frammi
fyrir mönnum og Guði.
Í Straumi, skammt frá álverinu
í Straumsvík, hittust hins vegar
gamli tíminn og sá nýi þegar
Hjálmar tók höndum saman við
Hilmar Örn Hilmarsson allsherjar-
goða en þar gengu þau Marteinn
Ibsen og Alda Sveinsdóttir í það
heilaga. Fyrst vígði Hjálmar þau
en svo tók Hilmar Örn við að
norrænum goðasið en Marteinn
er ásatrúar og Alda kristin. Að
sögn Hjálmars var athöfnin falleg
en spurður hvort víkingarnir frá
fornöld væru ekki búnir að snúa
sér við í gröfinni sagði presturinn
svo ekki vera. „Þegar kristni var
lögtekin á Íslandi í kringum árið
þúsund voru einfaldlega sett lög á
Alþingi og engu blóði úthellt.
Trúin gekk í gegnum samfélagið
og þar sannaðist það kannski hvað
best hversu sterk fjölskyldutengsl
við höfum,“ segir Hjálmar.
Í fjölmiðlum hafði mikið verið
spáð og spekúlerað um hvort
einhver hjónavígslusprengja yrði
á 07.07.07. Hjálmar segir að þetta
hefði ekki orðið jafn umfangsmikið
og gert hafði verið ráð fyrir. Og
augljóst væri að einhverjir hefðu
hreinlega hlaupið á sig. „Þeim
hefur kannski fundist dagsetningin
skemmtileg en þegar á hólminn
hefur verið komið þá hefur það
sem raunverulega þurfti kannski
ekki verið til staðar.“ Hjálmar
taldi mikla möguleika á að
framhald yrði á svona fjöl-
menningarlegum athöfnum og
klykkti út með upphafsorðum
predikunar sinnar á sunnudag.
„Hér er jú enginn gyðingur né
grískur, þræll né frjáls maður,
karl né kona, þér eruð hér eitt í
Kristi, Jesú.“
„Ég hlusta á gufuna þegar ég er
á verkstæðinu, en annars hlusta
ég ekki á útvarp þegar ég vinn
úti. Mér finnst vont að vinna við
tónlist og hlusta þá frekar á tal-
að mál þegar ég er að vinna.“
Auglýsingasími
– Mest lesið