Fréttablaðið - 31.07.2007, Blaðsíða 4

Lögregla leitar
manns á aldrinum 20-25 ára sem
gert er að sök að hafa berað
kynfæri sín fyrir framan tvær
ungar stúlkur í undirgöngum við
Gullinbrú í Reykjavík. Atvikið
átti sér stað stuttu eftir klukkan
ellefu á sunnudagskvöld.
Maðurinn, sem klæddur var
svörtum íþróttabuxum, blárri
flíspeysu og með svarta húfu á
höfði, gekk á eftir stúlkunum,
fram fyrir þær og beraði á sér
kynfærin. Stúlkurnar eru báðar
fæddar 1991.
Lögregla hefur ekki fundið
manninn og eru allar ábendingar
vel þegnar.
Beraði kynfærin
í undirgöngum
Fimm ára gamall drengur
varð fyrir bíl fyrir framan
félagsheimilið á Vopnafirði
síðdegis á laugardag. Hljóp
drengurinn frá foreldrum
sínum í veg fyrir bílinn og varð
undir. Til happs var að hann
lenti ekki undir dekkjum
bifreiðarinnar.
Drengurinn var fluttur með
sjúkraflugi til Reykjavíkur, en
líklegt er að hann snúi heim á
allra næstu dögum. Meiðslin
voru ekki lífshættuleg.
Þrennt var í bílnum. Beðið var
með skýrslutöku af ökumanni
þar til í gær vegna áfallsins sem
hann varð fyrir.
Fimm ára barn
lenti undir bíl
edda.is
Komin
í kilju!
Aðeins
1.290 kr.
Unglingabók
ársins 2006
Rússneskur andófsmaður
hefur verið neyddur til að dvelja á
geðspítala nálægt Múrmansk í
Rússlandi, segir skákmeistarinn
og stjórnmálamaðurinn Garrí
Kasparov. Hann segir að rússnesk
yfirvöld séu að hefna fyrir grein
sem hin 48 ára Larissa Arap skrif-
aði þar sem stjórn í málefnum geð-
fatlaðra barna var gagnrýnd. Arap,
sem er í stjórnmálasamtökunum
Hitt Rússland sem Kasparov leið-
ir, hefur verið þvinguð í meðferð á
spítalanum.
Andófsmenn segja að þetta sé
ekki í fyrsta sinn sem pólitískir
andstæðingar yfirvalda séu settir
á hæli síðan Vladimír Pútín komst
til valda. Þetta var algeng leið
ráðamanna á Sovéttímanum til að
losna við andófsmenn.
„Þetta getur gerst þegar þú
gagnrýnir olíumálayfirvöld, her-
inn eða læknamafíuna til dæmis.
Það er hættulegt að gagnrýna emb-
ættismenn því þeir gera allt til að
þagga niður í manni,“ segir
Kasparov.
Arap hafði farið til geðlæknis til
að fá vottorð um geðheilsu vegna
þess að hún var að endurnýja öku-
skírteinið sitt. Hún var spurð hvort
hún hefði skrifað umrædda grein.
Þegar hún játti því færði lögregla
hana til dómara þar sem búin voru
til skjöl um geðheilsu hennar.
Send í meðferð til Múrmansk
Nýútskrifaður grunn-
skólakennari getur fengið hærri
laun sem leiðbeinandi á leikskóla
í Reykjavík en með því að ráða
sig sem grunnskólakennara í
sama sveitarfélagi. Skólastjórar
sem rætt var við segja erfiðara
að fá kennara til starfa nú en á
undanförnum árum.
Byrjunarlaun 25-30 ára leið-
beinanda á leikskóla með upp-
eldismenntun á borð við grunn-
skólakennaramenntun eru
rösklega 201 þúsund krónur á
mánuði. Grunnlaun grunnskóla-
kennara undir þrítugu eru tæp-
lega 199 þúsund krónur á mán-
uði. Grunnskólakennarar sem
gerast umsjónarkennarar með
tuttugu nemenda bekk geta þó
fengið tæplega 211 þúsund krón-
ur í mánaðarlaun.
Menntasvið Reykjavíkurborg-
ar auglýsti yfir 50 laus störf
fyrir grunnskólakennara og yfir
20 önnur störf í 28 skólum borg-
arinnar á sunnudag. Valgerður
Janusdóttir, starfsmannastjóri
menntasviðs, segir þörfina ekki
að fullu komna í ljós þar sem
sumir skólastjórar hafi ekki
verið á landinu þegar ákveðið
var að birta auglýsinguna. Þá
megi ekki draga of miklar álykt-
anir af auglýsingunni þar sem
auglýsa þurfi störf þrátt fyrir að
áhugasamir umsækjendur hafi
þegar sótt um.
Valgerður vill ekki leggja mat
á hvort ástandið sé betra eða
verra nú en á sama tíma undan-
farin ár. Þó sé ljóst að kennarar
séu hreyfanlegri en áður; sumir
færi sig milli skóla en aðrir hætti
kennslu.
„Ég hef það á tilfinningunni að
það séu fleiri að fara út úr stétt-
inni núna heldur en áður,“ segir
Ólafur Loftsson, formaður
Félags grunnskólakennara.
Samningar grunnskólakenn-
ara eru lausir 31. maí 2008, en
Ólafur segir að viðræðuhópur sé
starfandi til að undirbúa kjara-
samningana, og sjálfar samn-
ingaviðræðurnar muni líklega
hefjast snemma á næsta ári.
„Það er sameiginlegt markmið
okkar grunnskólakennara og
sveitarfélaganna að lenda ekki í
sömu stöðu og við lentum í síð-
ast,“ segir Ólafur, og vísar þar
til átta vikna verkfalls grunn-
skólakennara haustið 2004. „En
það er alveg sama hvaða vilja
menn hafa í þessum efnum, ef
ekki á að setja meiri peninga í
þetta gerist ekki neitt.“
Betur settir á leikskóla
Betri byrjunarlaun eru í boði fyrir menntaða grunnskólakennara á leikskólum borgarinnar en í grunnskól-
um. Erfiðara virðist að fá kennara til starfa nú en á undanförnum árum. Reykjavíkurborg auglýsti yfir 50
stöður á sunnudaginn. Kennarar hreyfanlegri en áður.
Hinn 68 ára Don
Frick varð fyrir eldingu á
föstudag í annað sinn á ævinni.
Hitt atvikið átti sér stað sléttum
27 árum áður.
„Ég er heppinn að vera á lífi,“
sagði Frick eftir atburðinn.
Hann var staddur á útihátíð
þegar veðrið breyttist skyndi-
lega. Frick og fjórir aðrir, sem
leituðu skjóls í kofa, urðu fyrir
losti vegna eldingarinnar.
Enginn slasaðist alvarlega, en
gat kom á gallabuxur hans.
Í fyrra skiptið hafði hann
verið að keyra vörubíl þegar
eldingu sló niður í loftnet hans.
Meiddist Frick þá illa í vinstri
síðu.
Eldingu laust
niður tvisvar