Fréttablaðið - 31.07.2007, Blaðsíða 38

1
6 7 8
10
13
119
12
15
16
18
21
20
17
14
19
2 3 4 5
„Það að fá sér eina „pullu“ eða
tvær á Bæjarins bestu er alltaf
klassískt.“
Þrír starfsmenn Arctic Truck tók-
ust á hendur svaðilför ásamt sjón-
varpsmönnunum frægu úr bíla-
þættinum Top Gear, sem sýndur
er á BBC við miklar vinsældir.
Þeir Emil Grímsson, fram-
kvæmdastjóri Arctic Trucks,
Hjalti Hjaltason og Haraldur Pét-
ursson lögðu sjónvarpsmönnun-
um lið við að komast á svokallaðan
segulpól á norðurheimsskautinu.
„Þetta var heilmikið ævintýri,“
sagði Emil í samtali við Frétta-
blaðið, en hann hafði þá nýlokið
við að horfa á þáttinn, sem var
sýndur á BBC síðastliðinn mið-
vikudag.
Í Top Gear takast þáttastjórn-
endur iðulega á við ýmis konar
áskoranir. Að þessu sinni kepptu
þeir Jeremy Clarkson og James
May, sem óku Toyota Hilux-bíl
frá Arctic Trucks, við Richard
Hammond, sem ók hundasleða,
um hverjir yrðu fyrstir til að
komast á segulpólinn. „Það hefur
verið staðið fyrir gönguferðum
frá Resolute í Norður-Kanada á
segulpólinn í mörg ár, en það
hefur enginn farið á bíl svo við
vitum til. Innfæddum í Resolute
fannst þetta fáránleg hugmynd,“
sagði Emil og hló við. Top Gear
hafði samband við Toyota, sem
bað svo Arctic Trucks að útvega
farartæki í svaðilförina. „Við
höfum þvælst um Grænland þvert
og endilangt, svo við höfum
dálitla reynslu af þessu,“ sagði
Emil.
Svaðilförin átti sér stað í lok
apríl og byrjun maí, en henni
hafði þá verið frestað um mánuð.
„Veðurfræðingurinn í Resolute
sagði að við værum orðnir of sein-
ir, að ísinn væri orðinn svo þunn-
ur að við gætum dottið í gegn. Þá
varð fólk svolítið stressað,“ sagði
Emil yfirvegaður. Upphaflega
átti hann ekki að vera með í för á
pólinn, en vegna óróans út af
þykkt íssins, og sökum þess að
hann var einn af fáum sem gat
keyrt í snjónum, varð úr að hann
fylgdi ferðalöngum. „Ég sam-
þykkti að lokum að fara á undan á
sleða, með bor til að mæla þykkt
íssins. Svona til að friða mann-
skapinn,“ útskýrði Emil.
Hann sér ekki eftir því, þó að
ferðalagið hafi tekið sinn toll.
„Þátturinn sýnir ekki alveg
hversu hrikalega þreyttir menn
voru orðnir. Þetta voru mikil átök,
og fólk vantaði hreinlega svefn.
Það fóru allt að fjórir tímar, bæði
kvölds og morgna, í að koma upp
búðum og bræða upp vatn til að
drekka og elda mat. Það er bara
heill vinnudagur. Svo þarf að
mynda og keyra inn á milli,“ sagði
hann. Ferðlaginu fylgdu aðrir
kvillar, því Emil segist hafa
gleymt öllu öðru meðan á því stóð.
„Eftir viku fór það svo aðeins að
rifjast upp fyrir mér hvaða
ábyrgð maður hefði svona í líf-
inu,“ sagði hann og hló við.
Emil segir samfylgdina við Top
Gear-menn hafa verið afar
ánægjulega. „Þeir komu mér eig-
inlega á óvart, þeir voru allir svo
miklir atvinnumenn. Þeir voru
líka ótrúlega duglegir að fara út
að mynda, sem er nú ekki alltaf
mjög freistandi í þessum kulda,“
sagði Emil og hló. „Það var mjög
gaman að vinna með þeim, þeir
eru tvímælalaust alveg jafn
skemmtilegir og þeir eru í þátt-
unum,“ bætti hann við.
Ekki er ljóst hvenær umrædd-
ur Top Gear-þáttur verður sýndur
hér á landi, en Skjár einn hefur
haft þáttaraðirnar til sýningar.
„Við höfum hug á að vera með
einhvers konar frumsýningu á
þættinum í samvinnu við Skjá
einn og Toyota hérna heima. En
það er ekki komin nein dagsetn-
ing á það ennþá,“ sagði Emil, sæll
með svaðilförina.
„Lagið snýst um þetta 1984-kjaft-
æði sem komið er upp í þessu
þjóðfélagi, hvernig fylgst er með
öllum eins og þeir séu glæpa-
menn,“ segir Erpur Þ. Eyvindar-
son, forsprakki rapphljómsveit-
arinnar XXX Rottweilerhunda.
Erpur og félagar tóku um helgina
upp myndband við fyrsta nýja lag
sveitarinnar í nokkur ár. Lagið
hefur ekki enn fengið nafn en
Erpur segir boðskapinn skýran
og textinn eigi eftir að verða
sprengja inn í umræðuna.
„Það er eins og allir Íslending-
ar séu þátttakendur í stórum
raunveruleikaþætti. Munurinn er
bara sá að enginn fær borgað. Ég
er búinn að vera að pæla mikið í
þessu hvernig fylgst er með fólki,
í gegnum netið, eftirlitsmynda-
vélar, kreditkort, símhleranir og
fleira, og hvernig stjórnvöld og
valdhafar nýta sér þetta. Þetta er
mjög hart og flott lag,“ segir
Erpur og að stefnt sé að því að
klára lagið nú í vikunni svo það
verði komið í útvarpsspilun áður
en hljómsveitin treður upp á þjóð-
hátíð í Vestmannaeyjum. Erpur
viðurkennir að íslenska rapp-
bylgjan, sem náði hámarki fyrir
um fimm árum, sé í rénun. „Ég
ætlaði ekki að trúa því hvað allt
var dautt þegar ég kom heim frá
Svíþjóð. Við viljum þó meina að
þeir hörðustu séu enn að. Það er
bara búið að sía út liðið sem var
eitthvað að djóka.“
Rottweiler ræðst á eftirlitsþjóðfélagið
Leikstjórinn Einar Snorri Einars-
son leikstýrði á dögunum stutt-
mynd í tilefni Live Earth-tónleik-
anna sem voru haldnir um allan
heim hinn 7. júlí síðastliðinn.
Einar játar að um góða kynn-
ingu hafi verið að ræða fyrir sig
og fyrirtæki hans Snorra Bros.
„Þetta er ágætis áminning fyrir
okkur en það er fyrst og fremst
heiður að fá að taka þátt í svona
mikilvægu átaki.“
Myndin var á meðal fimmtíu
stuttmynda sem voru spilaðar
fyrir milljónir áhorfenda á milli
atriða á tónleikunum. Einnig voru
allar stuttmyndirnar sýndar á
kvikmyndahátíð í Los Angeles.
Kollegar Einars Snorra úr Snorri
Bros, Eiður Snorri og Snorri
Sturluson, sendu einnig inn
hugmyndir að stuttmyndum
en á endanum var mynd Ein-
ars valin. „Við komum með
þrjár hugmyndir og mín var
valin,“ segir Einar Snorri og
útskýrir að mynd hans sé
ádeila á neysluheiminn.
„Hún sýnir hvað lífið
er orðið dapurt og hvað
mannkynið er orðið
sjúkt. Hún sýnir hvað
fólk er búið að tapa
sér í veraldlegum hlutum
og útliti. Það vill eiga alls
konar drasl og fær aldrei
nóg. Það kaupir meira og
meira þótt það eigi fullt,“
segir hann.
Þeir félagar í Snorri
Bros hafa verið
duglegir við að
leikstýra auglýs-
ingum í gegnum
árin, auk þess
sem tónlistar-
myndbönd fyrir
stór nöfn á borð
við R.E.M. og
The Streets hafa
dottið inn á borð
þeirra. „Það er
hressandi að fá að deila á þá sem
maður hefur verið að vinna fyrir.
Þetta réttlætir kannski aðeins
þann skaða sem maður hefur gert
með því að gera auglýsingar eins
og til dæmis fyrir Hummer,“ segir
Einar og hlær.
Einar Snorri með stuttmynd á Live Earth
ÞAR SEM ALLT SNÝST
UM FÓTBOLTA!
WWW.GRAS.IS