Fréttablaðið - 11.08.2007, Side 76

Verslunarmannahelgin
er búin. Frí og tóm ham-
ingja í fjallasal fyrir
alla. Nema auðvitað unga
fólkið. Það fékk hvergi
inni á tjaldstæðum. Meira
að segja „Ein með öllu“
var orðin „Ein með öllu nema unga
fólkinu, það er alltaf fullt“.
Hrein móðgun við ungu kynslóð-
ina segja margir. Unga fólkið er
upp til hópa mjög ábyrgðarfullt.
Kannski er það rétt en vandamálið
er bara að unga fólkið á það einn-
ig til að haga sér eins og svín. Full
og útúrdópuð svín á hestasterum.
Nauðgandi og lemjandi hvert annað
þessa þrjá daga sem verslunar-
mannahelgin nær yfir. Hvað er til
ráða? Í fyrsta lagi var stjarnfræði-
lega slæm hugmynd að hleypa ekki
unga fólkinu á tjaldsvæðin. Þá fór
það á fyllerí einhvers staðar úti á
víðavangi þar sem það kúkaði og
ældi í næsta skurð. Ég sé bara eitt í
stöðunni fyrir næsta ár. Klóróform.
Og mikið af því. Bara grípa skríl-
inn á leið út úr bænum og svæfa
hann yfir helgina. Gætum haft stór
skýli vítt og breitt um landið þar
sem hrjótandi unglingar sofa af sér
óværuna og sómakærir landsmenn
skemmta sér á kristilegan hátt.
Við gætum líka fengið vík-
ingasveitina til að framfylgja út-
göngubanni. Hún er svo vel þjálf-
uð að hún ætti að ráða við nokkur
krakkakríli. Hún bara handtekur
þau sem ekki haga sér og setur í
klefa með Saving Iceland-fólkinu
og Falun Gong-meðlimunum sem
gleymdust.
Enn eitt ráðið er að halda útihátíð
fyrir krakkana uppi á Vatnajökli.
Krakkarnir geta þá hírst í tjaldi í
þrjátíu metrum á sekúndu og hagl-
éli. Greifarnir sjá um að halda
uppi fjörinu. Önnur góð ástæða til
að halda sig inni í tjaldi. Þau gera
að minnsta kosti ekkert af sér á
meðan.
Við getum líka búið til risastór-
ar umferðarslaufur fyrir utan alla
helstu byggðakjarna þar sem unga
fólkið keyrir endalausa hringi alla
helgina án þess að komast á útihá-
tíð.
Við gætum líka komið fram við
það eins og fólk og tekið á okkur
ábyrgðina á að ala það upp. Djók.