Fréttablaðið - 25.08.2007, Side 64

K
eilir sér um að
byggja upp þekk-
ingarþorp og það
hefur gengið hratt
og vel. Fyrstu íbú-
arnir hafa flust inn
og um mánaðamótin verður þarna
komið sjöhundruð manna samfé-
lag. Kennsla er hafin í frumgreina-
deild Keilis og leikskóli og grunn-
skóli hafa opnað þannig að það eru
tímamót í þessu verkefni,“ segir
Kjartan Þór Eiríksson, fram-
kvæmdastjóri Þróunarfélags
Keflavíkurflugvallar.
Starfsmenn Þróunarfélagsins
hafa verið á fullu í því að móta
stefnu fyrir uppbyggingu á svæð-
inu og verða meginstoðirnar tvær,
alþjóðaflugvöllurinn og umhverf-
isvæn orka á Reykjanesi. „Við
höfum verið að einbeita okkur að
því að draga rammann þannig að
við getum unnið úr áhuga þeirra
sem hafa leitað til okkar,“ segir
hann.
„Við erum að vinna með ráðgjöf-
um hjá PriceWaterHouseCoopers
í Belgíu í samstarfi við sveitarfé-
lögin á svæðinu við að greina tæki-
færi tengd flugvellinum. Við
höfum horft til uppbyggingar á
Schiphol-flugvelli sem hefur tek-
ist mjög vel. Þar hefur tuttugu ára
uppbygging átt sér stað en Schip-
hol-flugvöllur er einn af fremstu
flugvöllunum í dag,“ segir Kjart-
an.
Á Schiphol hefur markvisst
verið skilgreint hvaða uppbygg-
ing er fyrirhuguð á svæðinu og
gert út á nokkurs konar klasaupp-
byggingu. Þessari aðferðafræði
segir Kjartan að menn þakki það
hversu góður árangur hefur náðst.
„Það er lykillinn að því hversu vel
hefur tekist til. Við munum horfa
á þessa klasauppbyggingu, skil-
greina hvað við viljum fá og fara
markvisst í að byggja það upp,“
segir hann.
Þekkingarstarfsemi verður
stöðugt stærra hlutfall starfsem-
innar kringum flugvellina og þá
ekki bara flugtengd starfsemi
heldur líka tölvufyrirtæki,
hátækni- og hönnunarfyrirtæki og
fleira í þeim dúr. „Okkar tækifæri
liggja í þessu því að við erum land-
fræðilega vel staðsett og höfum
nægt landrými kringum vel stað-
settan alþjóðaflugvöll en það er
einmitt víða orðinn takmarkandi
þáttur í uppbyggingu við þessa
stóru velli. Svo höfum við þá inn-
viði sem þarf til að keyra verkefn-
ið af stað.“
Stefnan á Keflavíkurflugvelli
hefur verið kynnt fyrir erlendum
og innlendum aðilum, meðal ann-
ars í samstarfi við forsetaskrif-
stofuna, og Kjartan segir að við-
brögðin hafi verið vægast sagt
mjög góð. „Menn sjá mikil tæki-
færi, jafnvel í tengslum við græna
orku og umhverfismál. Þarna væri
hægt að þróa þróunarmiðstöð í
nýtingu og fjárfestingu á búnaði
sem nýtir framtíðar orkugjafa.
Við höfum varpað fram þessari
hugmynd til fjölmargra aðila og
það er mjög líklegt að töluvert
verði þar úr. Menn hafa kveikt á
þessari hugmynd.“
Fyrstu skrefin í átt að þróunar-
miðstöð hafa verið stigin. Kennsla
er hafin í frumgreinadeild Keilis
og Eignarhaldsfélagið Base hefur
keypt 22 byggingar á svæðinu.
Base er sameiginlegt félag þrett-
án fyrirtækja á borð við ÍAV, Eign-
arhaldsfélagið AV, Hringrás,
Sparisjóð Keflavíkur, N1 og Hótel
Keflavík. Til stendur að leigja hús-
næðið út með áherslu á verkfræði,
raunvísindi, tölvuþróun, dreifing-
armiðstöðvar, flugtengda starf-
semi, hátæknibúnað fyrir mat-
vælaiðnað, nýsköpun og arkitektúr
og byggja þannig upp tækni- eða
iðngarða undir heitinu Tæknivell-
ir.
„Í svona iðngörðum nýtir fólk
sameiginlega fundaaðstöðu og rit-
ara en er með sína eigin skrifstofu-
aðstöðu. Við uppbyggingu fyrir-
tækja myndast oft ákveðið
millibilsástand frá stofnun og þar
til fyrirtækið er orðið arðvænlegt.
Tæknigarðar hafa orðið vinsælir
erlendis af því að þeir brúa þetta
bil, lágmarka kostnaðinn og fleyta
fyrirtækjunum oft yfir erfiðasta
hjallann. Þetta tímabil er oft fyrir-
staðan því að það vantar gjarnan
fjármagn og aðstoð á þessum tíma.
Með tæknigörðum er þetta leyst á
eins hagkvæman hátt og hægt er.“
Fleiri verkefni eru á borðinu þó
að ekkert sé frágengið enn. „Við
sækjum mjög stíft í ákveðna
þætti sem styðja við þessa upp-
byggingu, dæmi um það er
umræðan um netþjónabú. Við
erum mjög áhugasamir um slíka
starfsemi og höfum margt að
bjóða þó að við séum ekki með
neitt í hendi frekar en aðrir
Íslendingar. Yahoo, Microsoft og
General Catalyst hafa komið og
skoðað og eru áhugasamir um það
sem hér er. Þeir sáu ákveðin tæki-
færi í svona þróunarvinnu. Síðan
eru ýmis hátæknifyrirtæki sem
myndu púslast í kringum þetta.“
Hugmyndir um heilsutengda
starfsemi eru einnig í bígerð.
Þó nokkur fyrirtæki eru þegar
starfandi á Keflavíkurflugvelli.
Búið er að girða af varnar- og
öryggissvæðið og fyrstu klasarn-
ir eru að myndast. Þannig fer
ekki á milli mála þegar keyrt er
um svæði að stúdentar eru fluttir
inn, búið er að merkja byggingar
Keilis og verið er að leggja loka-
hönd á að breyta þeim og laga að
starfseminni. Til stendur á næstu
sex mánuðum að búa til eina
ímynd fyrir iðngarðana hjá Base
með því að mála öll húsin í sömu
litum og merkja svo fyrirtækjun-
um. Þannig fær það svæði sitt
heildaryfirbragð.
Í september verður svo opnuð
verslun og matsölustaður í hús-
næði þar sem sambærileg þjón-
usta var áður til húsa hjá hernum
og bankaútibú verður opnað innan
tíðar. Opnunartími verður snið-
inn að þörfum íbúanna.
Flugvöllurinn skapar sóknarfæri
Líf er að færast aftur í byggingarnar á Keflavíkurflugvelli. Börnin eru byrjuð í skólanum og námsmenn sitja sveittir við stærð-
fræði. Fyrstu fasteignirnar hafa verið seldar og þar byggja menn upp iðngarða. Guðrún Helga Sigurðardóttir hefur komist að því
að áherslurnar eru á flugtengda starfsemi og græna orku í tengslum við þekkingarsetur. Fyrirmyndin er Schiphol.
Menn sjá mikil tæki-
færi, jafnvel í tengsl-
um við græna orku
og umhverfismál.