Fréttablaðið - 25.08.2007, Side 70

Ég var að fatta
að mig vantar
alveg tramp-
ólín. Ég á
ekkert
trampólín.
Ekki einu
sinni svona
pínulítið
dótatramp-
ólín sem gæti
nýst mér til að
hoppa hæð mína
þegar allt annað
virðist hafa glatað tilgangi
sínum.
Það er mér fullkomlega óskilj-
anlegt hvernig mér hefur tekist
að klúðra þessu. Ég sem ætlaði
svo mikið að muna eftir þessu og
núna er ég kannski orðin of sein.
Fólk er hætt að kaupa trampólín
og byrjað að henda þeim.
Ég veit þess vegna ekki hvað ég
á að gera. Ætti ég að kaupa það
núna og setja út í garð og vera
þessi hallærislega sem er rosa
sein að fatta hvað er vinsælt? Ég
gæti líka keypt það og hent því
strax, til að geta sagt að ég hafi
átt svoleiðis en áttað mig á hvað
það væri glatað. Ætli besta lausn-
in sé samt ekki að segja bara að
ég hafi allan tímann vitað að þetta
væri ekki málið. Ég hafi ekki
keypt mér trampólín en hafi aftur
á móti keypt mér 17 manna grill
langt á undan öllum hinum. Get
sagt að ég hafi prófað trampólín í
útlöndum fyrir löngu og hafi ekki
fundist þetta neitt spennandi. En
grill, það er alveg málið.
Eftir að ég fékk mér nýja stóra
grillið hefur líf mitt breyst gríð-
arlega til batnaðar. Við getum
eldað fyrir heilan mánuð í einu og
grillið er það stórt að ég get líka
notað það sem sófa og rúm. Sex
ára sonur minn, sem hafði lengi
langað í koju, sefur svo í skápnum
undir grillinu. Lætur bara fara
vel um sig milli grilltanganna.
En viti menn, ég var akkúrat
núna að detta niður á langbestu
lausnina. Ég kaupi mér trampólín
og skelli svo grillinu ofan á það.
Ég er handviss um að það er
næsta trendið. Það er auðvitað
langbest í heimi að grilla hopp-
andi á trampólíni.