Fréttablaðið - 25.08.2007, Síða 83

Lausn er fjarri því að
vera í sjónmáli í máli Sigfúsar
Páls Sigfússonar og Fram. Sigfús
neitar enn að mæta á æfingar hjá
Fram, hann svarar ekki skilaboð-
um félagsins og hefur ekkert rætt
við forráðamenn félagsins.
Hans hugur stefnir í raðir Vals
en Fram hefur í tvígang hafnað til-
boði Hlíðarendaliðsins í leikmann-
inn og vill fá helmingi hærri upp-
hæð en Valur hefur verið tilbúinn
til að greiða. Slíkt tilboð er ekki á
leiðinni samkvæmt heimildum
Fréttablaðsins.
Valur vill að málið verði sett í
gerðardóm sem ákveði verð á leik-
manninum en það vill Fram ekki
gera en Sigfús Páll á tvö ár eftir af
samningi sínum við félagið. Málið
er nýlega komið inn á borð til HSÍ
og það staðfesti Einar Þorvarðar-
son, framkvæmdastjóri sam-
bandsins, í gær en hann vildi að
öðru leyti ekki tjá sig um málið.
Eftir því sem Fréttablaðið kemst
næst getur HSÍ ákaflega lítið gert
í málinu.
Jón Eggert Hallsson, formaður
handknattleiksdeildar Fram, sagð-
ist ekkert hafa heyrt frá Sigfúsi í
gær og málið hefði ekkert breyst
síðustu daga. Félagið ætlast til
þess að Sigfús standi við gerðan
samning og mæti á æfingar en það
hefur hann ekki gert.
„Úr því sem komið er reiknum
við ekki með honum þó svo við
gjarna vildum að hann spilaði með
okkur áfram. Við erum opnir fyrir
því að leysa málið á farsælan hátt
og erum að skoða alla möguleika
en félög hafa verið að spyrjast
fyrir um Sigfús og einhver vilja fá
hann lánaðan. Það kemur vel til
greina eins og allt annað,“ sagði
Jón Eggert.
Kemur til greina að lána Sigfús til annars félags
Áfrýjunardómstóll
Evrópska handknattleikssam-
bandsins, EHF, hefur staðfest
fyrri úrskurð í máli franska
handboltakappans Daniels
Narcisse gegn Gummersbach.
Narcisse er þar með orðinn
leikmaður franska félagsins
Chambery og fer hann þangað án
greiðslu. Gummersbach taldi sig
eiga heimtingu á greiðslu fyrir
leikmanninn en því var Narcisse
ekki sammála og því var málinu
skotið til EHF, sem nú hefur
kveðið upp endanlegan úrskurð.
Gummersbach hefur þar með
misst einn sinn besta leikmann og
það sem meira er án greiðslu.
Narcisse fer
án greiðslu
Íslenska körfu-
boltalandsliðið mætir Finnum í b-
deild Evrópukeppninnar í dag en
leikurinn fer fram í Vantaa,
útborg Helsinki. Hann hefst kl.
15.00 á íslenskum tíma og verður
í beinni útsendingu í sjónvarpinu.
Það er ljóst að um erfiðan leik
er að ræða gegn sterku finnsku
liði sem hefur unnið alla fimm
leiki sína í keppninni til þessa.
Ísland hefur aðeins unnið 3 af 29
leikjum við Finna í gegnum tíðina
og tapað öllum sex leikjunum sem
hafa farið fram í Finnlandi.
Sigrarnir eru 1981 í tvífram-
lengdum æfingaleik í Keflavík
(97-95), 1998 á Norðurlandamót-
inu í Árósum (68-65) og 2002 á
Norðurlandamótinu í Osló (92-77).
Liðin mættust tvisvar á síðasta
ári og Finnar unnu báða leikina,
81-73 í Tampere á Norðurlanda-
mótinu og svo 93-86 í Höllinni í
Evrópukeppninni.
Aðeins þrír sigr-
ar í 29 leikjum
Framarar hafa náð
samkomulagi við sterkan pólskan
leikmann sem er ætlað að leysa
það skarð sem Sigfús Páll
Sigfússonar kemur væntanlega til
með að skilja eftir sig en eins og
kemur fram hér á síðunni reikna
Framarar ekki með honum í
slaginn í vetur.
Leikmaðurinn sem um ræðir er
þrítugur Pólverji sem á að hafa
leikið yfir 70 landsleiki með
pólska landsliðinu þó svo hann sé
ekki í því um þessar mundir.
Leikmaðurinn lék í Sviss síðasta
vetur, er 190 sentimetrar á hæð
og getur leikið bæði sem skytta
og miðjumaður.
Pólverji í stað
Sigfúsar Páls