Fréttablaðið - 02.09.2007, Blaðsíða 79
Laga- og textasmiðurinn Ólafur
Sveinn Traustason hefur gefið
út sína fyrstu plötu, sem nefn-
ist einfaldlega Óli Trausta. Á
plötunni, sem kemur út á vegum
Zonet, eru tólf lög í flutningi
söngvara á borð við Pál Rósin-
kranz, Sigurjón Brink og Edgar
Smára Atlason.
„Það hefur verið langur
aðdragandi að þessu. Sum af
þessum lögum eru nokkurra
ára en sum eru tiltölulega ný,“
segir Ólafur Sveinn, sem syng-
ur sjálfur lagið „Ef það er nokk-
uð til“. „Þetta er frekar melód-
ísk poppmúsík. Flest af þessum
lögum eru frekar róleg,“ bætir
hann við.
Öll lögin eru eftir Ólaf en
nokkrir af textunum eru eftir
Magnús Þór Sigmundsson. Eitt
ljóð er eftir Davíð Stefánsson
frá Fagraskógi. Úrvalslið hljóð-
færaleikara sér um undirleik-
inn og má þar nefna Ásgeir
Óskarsson, Guðmund Péturs-
son, Gunnlaug Briem, Pétur
Hjaltested og Egil Rafnsson.
„Þetta er stór og mikill hópur
af góðu fólki, bæði þekktu og
minna þekktu. Þetta er
allt saman mjög gott fólk og
ekki yfir neinu að kvarta,“
segir Ólafur.
Camille Cerio, fyrrverandi
umboðsmaður leikarans Matt
LeBlanc, hefur höfðað mál gegn
honum. Segir hún að leikarinn
skuldi sér að minnsta kosti
rúmar sextíu milljónir króna.
Camille segir að í bréfi til sín
hafi leikarinnn samþykkt að
borga henni 15% af þeim tekjum
sem hann fengi fyrir leik sinn í
framhaldsþættinum Friends
Like Us.
Síðar meir breyttist nafn þátt-
arins í Friends og varð hann
gríðarlega vinsæll um heim
allan. Að sögn Camille hætti hún
að fá greiðslur frá LeBlanc
árið 2000 og því skuldar hann
henni stórar fjárhæðir, bæði
fyrir þátttöku sína í Friends og
þættinum Joey.
Höfðar mál gegn „Joey“
Bandaríski glímukappinn Hulk Hogan hefur ráðið
lögfræðinginn J. Kevin Hayslett til þess að verja son
sinn Nick en hann á að mæta fyrir rétt 10. september
næstkomandi. Nick er gefið að sök að hafa farið í
kappakstur á hraðbraut í Flórída með þeim afleiðing-
um að hann missti stjórn á bílnum og klessti á
pálmatré. Nick var fluttur á nærliggjandi sjúkrahús
eftir áreksturinn ásamt farþega sínum, John Grazia-
no, sem sneri aftur til heimalandsins á síðasta ári eftir
að hafa starfað fyrir bandaríska herinn í Írak. Sá
fyrrnefndi var útskrifaður skömmu síðar en Graziano
liggur enn alvarlega slasaður á sjúkrahúsinu.
Lögregluyfirvöld í Flórída hafa lýst því yfir að
hraðakstur hafi valdið slysinu. Þetta er þó ekki í
fyrsta skipti sem Nick ekur hraðar en lögin leyfa því
hann hefur verið tekinn fjórum sinnum fyrir ofsaakst-
ur síðan hann fékk bílpróf fyrir tveimur árum síðan.
Hulk ræður lögfræðing fyrir soninn