Fréttablaðið - 02.09.2007, Blaðsíða 80

Ferðaskrifstofa
Leyfishafi
Ferðamálastofu
Dauðfeginn að vera laus frá félaginu
1. deildin:
Adolf Sveinsson sá til
þess að Þróttur komst á topp 1.
deildarinnar þegar hann skoraði
tvö mörk fyrir Þróttara undir lok
stórleiks Þróttar og Grindavíkur á
Valbjarnarvelli. Þróttur er með
tveggja stiga forskot á toppi
deildarinnar og komið með annan
fótinn upp í úrvalsdeild.
„Þetta er nákvæmlega það sem
ég átti að gera. Þetta var alveg
hrikalega ljúft og ekki verra að
vera komnir á toppinn,“ sagði
kampakátur Adolf Sveinsson við
Fréttablaðið eftir leikinn en fyrra
mark hans kom á 90. mínútu
leiksins en síðara þegar tæpar
fjórar mínútur voru komnar fram
yfir venjulegan leiktíma. „Mér
fannst við vera betra liðið í leiknum
og vildum kannski sigurinn meira.
Við vildum heldur ekki láta stöðva
þessa sigurhrinu okkar.“
Aðstæður voru ekkert til að
hrópa húrra fyrir í gær, völlurinn
var blautur og þungur og það
hellirigndi nánast allan leikinn.
Leikurinn var ákaflega tíðindalítill
framan af. Grindvíkingar voru
mun sterkari, spiluðu vel upp
völlinn en gekk ákaflega illa að
brjóta niður sterka vörn heima-
manna. Þróttararnir sköpuðu
heldur ekki neitt enda var sóknar-
leikurinn í molum hjá þeim en það
var helst Magnús Lúðvíksson sem
ógnaðí með ágætum rispum.
Markahæsti leikmaður deildar-
innar, Hjörtur Hjartarson, sást
ekki allan leikinn enda var hann í
strangri gæslu hjá þeim Óla
Stefáni og Eysteini Húna.
Það hafði nánast ekki færi litið
dagsins ljós þegar Þróttarinn
Birkir Pálsson braut á Andra
Steini Birgissyni. Erlendur Eiríks-
son gat ekki annað en dæmt víti og
úr því skoraði Paul McShane
örugglega. Markinu fylgdi nýtt líf
og leikmenn beggja liða færðust
allir í aukana.
Þrótturum gekk sem fyrr lítið
að opna vörn Grindvíkinga en það
var frábært einstaklingsframtak
hjá Magnúsi sem skilaði jöfnunar-
marki. Magnús sólaði Jósef Jósefs-
son upp úr skónum og lagði boltann
svo glæsilega í hornið. Frábært
mark.
Það var síðan títtnefndur Adolf
sem kom Þrótti yfir á 90. mínútu
þegar Þróttarar nýttu sér mistök
Óskars markvarðar til fulls og
Adolf skoraði af stuttu færi.
Grindvíkingar gáfu allt til að jafna
á kostnað varnarinnar og Adolf
skoraði aftur eftir að hafa fengið
stungusendingu frá Hirti.
„Við vorum betri í fyrri en þeir í
seinni. Mér fannst jafntefli sann-
gjörn niðurstaða en að slíku er
ekki spurt. Við vorum í vandræðum
með að opna vörnina þeirra. Við
hættum samt að spila eftir
jöfnunarmarkið og það var sárt að
horfa á eftir stigunum,“ sagði
Milan Stefán Jakovic, þjálfari
Grindavíkur.
Varamaðurinn Adolf Sveinsson tryggði Þrótti 3-1 sigur á Grindavík í toppslag efstu liðanna í 1. deild.
Þróttur er þar með kominn á topp deildarinnar. Þetta var níundi sigurleikur liðsins í röð í deildinni.
Íslenska kvenna-
landsliðið á ekki lengur möguleika
á að vinna riðilinn sinn í B-deild
Evrópukeppninnar eftir 52-73 tap
á móti Hollandi á Ásvöllum í gær
en sigurvegarinn í riðlinum fer í
umspil um sæti meðal A-þjóða.
Íslenska liðið byrjaði leikinn illa
og lenti strax 4-18 undir og eftir
það var á brattann að sækja.
Holland var 16 stigum yfir í hálf-
leik, 20-36, en munurinn var
kominn niður í 13 stig, 36-49, fyrir
lokaleikhlutann.
Hollenska liðið er á leiðinni upp
í A-deild ef marka má leikinn í
gær en liðið hefur unnið alla fjóra
leiki sína til þessa. Þjálfarinn
Meindert van Veen er samt ekki
ánægður með frammistöðu sinna
stelpna þrátt fyrir öruggan sigur.
„Við þurfum að spila miklu betur
ef við ætlum að komast upp í A-
deildina. Við náðum góðu forskoti
í byrjun og síðan var erfitt fyrir
mitt lið að halda einbeitingunni.
Ég er mjög ósáttur með hvernig
mitt lið leysti svæðisvörnina.
Íslenska liðið var betra í fyrra,
liðið er yngra og reynsluminna og
það lítur út fyrir að það sé verið að
byggja upp nýtt lið,“ sagði van
Veen eftir leikinn.
Íslenska liðið keppir nú um
annað sætið við Norðmenn og Íra
en til þess að það komi í hús þarf
liðið að vinna bæði lið á útivelli
næstu tvær helgar.
„Þetta var allt of stórt tap. Við
vorum bara svo lengi í gang, skotin
duttu ekki og þær tóku of mörg
sóknarfráköst. Ég fer samt ekkert
ofan af því að við erum ekki með
lélegra lið því það er svo margt
hjá okkur sem þarf að slípa. Sóknin
gengur ekki nægilega vel og það
er aðallega vegna þess að við erum
ekki að spila æfingaleiki. Við erum
ekki komnar eins langt í ferlinum
eins og þær,“ sagði Guðjón Skúla-
son landsliðsþjálfari. „Ég er
ánægður með baráttuna en ég er
ekki ánægður með varnar-
fráköstin. Sóknin getur líka verið
miklu betri,“ sagði Guðjón en
hvernig lítur hann á tvo síðustu
leikina? „Við ætlum að vinna tvo
síðustu leikina. Stelpurnar voru
flengdar af Noregi hérna heima
og við ætlum að fara í þann leik og
taka með okkur þá reynslu og
vonandi náum við að nýta þessa
viku vel,“ sagði Guðjón að lokum.
Stig Íslands: Helena Sverrisdóttir
12 (4 stoðs.), Hildur Sigurðardóttir
11 (9 þeirra í seinni hálfleik), Signý
Hermannsdóttir 9 (8 fráköst, 4
stolnir), Svava Ósk Stefánsdóttir 6
(3 stoðs.), Bryndís Guðmundsdóttir
5, Pálína Gunnlaugsdóttir 4 (öll
stig Íslands á fyrstu 8 mínútunum),
Petrúnella Skúladóttir 3, Margrét
Kara Sturludóttir 2 (6 fráköst á 13
mín.).
A-deildin úr sögunni hjá stelpunum
Kvennalið KR varð fyrir
miklu áfalli á föstudag þegar
landsliðskonan Katrín Ómars-
dóttir ökklabrotnaði. Frá þessu er
greint á fótbolti.net.
Katrín spilar því ekki meira í
sumar en þetta er mikil blóðtaka
fyrir KR.
Katrín úr leik