Fréttablaðið - 14.10.2007, Blaðsíða 24

8 sport
NÝ GULLÖLD Í VÆNDUM Á HL
G
U
L
L
A
L
D
A
R
Á
R
IN
1
97
6-
19
87
20 ára bið Vals-
manna eftir
Íslandsmeistaratitli
karla í knattspyrnu
tók enda í lok
síðasta mánaðar
þegar 1-0 sigur á
HK í lokaumferð
Landsbankadeildar-
innar var í höfn. Sigurbjörn Hreiðars-
son, leikmaður Vals til 14 ára og fyrirliði
síðustu fimm ára, lyfti bikarnum hátt á
loft og Þorgrímur Þráinsson, sem hafði
staðið í nákvæmlega sömu spörum
tveimur áratugum fyrr, fylgdist með –
dreyminn á svip. Það gerðu Grímur
Sæmundsen og Guðmundur Þorbjörns-
son, fyrirliðar Íslandsmeistaraliðs Vals
1985 og 1980, sömuleiðis. „Vissulega
vakti þessi stund upp gamlar minningar.
Það er með ólíkindum að hugsa til þess að
það séu svö mörg ár liðin frá því að við
fögnuðum titlinum sem leikmenn. Það er
ennþá eins og þetta hafi gerst í gær,“
segir Grímur, sem nú er formaður Vals.
LIÐIÐ 1976 VAR FLOTTAST
Tímabilið sem Grímur vitnar til nær frá
1976 til 1987, þegar Valur hafði á að skipa
einhverjum öflugasta kjarna knatt-
spyrnumanna sem nokkurn tíma hefur
spilað saman á Íslandi. Auk Guðmundar
og Gríms samanstóð þessi kjarni af
leikmönnum á borð við Atla Eðvaldsson,
Hermann Gunnarsson, Inga Björn
Albertsson, og síðar Þorgrím, Sævar
Jónsson og Guðna Bergsson – svo
einhverjir séu upptaldir.
Titillinn 1976 var fyrsti sigur Vals í
þessari 11 ára lotu, þar sem Hlíðarenda-
félagið var lið númer eitt á landsvísu –
liðið sem aðrir óttuðust. „Fyrir mér er
titillinn 1976 sá eftirminnilegasti því þá
unnum við tvöfalt. Það var ekki leiðinlegt
að ná þeim áfanga svo snemma á
ferlinum,“ segir Guðmundur, sem þá
skoraði 11 mörk á Íslandsmótinu – aðeins
19 ára gamall.
Þorgrímur kom inn í Valsliðið árið
1979, ári eftir að liðið náði besta árangri
sem náðst hefur frá upphafi í efstu deild.
Sumarið ´78 tapaði Valsliðið einu stigi og
hefur það lið gjarnan verið nefnt það
sterkasta í sögunni. „Þetta var ótrúlegur
hópur sem ég gekk inn í,“ segir Þor-
grímur. „Hún lifir sterkt í minningunni,
tilfinningin þegar ég hljóp inn á völlinn,
leit í kringum mig og sá þessa stráka sem
voru með mér í liði. Þá hugsaði maður:
Það er ekki séns að við töpum þessum
leik,“ útskýrir Þorgrímur og brosir.
„Þessi tilfinning lifði ár eftir ár – við
fórum inn á völlinn sem sigurvegarar. Og
þetta var æðisleg tilfinning,“ bætir hann
við.
Guðmundur tekur undir en segir að
´76-liðið hafi alls ekki verið síðra en ´78-
liðið. „Þó að við höfum ekki fengið
jafnmörg stig þá og 1978 var liðið svo
ofsalega vel spilandi. Frábært fótbolta-
lið,“ segir Guðmundur. „Það var svona
Arsenal-fílingur yfir því liði,“ bætir
Grímur við glottandi.
SIGURBJÖRN FYLGDIST VEL MEÐ
Á þessum árum var Sigurbjörn, fæddur
árið 1975 á Dalvík, að stíga sín fyrstu
skref - í b
leið og ha
að bera ta
hefur haf
um að far
flutti í bæ
„Ég m
vann titla
Guðmundur, Þorgrímur og Grímur rifjuðu upp gamlar sögur úr búningsklefanum frá því á gullaldarárunum og Sigurbjörn, núverandi fyrirliði Íslandsmeistara Vals, lagði við h
kjarnann í einhverju alsterkasta liði sem stillt hefur verið upp á Íslandsmóti í fótbolta hér á landi. Sigurbjörn er hluti af kjarnanum í núverandi liði Valsmanna.
Guðmundur Þorbjörnsson er verkfræðingur, Grímur Sæmundsen er læknir, Þorgrímur Þráinsson er rithöfundur og Sigurbjörn Hre
legt að vera Valsarar í húð og hár, sem upplifað hafa sinn æðsta draum – að lyfta Íslandsmeistarabikarnum á loft, klæddir rauðu treyju
Guðjónsson ræddi við fjórmenningana um fortíð og framtíð knattspyrnuliðs Vals.
976
Valur hafði á stórkostlegu liði að skipa
þetta tímabil og leiddi Íslandsmótið
frá því í 3. umferð. Í liðinu voru
nánast eintómir landsliðsmenn sem
spiluðu frábæran fótbolta sín á milli.
Liðið hlaut alls 25 stig, einu meira
en Framarar sem urðu í 2. sæti. Liðið
skoraði langflest mörk, 45 talsins, en
fékk um leið fæst mörk á sig, aðeins
14.
Þjálfari: Júrí Ilitchev
Fyrirliði: Ingi Björn Albertsson
Markahæstir:
Ingi Björn Albertsson 16
Hermann Gunnarsson 11
Guðmundur Þorbjörnsson 11
1978
Valsmenn unnu Íslandsmeistatitil-
inn með fádæma yfirburðum þetta
sumarið. Liðið vann fyrstu 16 leiki sína
á tímabilinu og endaði á því að tapa
aðeins einu stigi í alls 18 leikjum, sem
er besti árangur sem náðst hefur í
sögu efstu deildar hér á landi. Þetta
lið hefur gjarnan verið nefnt sem það
sterkasta frá upphafi á Íslandi.
Þjálfari: Gyula Nemes
Fyrirliði: Ingi Björn Albertsson
Markahæstir:
Ingi Björn Albertsson 15
Atli Eðvaldsson 10
Guðmundur Þorbjörnsson 8
1980
Nokkur endurnýjun átti sér stað
hjá Valsliðinu fyrir sumarið 1980 en
þrátt fyrir það voru miklar væntingar
gerðar til liðsins. Leikmenn stóðust
þær væntingar og stóðu uppi sem
sigurvegarar í mótslok. Valur hlaut 28
stig, þremur stigum meira en Fram
sem varð í öðru sæti. Enn á ný skoraði
Valur flest mörk allra liða í deildinni og
fékk um leið fæst á sig.
Þjálfari: Volker Hofferbert
Fyrirliði: Guðmundur Þorbjörnsson
Markahæstur:
Matthías Hallgrímsson 15
1985
Valur hafði lent í 2. sæti sumarið áður
og eftir nokkur mögur ár eftir titilinn
1980 var ekkert annað en sigur í
deildinni talið viðunandi árangur.
Liðið byrjaði illa og var í neðri hluta
deildarinnar eftir fyrsta þriðjunginn.
En 23 stig af 26 mögulegum í síðustu
13 leikjunum gerðu það að verkum að
liðið trónaði á toppnum í lok sumars.
Gríðarlega öflugur varnarleikur lagði
grunninn að titlinum, en liðið fékk
aðeins á sig 12 mörk allt sumarið.
Þjálfari: Ian Ross
Fyrirliði: Grímur Sæmundsen
Markahæstur:
Guðmundur Þorbjörnsson 12
1987
Flestir bjuggust við öruggum sigri
Valsmanna á Íslandsmótinu þetta ár
og sú átti eftir að verða raunin. Liðið
tapaði aðeins einum leik, gerði sjö
jafntefli og vann 10 leiki. Þegar upp
var staðið munaði fimm stigum á Val
og erkifjendunum í Fram, sem enn á
ný þurftu að gera sér 2. sætið að góðu.
Vörn liðsins var frábær allt sumarið
og fékk liðið aðeins á sig 10 mörk í
leikjunum 18.
Þjálfari: Ian Ross
Fyrirliði: Grímur Sæmundsen
Markahæstur:
Guðmundur Þorbjörnsson 12