Fréttablaðið - 23.01.2008, Blaðsíða 20

MARKAÐURINN 23. JANÚAR 2008 MIÐVIKUDAGUR12
A T V I N N U L Í F I Ð
Björgvin Guðmundsson
skrifar
„Það hefur verið mjög öflug
vöruþróun í tengslum við fram-
leiðslu á alifuglakjöti,“ segir
Jón Magnús Jónsson, bústjóri
á alifuglabúinu að Reykjum í
Mosfellsbæ.
Í fyrra jókst framleiðsla á
kjöti um sjö prósent og nam alls
26.864 tonnum samkvæmt upp-
lýsingum frá Bændasamtök-
um Íslands. Mest jókst fram-
leiðsla á alifuglakjöti, um 14,2
prósent, og rúmlega ellefu pró-
sent á hrossa- og nautgripakjöti.
Framleiðsla svínakjöts jókst um
sex prósent en kindakjötsfram-
leiðsla var óbreytt milli ára.
Jón Magnús segir mikla
framþróun hafa verið síðustu
ár í framleiðslu á kjúklinga-
kjöti sem er tilbúið til neyslu.
Einnig hafi sala á kjúklingaá-
leggi aukist. Kjúklingakjöt sé
mjög vinsælt hjá ungu fólki
sem er að byrja að búa. Það sé
samkeppnishæft í verði, fitulít-
ið og hægt að matreiða á fjöl-
breyttan hátt.
Heildarsala á kjöti jókst um
6,3 prósent í fyrra. Mest seld-
ist af alifuglakjöti og er það í
fyrsta skipti sem meiri sala er
á annarri kjöttegund en kinda-
kjöti á ársgrundvelli.
Jón Magnús segir meira jafn-
vægi á alifuglamarkaðnum en
áður. Stórir bankar hafa að
mestu komið sér út úr rekstr-
inum, sem sé jákvætt fyrir þá
sem eftir standa. Vissulega sé
samkeppnin hörð og verð mætti
vera hærra að hans mati en þró-
unin sé í rétta átt. Nýjum neyt-
endum fjölgar og búin eru laus
við stór áföll.
Í alþjóðlegum samanburði
segir Jón Magnús að íslensk-
ir framleiðendur standi sig vel.
Þeir noti betra og dýrara fóður
en margir erlendir framleiðend-
ur svo kjötið verður betra. Eins
er íslensk framleiðsla laus við
öll vaxtaaukandi efni. Þróunin
í Evrópu sé í þá átt að minnka
notkun þessara efna en Banda-
ríkjamenn noti enn þá slíkar að-
ferðir við sína framleiðslu. - bg
Alifuglakjöt selst
meira en lambakjöt
Kjötsala jókst um sex prósent í fyrra. Mest seldist af ali-
fuglakjöti. Lambakjötið hefur misst efsta sætið í fyrsta sinn.
METFRAMLEIÐSLA Á KJÚKLINGAKJÖTI Sala á alifuglakjöti var í fyrsta skipti í fyrra meiri en sala á lambakjöti. FRÉTTABLAÐIÐ/HARI
Stjórnendur fyrirtækja í rækjuvinnslu
segja verð fyrir rækjuna enn þá lágt á
heimsmarkaði. Það sé þó að hífast upp
hægt og rólega. Hins vegar setji hátt olíu-
verð stórt strik í reikninginn því dýrt sé að
toga veiðarfæri fyrir rækjuna. Það svari
varla kostnaði að sækja það litla sem má
á Íslandsmið. Því er mest af þeirri rækju
sem unnin er hér á landi keypt frosin af
erlendum útgerðum. Hún er þýdd, pilluð,
pökkuð og send aftur út.
Þröstur Friðfinnsson hjá Dögun á Sauð-
árkróki segir að verð á rækju hafi náð
botninum árið 2006. Á síðasta ári hafi
þetta svo heldur hækkað en vel verði
að halda utan um reksturinn svo dæmið
gangi upp. Þá skipti lykilmáli að vera með
hagkvæma vinnslu og afkastamikla og
hafa aðgang að hráefni.
Ástæðan fyrir lágu verði segir Þröst-
ur hafa verið mikið framboð frá Kanada,
sem fór á fullt í rækjuvinnslu árið 2000.
Frá þeim tíma hafi verið offramboð á pill-
aðri rækju. Þá sé framboð á eldisrækju
frá Asíu og Suður-Ameríku vaxandi.
Nú eru einungis fimm rækjuvinnslur
starfandi á Íslandi af einhverri alvöru.
Það er á Sauðárkróki, Ísafirði, Bolungar-
vík, Hólmavík og Grundarfirði.
Jón Guðbjartsson, sem stendur ásamt
fleirum að rekstri Kampa á Ísafirði, segir
verðið á rækjunni verða að fara upp í ár
svo útgerðir geti mætt hækkandi olíu-
verði og staðið jafnfætis og í fyrra. Verð-
ið hefur verið að stíga síðustu mánuði og
fari vonandi áfram upp. Þau séu ekki í
þessu til að græða peninga heldur til að
lifa.
Hann segir ekki gróðavænlegt að gera
skip út á rækju þessi misserin. Í fyrra var
í fyrsta skipti veitt undir þúsund tonn-
um af rækju við Íslandsstrendur. Á yfir-
standandi fiskveiðiári var rækjukvótinn
aukinn til að mæta niðurskurði á þorsk-
kvóta í um sjö þúsund tonn. Jón segir
að sjávarútvegsráðherra hefði hæglega
getað leyft veiðar á tuttugu þúsund tonn-
um. Þeir sem áður veiddu bolfisk munu
líklega reyna við rækjuna til að nýta skip
og mannskap. - bg
Verð á rækju á uppleið
ERLEND RÆKJA PILLUÐ Meirihlutinn af allri rækju sem unnin er á Íslandi er keypt af erlendum útgerðum.
„Við vildum rækta viðskipta-
sambönd okkar milliliðalaus og
því stofnuðum við dótturfélag í
Færeyjum,“ segir Baldur Þor-
geirsson, framkvæmdastjóri
innlendrar starfsemi Kvosar.
Eignarhaldsfélagið Kvos,
sem meðal annars á prent-
smiðjuna Odda og Kassagerð-
ina hefur stofnað dótturfyrir-
tæki í Færeyjum til að halda
utan um sölustarfsemi félags-
ins þar. Fyrirtækið hefur feng-
ið nafnið Kassagerðin Føroyar
P/F og er ætlað að styrkja stöðu
Kassagerðarinnar í Færeyjum.
Baldur segir miklar hræring-
ar hafa verið á umbúðamark-
aði í Færeyjum að undanförnu.
Það fyrirtæki sem sá um sölu
Kassagerðarinnar þar í landi
hafi sameinast öðru. Því hafi
stjórnendur Kvosar viljað taka
sölu og markaðssetningu í eigin
hendur.
Helstu kaupendur umbúða í
Færeyjum eru fyrirtæki tengd
sjávarútveginum. Baldur segir
Kassagerðina framleiða um-
búðir úr bylgjupappa, eina fyr-
irtækið á Íslandi. Einnig séu
þau með í sölu innri og ytra
byrði í öskjum. Mest sé selt til
sjávarútvegsfyrirtækja en líka
til fyrirtækja í lyfja- og mat-
vælaiðnaði.
Baldur segir margt hafa
breyst á þessum markaði undan-
farin ár. Áherslan á eigin fram-
leiðslu hafi minnkað á kostn-
að innflutnings. Hér heima sé
framleitt það sem hagkvæmt
þykir að flytja ekki inn. Hvað
varðar framleiðslu úr bylgju-
pappa hafi Kvos sérstöðu.
Hann segir reksturinn ganga
þokkalega. Í Færeyjum starfi
tveir á vegum fyrirtækisins en
um áttatíu manns starfi við um-
búðarhlutann á Íslandi.
Kvos er alþjóðlegt eignar-
halds- og fjárfestingarfélag í
prentiðnaði og skyldum rekstri
og rekur meðal annars Odda á
Íslandi. Kvos á 10 dótturfélög
á Íslandi, í Bandaríkjunum og
Evrópu og hjá því starfa rúm-
lega 1.300 starfsmenn. - bg
Aðstæður í
Færeyjum breyttust
STÓRIR Í SJÁVARÚTVEGI Kvos framleiðir mikið af umbúðum fyrir sjávarútveginn,
bæði innri og ytra byrði á öskjum sem afurðum er pakkað í áður en þær eru sendar á
erlenda markaði. FRÉTTABLAÐIÐ/HARI
S J Á V A R Ú T V E G U R
O R K A & I Ð N A Ð U R L A N D B Ú N A Ð U R
FR
ÉTTA
B
LA
Ð
IÐ
/H
Ö
R
Ð
U
R