Fréttablaðið - 03.02.2008, Blaðsíða 6

6 3. febrúar 2008 SUNNUDAGUR
LAUGAVEGI 91
VERÐHRUN
...á fatnaði, skóm og fylgihlutum
fimmtudag, föstudag og laugardag
GÖTUMARKAÐUR
laugavegi 91
í dag sunnud , kl. 13-18
275,-
Rjómabolla
& heitur drykkur
©
Int
er
IK
EA
Sy
ste
m
s B
.V
. 2
00
8
Atlantskaup ehf. Bæjarflöt 6,112 Reykjavík S: 533 3700
Upplýsingar á www.atlantskaup.is
STIGAR OG HANDRIÐ ÚR GLERI OG STÁLI
ÚTI SEM INNI
STJÓRNMÁL Í Brussel er nú spurt
hvort stefnubreytinga í Evrópu-
málum sé að vænta af hálfu
Íslands. Ástæðan er endurteknar
yfirlýsingar samfylkingarfólks
um að hagsmunum Íslands væri
betur borgið innan Evrópusam-
bandsins en utan. Þetta segir
Bjarni Benediktsson, þingmaður
Sjálfstæðisflokksins og formaður
utanríkismálanefndar Alþingis.
„Stanslaust tal Samfylkingarinnar
um að aðild væri betri kostur er
farið að skjóta rótum
í Brussel þar sem
menn spyrja hvort
stefnubreytinga sé
að vænta. Það finnst
mér ekki sniðugt,“
segir Bjarni sem
kveður mikilvægt að
Íslendingar séu trú-
verðugir í umræðum
um Evrópumál.
Hann telur mikil-
vægara að halda
fram þeirri skýru
stefnu Íslands að
byggja Evrópusam-
starfið á samningn-
um um Evrópska
efnahagssvæðið
heldur en að fram
fari „opin og fordómalaus umræða
um Evrópumál,“ líkt og samfylk-
ingarmenn hafi ítrekað sagt. „Slík
umræða fer fram og hana hindrar
enginn,“ segir Bjarni.
Árni Páll Árnason, þingmaður
Samfylkingarinnar og varafor-
maður utanríkismálanefndar,
segir stefnu ríkisstjórnarinnar
ljósa en jafnframt sé ljóst að
stjórnarflokkarnir hafi ólíka
stefnu í Evrópumálum. Samfylk-
ingin telji einfaldlega að Íslandi
væri betur borgið innan ESB en
um leið virði flokkurinn stjórnar-
sáttmálann þar sem ekki sé gert
ráð fyrir aðild á kjörtímabilinu.
Árni Páll deilir ekki áhyggjum
með Bjarna Benediktssyni um að
yfirlýsingar samfylkingarfólks
séu til sérstaks trafala í Brussel
en kveðst engu að síður vita að þar
sé fylgst grannt með umræðum á
Íslandi. „Þó ég viðurkenni áhrifa-
mátt Samfylkingarinnar tala
margir aðrir um Evrópumál og
Evrópusambandið. Við skulum
ekki gleyma hvernig utanríkisráð-
herrar Framsóknarflokksins hafa
talað á undanförnum árum og
hvernig talað er innan Samtaka
atvinnulífsins,“ segir Árni Páll.
Eftir því sé tekið ytra.
Aukinheldur bendir Árni Páll á
að svipuð staða sé uppi í Noregi
þar sem forsætisráðherrann og
flokkur hans, Verkamannaflokk-
urinn, vilji ganga í Evrópusam-
bandið en slíkt sé ekki stefna rík-
isstjórnarinnar vegna andstöðu
samstarfsflokka.
bjorn@frettabladid.is
Telur Samfylkinguna
skapa óvissu í Brussel
Bjarni Benediktsson segir endurteknar yfirlýsingar samfylkingarfólks um
Evrópumál vekja efasemdir á alþjóðavettvangi um stefnu Íslands í málaflokkn-
um. Árni Páll Árnason segir sjónarmið stjórnarflokkanna einfaldlega ólík.
BJARNI BENE-
DIKTSSON
ÁRNI PÁLL
ÁRNASON
DÓMSMÁL Hæstiréttur hefur stað-
fest fimm ára fangelsisdóm yfir
Jóni Péturssyni fyrir nauðgun,
frelsissviptingu og líkamsárás.
Jón, sem er á sextugsaldri, hélt
þáverandi sambýliskonu sinni
nauðugri í íbúð þeirra í tæpan sól-
arhring í desember 2006. Hann
barði hana ítrekað, meðal annars
með krepptum hnefa, kjötexi og
búrhníf, og nauðgaði henni.
Fyrir dómi kvað verjandi Jóns
hann vera ósakhæfan, og því ætti
að sýkna hann. Hann hefði lent í
slysi árið 1999 sem leiddi til fram-
heilaskaða, og vegna þess hefði
hann ekki getað stjórnað gerðum
sínum daginn sem brotin voru
framin. Tveir sérfræðingar voru
dómkvaddir til að meta hvort Jón
hefði orðið fyrir framheilaskaða,
og hvort það hefði áhrif á sakhæfi
hans. Þeir fundu engin merki um
slíkan skaða, og töldu uppsöfnuð
áhrif af langvarandi áfengis-
neyslu líklegri skýringu á hegðun
hans.
Sýknukröfu Jóns var því hafnað
fyrir Hæstarétti. Fimm ára fang-
elsisdómur, sem féll í Héraðsdómi
Reykjavíkur í júní í fyrra, var
staðfestur. Hann skal einnig
greiða konunni eina og hálfa millj-
ón í skaðabætur með vöxtum, og
allan málskostnað. - sþs
Hæstiréttur staðfestir dóm Héraðsdóms Reykjavíkur yfir Jóni Péturssyni:
Fimm ár fyrir nauðgun og barsmíðar
DÆMDUR ÁÐUR FYRIR SVIPAÐ BROT
■ Jón var dæmdur í fimm ára fangelsi
í október 2006 fyrir sambærilegt
brot.
■ Hann hélt þáverandi sambýliskonu
sinni nauðugri í íbúð þeirra í hálfan
sólarhring í febrúar 2006, barði
hana ítrekað og nauðgaði henni
þrisvar.
■ Hann beið þess að dómur í málinu
félli í Hæstarétti þegar hann framdi
síðari brotin.
■ Hann hóf afplánun fyrir fyrri brotin
í apríl á síðasta ári, og er á Litla-
Hrauni í dag.
OPINSKÁ UMRÆÐA UM EVRÓPUMÁL
Úr stefnuyfirlýsingu ríkisstjórnarinnar:
Ríki Evrópusambandsins eru mikilvægasta markaðssvæði Íslands. Samning-
urinn um Evrópska efnahagssvæðið (EES) hefur reynst þjóðinni vel og hann
er ein af grunnstoðum öflugs efnahagslífs þjóðarinnar. Skýrsla Evrópunefnd-
ar verði grundvöllur nánari athugunar á því hvernig hagsmunum Íslendinga
verði í framtíðinni best borgið gagnvart Evrópusambandinu. Komið verði
á fót föstum samráðsvettvangi stjórnmálaflokka á Alþingi sem fylgist með
þróun mála í Evrópu og leggi mat á breytingar út frá hagsmunum Íslend-
inga. Nefndin hafi samráð við innlenda sérfræðinga og hagsmunaaðila eftir
þörfum.
ATKVÆÐI GREIDD Bjarni Benediktsson telur yfirlýsingar samfylkingarfólks um Evr-
ópumál óvarlegar enda veki þær óþarfa vangaveltur í Brussel. Árni Páll Árnason
telur áhyggjur Bjarna óþarfar.
FJARSKIPTI Símafyrirtækið Nova
hyggst bjóða nýjum viðskiptavin-
um sínum með 3G farsíma, fría
notkun upp að tvö þúsund krónum
á mánuði í eitt ár.
Auk þess verður frítt fyrir alla
viðskiptavini Nova að nota netið í
farsímanum til 1.júní 2008.
„Það er kominn tími á virka
samkeppni á farsímamarkaði,”
segir Liv Bergþórsdóttir fram-
kvæmdastjóri Nova, í tilkynningu
frá félaginu.
Samkvæmt tilkynningunni gæti
notandi 3G farsíma greitt allt að
24 þúsund krónum minna fyrir
farsímanotkun á ári.
-rt
Nýjungar hjá Nova:
Frí notkun að
2.000 krónum
Ert þú farin(n) að skipuleggja
sumarfríið?
Já 40%
Nei 60%
SPURNING DAGSINS Í DAG:
Ert þú bjartsýn(n) á efnahags-
horfur á Íslandi?
Segðu skoðun þína á visir.is.
TSJAD, AP Uppreisnarmenn í Afríkuríkinu Tsjad náðu
í gær valdi á höfuðborg landsins, N‘djamena, eftir
blóðug átök við stjórnarherinn. Uppreisnarmennirn-
ir umkringdu konungshöllina þar sem forseti
landsins, Idriss Deby Itno, var innandyra.
Heyra mátti mikinn vopnagný víðsvegar í
borginni fram eftir degi eftir að þúsundir uppreisn-
armanna réðust til atlögu gegn hermönnum stjórnar-
hersins.
Þeir náðu völdum eftir að hafa umkringt konungs-
höllina. Abakar Tollimi, talsmaður uppreisnarmann-
anna, sagði í samtali við fréttastofur að Deby
forseta væri frjálst að yfirgefa höllina ef hann
óskaði þess. Það hafði hann hins vegar ekki gert í
gærkvöldi.
Frakkar og Bandaríkjamenn skipuðu ríkisborgur-
um sínum að halda til tiltekinna hluta N‘djamena og
búa sig undir að fara úr landi hið fyrsta. Síðar um
daginn drógu Frakkar tilskipunina til baka og
vöruðu þegna sína við að fara úr húsi.
Þá lýsti Afríkuráðið yfir miklum áhyggjum af
þróun mála í landinu. Til stóð að friðargæsluliðar
frá Evrópusambandinu færu til Tsjad á næstu
dögum og freistuðu þess að að hemja átökin, sem
orsakast að einhverju leyti af átökunum í Darfur-
héraði í nágrannaríkinu Súdan. - sh
Uppreisnarmenn umkringdu í gær konungshöllina í höfuðborg Tsjad og forsetann:
N‘djamena á valdi uppreisnarmanna
FORSETINN Idriss Deby Itno, forseti Tsjad, veifar til stuðnings-
manna sinna eftir síðustu kosningar í landinu. FRÉTTABLAÐIÐ / AP
KJÖRKASSINN