Fréttablaðið - 03.02.2008, Blaðsíða 81
SUNNUDAGUR 3. febrúar 2008 25
FÓTBOLTI Íslenska landsliðið hóf
keppni á fjögurra liða æfinga-
móti á Möltu í gær. Fyrsti and-
stæðingurinn var Hvíta-Rússland
en keppt var á þjóðar leikvangi
Maltverja, Ta Qali.
Þar sem gærdagurinn var ekki
alþjóðlegur leikdagur stillti Ólaf-
ur Jóhannesson landsliðsþjálfari
upp frekar óreyndu liði þar sem
uppistaðan var leikmenn úr
Landsbankadeildinni. Eftir því
sem fram kemur á heimasíðu
Knattspyrnusambands Íslands,
ksi.is, hafi Hvít-Rússar komist
yfir á 32. mínútu með sínu fyrsta
skoti á markið.
Rússarnir komust í 2-0 eftir
aðeins tvær mínútur í síðari hálf-
leik. Það mark var þrumufleyg-
ur af 30 metra færi. Ísland
mætir Möltu á morgun. Ekki
tókst að ná í Ólaf Jóhannesson
landsliðsþjálfara í gær þrátt
fyrir ítrekaðar tilraunir.
- hbg
Knattspyrnulandsliðið keppir á Möltu:
Tveggja marka tap
gegn Hvít-Rússum
0-2 Ólafur Jóhannesson stýrði íslenska landsliðinu öðru sinni í gær og aftur mátti
íslenska liðið sætta sig við tap. FRÉTTABLAÐIÐ/MARTIN SYLVEST
BYRJUNARLIÐ ÍSLANDS
Svona stillti Ólafur Jóhannesson
upp liðinu gegn Hvít-Rússum í gær.
Markvörður: Stefán Logi Magnússon
H. bakvörður: Birkir Már Sævarsson
V. bakvörður: Bjarni Ólafur Eiríksson
Miðvörður: Bjarni Guðjónsson
Miðvörður: Atli Sveinn Þórarinsson
Miðjumaður: Aron Einar Gunnarsson
Miðjumaður: Stefán Gíslason
Miðjumaður: Bjarni Þór Viðarsson
H. kantur: Theodór Elmar Bjarnason
V. kantur: Tryggvi Guðmundsson
Framherji: Helgi Sigurðsson
HANDBOLTI Valur minnkaði forskot Fram á toppi
N1-deildar kvenna niður í fimm stig í gær
þegar liðið rúllaði yfir Hauka, 33-25.
Fyrri hálfleikur var jafn fyrsta korterið. Þá
náðu Haukar yfirhöndinni í leiknum. Mest náði
liðið þriggja marka forystu, 12-9. Þegar flautað
var til leikhlés var staðan 14-12 Haukum í vil
og fátt sem benti til þess að Valur myndi vinna
yfirburða sigur. Valsstelpur geta þakkað mark-
verði sínum Berglindi Hansdóttur að hafa ekki
verið enn meira undir en hún varði ófá dauða-
færin í leiknum.
Valsstelpur mættu mjög ákveðnar til leiks
eftir hlé og komust fljótt yfir, 15-16.
Haukar svöruðu því með tveimur mörkum í
röð en engu að síður virtist liðið skorta viljann
og ákafann sem liðið sýndi í fyrri hálfleik og
kom það ekki á óvart að Valur sigldi hratt og
örugglega fram úr Hafnarfjarðarliðinu.
Valur skoraði níu af 10 næstu mörkum leiks-
ins og breytti stöðunni úr 17-16 í 18-25 þegar
síðari hálfleikur var hálfnaður.
Valur bætti um betur og náði mest níu marka
forystu, 19-28, þegar 12 mínútur voru til leiks-
loka. Valsstelpur slökuðu þá á klónni og Haukar
náðu að minnka muninn í sex mörk áður en
Valur skoraði þrjú af fjórum síðustu mörkum
leiksins.
Berglind Hansdóttir var mjög góð í markinu
fyrir aftan öfluga vörn Vals. Valsstelpur náðu
að stoppa Ramune Pekarskyte sem fór mikinn
fyrir Hauka í fyrri hálfleik eftir hlé og auk
þess skoraði liðið 13 mörk úr hraðaupphlaup-
um í síðari hálfleik.
Haukar léku mjög vel í fyrri hálfleik, jafnt í
vörn sem sókn. Eftir hlé gekk ekkert hjá liðinu
og virtist liðið ekki hafa trú á því að geta sigrað
Val. Valur vann síðari hálfleikinn 11-21 og virt-
ist liðið hafa ótrúlega lítið fyrir því. - gmi
Valur skoraði 21 mark í síðari hálfleik á Ásvöllum og vann góðan sigur á Haukastúlkum:
Frábær síðari hálfleikur hjá Valsstúlkum
HARÐAR Í HORN AÐ TAKA Valsstúlkur voru geysilega grimmar gegn Haukastúlkum í gær. Hér reynir Haukastúlkan
Erna Þráinsdóttir að brjótast í gegnum Valsvörnina með litlum árangri. FRÉTTABLAÐIÐ/ARNÞÓR
NBA Los Angeles Lakers styrkti
lið sitt til muna er það fékk
spænska landsliðsmanninn Pau
Gasol frá Memphis Grizzlies.
Memphis fékk í staðinn Kwame
Brown, nýliðann Javaris Crittent-
on og tvo valrétti í fyrstu umferð
nýliðavalsins.
„Þessi skipti sýna svo sannar-
lega metnað félagsins. Þetta er
stórt skref í rétta átt,“ sagði Kobe
Bryant, stjórstjarna LA Lakers,
himinlifandi.
Gasol var með 18,9 stig að
meðaltali í leik með Grizzlies í
vetur. Hann tók þess utan 8,8
fráköst að meðaltali í leik. - hbg
Lakers styrkir sig:
Gasol til Lakers
GASOL Mun styrkja Kobe og félaga
verulega. NORDIC PHOTOS/GETTY IMAGES
FÓTBOLTI Malí-maðurinn Freddie
Kanoute var valinn besti knatt-
spyrnumaður Afríku fyrir árið
2007. Kanoute er fyrsti leikmað-
urinn sem er fæddur utan Afríku
sem vinnur til þessara verðlauna
en Kanoute fæddist í Frakklandi.
Kanoute, sem leikur með
Sevilla á Spáni, var fyrir ofan
Chelsea-mennina Didier Drogba
og Michael Essien í kjörinu en
Drogba var valinn bestur árið
2006.
„Ég tileinka verðlaunin
fjölskyldu minni sem og fólkinu í
Malí,“ sagði Kanoute. - hbg
Knattspyrnumaður Afríku:
Kanoute valinn
bestur
FREDDIE KANOUTE Hefur staðið sig
frábærlega með Sevilla.
NORDIC PHOTOS/GETTY IMAGES
HANDBOLTI Íslendingaliðið GOG
tapaði illa í uppgjöri tveggja af
bestu liðum Danmerkur - GOG og
Kolding - í gær.
Kolding vann með sex marka
mun, 35-29, og skoraði Snorri
Steinn Guðjónsson sjö mörk fyrir
GOG og Ásgeir Örn Hallgrímsson
tvö.
GOG er áfram í öðru sæti þrátt
fyrir tapið en annað Íslendingalið,
FCK, er á toppnum. - hbg
Danski handboltinn:
Slæmt tap hjá
GOG