Fréttablaðið - 25.02.2008, Page 26

25. FEBRÚAR 2008 MÁNUDAGUR8 ● fréttablaðið ● híbýli - eldhús
Hjónin Vignir Freyr Andersen,
lottókynnir og golfari með
meiru, og Halldóra Halldórs-
dóttir flugfreyja eru sammála
um að uppáhaldshluturinn í
eldhúsinu, sem er aðalstaður
fjölskyldunnar, sé tvímæla-
laust kaffivélin sem þau gáfu
sér í jólagjöf um árið.
Kaffivél þeirra hjóna, Vign-
is og Halldóru, malar baunir og
sýður vatnið svo úr verður dýr-
indis kaffihúsakaffi. Efst á for-
gangslistanum þegar þau hjónin
tóku við rekstri golfverslunarinn-
ar Hole in one í Bæjarlind ásamt
vinafólki var vitanlega almenni-
leg kaffivél í fyrirtækið fyrir við-
skiptavini og starfsmenn.
„Gamla filtervélin er geymd
inni í skáp hér heima og fær bara
að vera þar. Það er helst í fjöl-
mennum kaffiboðum sem maður
neyðist til að sækja hana og nýta,“
segja þau Vignir og Halldóra.
„Það getur reyndar verið óþarf-
lega tímafrekt að ætla sér í senn
að mala og laga kaffi í hvern ein-
asta bolla ofan í allar frænkurn-
ar og frændurna,“ segir Vignir og
hlær.
Vignir er einkar laginn við að
laga kaffi latte í þeirri dásemd-
argræju sem sjálfvirka mölun-
arkaffivélin er. „Það tekur svona
mínútu að byggja upp froðuna en
ég mæli með nýmjólkinni, hún
freyðir vel. Punkturinn yfir i-ið er
vanillusírópið − góð sletta,“ segir
Vignir með áherslu.
Mölunarkaffivélin hefur eig-
inlega tekið við örbylgjuofnin-
um sem þótti ómissandi græja á
hverju heimili hér um árið. Þó er
örbylgjuofn þeirra hjóna mikið
notaður við hafragrautargerð.
„Ota-grauturinn í bréfunum klikk-
ar ekki í örbylgjunni,“ segir Vign-
ir sem uppgötvaði þessa ágætu
hafragrautarmáltíð á ný er hann
og félagi hans, Bjarni Hrafn
Ívarsson hjá Frjálsa fjárfesting-
arbankanum, fóru saman í mót-
orsport í sumar þegar fjölskyldan
var í útilegu á Laugarvatni. „Mót-
orsportið er ágætis andstæða við
golfið,“ nefnir Vignir en „í golf-
inu er það hvíti bolurinn og bux-
urnar og græna grasið. Í mótor-
sportinu er það aftur á móti gróf
möl og drullugalli.“ Eftir mótor-
sportsferðina má segja að Vignir
hafi gert hafragrautinn í Ota-bréf-
unum að vinsælli máltíð á heim-
ilinu hjá öllum nema Alexöndru
sem er 17 ára. En Vignir Freyr 7
ára og Karen Elísabet 3 ára, eru
orðin það sólgin í grautinn að þau
vilja gjarnan fá hann í eftirrétt.
Vinsæll er grauturinn með epla-
og kanilbragði. „Algjör snilld að
allt sé í einum pakka. Það eina sem
þarf að gera er að hella bréfi af
Ota-korninu í skál með smámjólk
í og eftir nokkrar sekúndur í ör-
bylgjunni er grauturinn tilbúinn,“
bendir Vignir á.
Halldóra sýnir líka hugvitssemi
í að finna nýjar og heppilegar leiðir
til að halda heimilinu í góðu standi
og nýjasta uppfinningin er forláta
ryksuga sem hefur komið í stað-
inn fyrir gamla góða eldhússóp-
inn. „Krakkarnir eru eins og geng-
ur nokkuð duglegir við að skilja
eftir sig brauðmylsnu á gólfunum
en þá kemur ryksugan að góðum
notum í daglegum heimilisverk-
um. Vignir gæti verið duglegri við
að ryksuga heima við,“ segir Hall-
dóra stríðnislega og brosir. Vign-
ir er duglegur að sjá um þvottinn
og hann á sína þvottadaga. „Rétt
er það“ segir Vignir sannfærandi.
„Það er einmitt að fara að líða að
næsta þvottadegi,“ nefnir Hall-
dóra og lítur á Vigni sem þarf aug-
ljóslega að fara að rjúka á fund!
- vg
Góðir dagar í eldhúsinu
Kaffivélin er langvinsælasta tækið í eldhúsinu.
Vignir Freyr og Halldóra eiga margar góðar stundir í eldhúsinu sínu. FRÉTTABLAÐIÐ/RÓSA
„Það tekur svona mínútu að byggja upp
froðuna en ég mæli með nýmjólkinni,
hún freyðir vel. Punkturinn yfir i-ið er
vanillusírópið − góð sletta.“
Vignir sýpur á kaffinu og Halldóra
mundar nýstárlega ryksugu sem er
algerlega í stíl við eldhúsið.
Að gera upp eldhús vex mörgum í augum. Á vefsíðunni
www.v3.is hefur Þóra Jónsdóttir tekið saman nokkur góð
ráð til þeirra sem eru að huga að endurbótum á þessu
hjarta heimilisins.
Hugmyndir fólks um uppbyggingu eldhúss eru misjafnar. Sumir
vilja mikið skápapláss en aðrir kjósa mikið fótrými. Sumir vilja
hafa eldhúsið lokað en aðrir kjósa að opna það inn í stofu. Mörg
fyrirtæki bjóða upp á fjölbreyttar lausnir fyrir eldhús. Gott er að
skoða marga kosti áður en endanleg ákvörðun er tekin. Hér eru
nokkrir punktar sem gott er að hafa í huga þegar eldhúsið er end-
urhannað:
BORÐPLÁSS
Hve mikið borðpláss þarf? Flestir telja nauðsynlegt að hafa borð-
pláss sitt hvorum megin við eldavélina, báðum megin við vaskinn
og eitt gott samfellt vinnusvæði. Lágmarksvinnupláss í þokka-
legu eldhúsi er að mati Þóru tvisvar sinnum 1,2 metrar. Hún telur
einnig best að hafa svæðið milli eldavélar og vasks frítt og nota
það aðallega sem vinnusvæði.
SKÁPAPLÁSS
Meta þarf fjölda eldhúsáhalda og leirtaus sem þarf að komast
fyrir. Gera þarf ráð fyrir pottaskáp, skáp fyrir pakkamat, plássi
fyrir form, brauðbretti, hnífapör, rafmagnstækin og svo margt,
margt fleira. Kannski pláss fyrir kúst og ryksugu?
UPPÞVOTTAVÉL
Hvort sem ætlunin er að
vera með uppþvottavél
eða ekki er nauðsynlegt
að gera ráð fyrir henni frá
byrjun svo að næsti eig-
andi geti sett inn vélina
og eins ef núverandi eig-
anda snýst hugur. Best er
að uppþvottavélin sé við
hliðina á vaskinum því oft
þarf að skola af leirtauinu
áður en það er sett í upp-
þvottavélina. Hugsa þarf
fyrir því að uppþvottavél-
in opnast oftast fram og þarf því að gera ráð fyrir plássi fyrir
framan vélina. Þá má ekki hafa neitt nálægt vélinni sem ekki
þolir raka. Flestir láta uppþvottavélina standa á gólfi og þá mynd-
ast ágætis vinnupláss ofan á henni. Ekkert mælir þó gegn því að
vélin standi ofan á skúffu eða skáp sem vissulega gerir fólki auð-
veldara að raða í og taka úr vélinni.
VASKURINN
Mörgum finnst gott að hafa eldhúsvaskinn undir glugga til að
njóta útsýnis um leið og vaskað er upp. Aðrir vilja geta geng-
ið upp að glugganum og horft út án þess að vaskurinn eða eldhús-
skápur standi undir honum. Meginreglan er þó að setja ekki
djúpa skápa nálægt glugga svo þeir taki ekki birtu úr eldhúsinu.
GÓLFHITI
Sumir kjósa að setja gólfhita í eldhúsið. Til eru ýmsar lausnir
fyrir eldri íbúðir. Ein er að fræsa út raufar í gólfið og leggja hita -
rör í það. Önnur er að leggja sérstakar plötur í gólfið sem inni-
halda raufar fyrir hitarör og enn ein að setja rafmottur í gólf-
ið. Alltaf eykst úrvalið og því gott að kynna sér það sem er í boði
hverju sinni.
VIFTA
Eldhúsviftan eyðir matar- og steikingarlykt. Til eru nokkrar
gerðir vifta, ein sogar loft úr eldhúsinu og skilar út í umhverfið
en oft er erfitt að koma slíkri viftu fyrir í gömlu eldhúsi. Viftan
er nánast alltaf sett fyrir ofan eldavélina. Skynsamlegt er að hafa
bakaraofninn og örbylgjuofninn sem næst eldavélinni og þar með
viftunni svo hún geti einnig annað útblæstrinum frá þeim tækj-
um.
ELDAVÉL
Eldavélin er höfuðverkur út af fyrir sig. Ákveða þarf hvort elda-
vélin skuli vera heil, það er hellurnar ofan á ofninum, eða hvort
ofninn sé settur ofarlega inn í innréttingu þar sem auðveldara er
að athafna sig. Þetta fer í raun eftir smekk hvers og eins.
ÍSSKÁPUR
Ekki endurnýja eldhúsið án þess að gera ráð fyrir góðu rými
fyrir ísskápinn því með tímanum gætu íbúar viljað stækka ís-
skápinn. Praktískt getur verið að vera með sambyggðan ísskáp
og frysti, annað hvort einbreiðan í venjulegu eldhúsi eða tvíbreið-
an í stóru eldhúsi. Heimilid: www.v3.is, Viðhaldsbókin á netinu.
Eldhúsið tekið í
gegn frá a til ö