Fréttablaðið - 23.04.2008, Blaðsíða 10

23. APRÍL 2008 MIÐVIKUDAGUR2 ● fréttablaðið ● landbúnaður
Bændasamtök Íslands bera
ábyrgð á sameiginlegu kyn-
bótastarfi í nautgriparækt
og öðrum búgreinum. Nú er
verið að byggja nýja nautastöð
á Hesti í Borgarfirði. Sú stöð
mun sameina á einn stað starf-
semina sem fer fram í uppeldis-
stöðinni í Þorleifskoti austur
í Flóa og fæðingastöðinni á
Hvanneyri.
„Við munum sameina starfsem-
ina undir einu þaki, því í öðrum
hluta hússins verða aldir upp
þeir kálfar sem þykja efnileg-
astir og í hinum hlutanum munu
þeir standa sem kynþroska naut
í stíum þar sem sæðisskammtar
verða teknir,“ segir Gunnar Guð-
mundsson, sviðsstjóri ráðgjafar-
sviðs Bændasamtaka Íslands.
„Starfseminni er þannig hátt-
að að við rekum afurðaskýrslu-
hald frá bændum. Það gengur út
á að safna upplýsingum um af-
urðir og nyt, en svo vitum við
líka nákvæmlega um ættir ein-
stakra gripa. Á grundvelli þeirra
upplýsinga er rekið kynbótastarf
þar sem við veljum til ásetnings
bestu einstaklingana sem foreldra
næstu kynslóðar.“
Stöðin á Hesti mun leysa af
hólmi uppeldisstöð fyrir naut-
kálfa sem nú er í Þorleifskoti.
Þangað eru teknir inn á milli
fimmtíu og sextíu efnilegir naut-
kálfar og aldir upp. Bjáti ekkert á,
það er ef byggingin reynist í lagi,
ekkert bendir til hryggskekkju
og kálfarnir þrífast eðlilega, eru
þeir fluttir á Hvanneyri þar sem
teknir eru um það bil þúsund
skammtar af sæði. Sæðisskammt-
arnir eru svo djúpfrystir í fljót-
andi köfnunar efni við mínus 196
gráða frost og þeim dreift á bú um
land allt. Að meðaltali eru teknir
um sex til sjö þúsund skammtar
af sæði úr hverju nauti áður en
því er slátrað.
„Nautastöðin á Hesti verður
hjarta kynbótastarfsins,“ segir
Gunnar. „Með þessari nýju stöð
ætlum við að ná fram þeirri hag-
ræðingu að þegar hún verði komin
í fullan gang geti tveir starfsmenn
þjónað henni. Meðan básafjós er í
gamla Þorleifskotinu munu nautin
á Hesti hafa aukið sigrúm því þar
verður lausaganga í stíum og hver
skepna höfð út af fyrir sig. Þá fer
minni tími í hirðingu, en með því
móti næst ákveðin hagræðing.“
Ekki er þá allt upptalið, þar
sem ætlunin er að reisa einangr-
unarstöð á Hesti. „Í samstarfi við
heilbrigðisyfirvöld náum við að
gera þessa stöð þannig úr garði að
hún uppfylli allar kröfur um sótt-
varnir og heilbrigðiseftirlit, eins
og vera ber á stöðum sem annast
dreifingu á sæði um land allt.”
Að sögn Gunnars hafa
byggingar framkvæmdir á nauta-
stöðinni gengið vel, þótt tíðin
„hafi verið stirð og leiðinleg til
byggingaframkvæmda“. Reiknað
er með að framkvæmdum verði
lokið í júlí og stöðin verði tekin í
notkun á haustmánuðum. - nrg
Hjarta íslensks kynbótastarfs
Gunnar Guðmundsson, sviðsstjóri ráðgjafarsviðs Bændasamtaka Íslands, segir að nautastöðin á Hesti muni verða hjarta kyn-
bótastarfsins. FRÉTTABLAÐIÐ/ARNÞÓR
Byggingarframkvæmdir á nýju nautastöðinni hafa gengið vel að sögn Gunnars og er
áætlað að þeim ljúki í júli og stöðin verði tekin í notkun í haust. MYND/ÁSKELL ÞÓRISSON
Stöðin á Hesti leysir af hólmi uppeldisstöð fyrir nautkálfa sem nú er í Þorleifskoti.
MYND/ÁSKELL ÞÓRISSON
Akralind 4 • 201 Kópavogur • Sími 544 4656 • mhg@mhg.is • www.mhg.is
Gröfur frá USA
með yfir 100 ára reynslu
Geriðverðsamanburð
Gehl smágröfur