Fréttablaðið - 28.04.2008, Qupperneq 28

● fréttablaðið ● híbýli-eldhús 28. APRÍL 2008 MÁNUDAGUR8
Í raðhúsi við Tungubakkann í Reykjavík búa
hjónin Elín Þóra Sverrisdóttir og Einar Bjarna-
son. Þau tóku eldhúsið nýlega í gegn hjá sér og
eru í dag alsæl með velheppnaðar breytingar.
Hjónin Elín Þóra Sverrisdóttir og Einar Bjarnason
ákváðu að reyna að lappa upp á gömlu eldhúsinn-
réttinguna fyrir tveimur árum. „Við vorum sam-
mála um að við þyrftum að fara að ráðast í endur-
bætur á eldhúsinu. Innréttingin var upprunaleg og
frá árunum 1968-69 þegar húsið var byggt, og því
komin til ára sinna,“ segja þau.
„Þegar við fórum að ræða við Sigurbjörgu Péturs-
dóttur innanhúsarkitekt um þær hugmyndir okkar
að endurnýja eldhúsið fóru enn fleiri hugmyndir
að fæðast,“ nefnir Elín Þóra. „Sigurbjörg kom með
skemmtilegar tillögur sem gerðu ráð fyrir að opna
á milli eldhússins og stofunnar. Við fórum síðan út í
þær breytingar að nútímavæða eldhúsið. Og sjáum
ekki eftir því í dag enda hafa þessar breytingar
reynst algjör bylting.“
Að sögn Elínar Þóru var markmiðið að gera eld-
húsið hluta af stofunni. „Áður fyrr var eldhúsborð
í eldhúsinu og einnig borðstofa í stofunni. En nú
sameinuðum við þetta og erum nú með eitt stórt
eldhúsborð. Þetta fyrirkomulag er mun betra. Nú
getur stórfjölskyldan setið öll við eitt borð og nóg
er plássið. Það birtir líka vel inni í stofunni eftir að
opnað var á milli eldhússins og stofunnar sem hefur
mikið að segja.“
„Sigurbjörg teiknaði upp eldhúsinnréttinguna
fyrir okkur. Vinnuplássið er mjög gott og einnig
skápaplássið. Í stað þess að hafa helluborðið við
vegginn eins og áður er það í eyjunni og háfurinn
þar yfir. Við vildum halda okkur við eikina sem var
fyrir í húsinu og völdum innréttingu úr eik. Og í
leiðinni þegar við stóðum í þessum framkvæmd-
um endurnýjuðum við loftklæðingu í húsinu,“ segja
þau. -vg
Elín Þóra Sverrisdóttir er hæstánægð með breytingarnar á eldhúsinu.
Hver hlutur nýtur sín nú mun betur heldur en áður.
Hver hlutur hefur verið valinn af kostgæfni inn í eldhúsið. Hjónin njóta þess að hlusta á góða tónlist á meðan unnið er í eldhúsinu. Vinnu- og skápaplássið hefur aukist til muna í eldhúsinu.
Eldhúsið lítur vel út eftir breytingar. FRÉTTABLAÐIÐ/ANTON
Algjör bylting
Eldhúsið lítur vel út eftir breytingar en Sigurbjörg Pétursdóttir innanhússarkitekt skipulagði það. FRÉTTABLAÐIÐ/ANTON