Fréttablaðið - 16.06.2008, Blaðsíða 2
2 16. júní 2008 MÁNUDAGUR
Haustferð
til Barcelona
Innifalið: Flug með sköttum og öðrum greiðslum, gisting á Hesperia-hótelinu
ásamt morgunverði, akstur til og frá flugvelli og íslensk fararstjórn.
Nánar á expressferdir.is
eða í síma 5 900 100
67.900 kr.
Verð á mann í tvíbýli
5.–8. september
Fararstjóri: Halldór Stefánsson
F
í
t
o
n
/
S
Í
A
LÖGREGLUMÁL Mikið var um ölvun
og ólæti á Akureyri í fyrrinótt.
Þar standa yfir Bíladagar og voru
fangageymslur fullar eftir nótt-
ina. Aðsúgur var ítrekað gerður að
lögreglumönnum og yfirlögreglu-
þjónn segist aldrei hafa kynnst
annarri eins hegðun í bænum.
„Það var mikið um slagsmál og
skrílslæti,“ segir Daníel Guðjóns-
son yfirlögregluþjónn, sem kallar
þá ódælu bílabullur og líkir þeim
við viðskotaillar fótboltabullur.
„Lögreglumenn fengu ekki frið til
að vinna. Það var þráfaldlega veist
að þeim og við þurftum að fjar-
lægja þá sem verst létu.“
Daníel segir ástandið hafa verið
afar óvanalegt, virðingarleysi
sumra gesta gagnvart lögreglu og
samborgurum sínum hafi verið
algjört og hann segist ekki muna
eftir annarri eins framkomu.
„Menn þurftu að beita bæði kylf-
um og varnarúða til að halda fólki
í skefjum og lögreglumenn voru
grýttir með flöskum og dósum.“
Á þriðja tímanum var skotið úr
skoteldatertu lárétt yfir Ráðhús-
torgið í átt að lögreglumönnum og
öðru fólki. Enginn meiddist og lög-
regla veit ekki hver eða hverjir
voru að verki. Skömmu síðar var
gerður aðsúgur að lögregluþjón-
um við handtöku og reynt að
hindra handtökuna. „Við veltum
því fyrir okkur hvað hefur mistek-
ist í uppeldi þessara ungmenna,“
segir Daníel. „Þetta er þeim náttúr-
lega til háborinnar skammar.“
Þá var gæslumaður á tjaldstæði
sleginn tvívegis í andlitið og
rúður brotnar víðs vegar um
bæinn auk þess sem fjöldi
kvartana barst vegna spólkeppni
sem frá lagði mikinn reyk og illan
daun. Alls var tilkynnt um sjö
líkams árásir.
Þetta er annað árið í röð sem
skemmtanahöld í kringum Bíla-
daga fara úr böndunum. Í fyrra
brutust ítrekað út hópslagsmál á
tjaldstæðinu í bænum og fanga-
geymslur fylltust. Bíladagar
standa fram á þriðjudag og verður
lögregla með aukinn viðbúnað
þangað til þeim lýkur.
Sigrún Björk Jakobsdóttir bæjar-
stjóri segir samráðsfund fyrirhug-
aðan um hátíðahöldin. „Við munum
fara rækilega yfir þessa helgi
núna að henni lokinni með lögreglu
og skipuleggjendum. Þar verður
skoðað hvað gekk vel, hvað illa og
hvar við getum bætt okkur.“ Hún
bendir þó á að hátíðin hafi gengið
vel að mestu leyti. „Þetta er ástand
sem skapast af fáum en öflugum
hópi og það er dapurlegt að fáir
svartir sauðir skuli skemma svona
fyrir hinum,“ segir Sigrún Björk.
stigur@frettabladid.is
Lögregla í kröppum
dansi á Bíladögum
Ölvaðir og ódælir bílaáhugamenn á Akureyri fleygðu flöskum og skutu flugeld-
um í átt að lögreglumönnum. Beita þurfti kylfum og varnarúða. Yfirlögreglu-
þjónn man ekki eftir öðru eins. Bæjarstjóri segir að fundað verði um atburðina.
SPÓLKEPPNI Mikið var kvartað yfir reyk og ólykt sem barst frá spólkeppni í bænum.
SIGRÚN BJÖRK
JAKOBSDÓTTIR
BANDARÍKIN, AP Barack Obama
nýtir sér vaxandi óánægju með
George W. Bush, forseta Banda-
ríkjanna, í kosningabaráttu sinni.
Obama gagnrýnir John McCain
mótframbjóðanda sinn fyrir
tengsl hans við Bush. Hann segist
ætla að afturkalla umdeildar
skattalækkanir sem Bush veitti
hinum tekjuhæstu og ætlar að
nota féð til að lækka skatta
láglaunafólks og fátækra eldri
borgara. Einnig ætlar hann að
hægja smám saman á Íraks-
stríðinu og veita fé í rannsóknir
nýrra orkugjafa.
McCain er hins vegar hlynntur
Íraksstríðinu og segir það styðja
yfirlýsingar Bush um stríð gegn
hryðjuverkum. - hþj
Kosningabaráttan vestra:
Obama nýtir
sóknarfærin
DANÍEL
GUÐJÓNSSON
LÖGREGLUMÁL Lögreglan á Selfossi
leitar brennuvargs sem talinn er
hafa lagt eld að þremur bílum
fyrir utan réttingaverkstæði í
bænum í gærmorgun.
Lögregla fékk tilkynningu á
sjöunda tímanum í gærmorgun
um að þrír bílar stæðu í ljósum
logum fyrir utan verkstæði við
Gagnheiði. Slökkvilið réð
niðurlögum eldsins. Tveir bílanna
eru gjörónýtir og sá þriðji mikið
skemmdur, að sögn varðstjóra
lögreglu. Bílarnir munu ekki vera
í eigu sama aðila og er talið að
brennuvargurinn hafi valið þá af
handahófi. Enginn hefur verið
handtekinn vegna málsins. - sh
Brennuvargs leitað á Selfossi:
Lagði eld að
þremur bílum
Stefán, gætuð þið ekki bara
fengið inni í Vöffluvagninum?
„Ég er nú hræddur um að þá kæmu
vöflur á marga.“
Lögreglan á höfuðborgarsvæðinu hefur
óskað eftir því að fá að koma fyrir fimm-
tán til tuttugu fermetra húsi á Lækjar-
torgi yfir sumarið, sem yrði eins konar
færanleg lögreglustöð. Stefán Eiríksson er
lögreglustjóri á höfuðborgarsvæðinu.
VERÐLAUN Nýja brúin yfir Þjórsá sigraði í samkeppni
Norræna vegasambandsins, NVF.
Einar Hafliðason, forstöðumaður brúardeildar
Vegagerðarinnar, segir verðlaunin mikilvæg. „Það
er ákaflega styrkjandi að fá svona viðurkenningu.
Það segir okkur að verkfræðiþekking Íslendinga sé
jafn góð og hjá öðrum þjóðum.“
Verðlaunin voru veitt fyrir framsækni við hönnun
og byggingu mannvirkis. Verkefnið var unnið í
samstarfi við Bjarna Bessason, prófessor í verk-
fræði, en hann er sérfróður um jarðskjálftaverk-
fræði. „Við settum jarðskjálftamæla í gömlu brúna
og nýttum okkur upplýsingarnar við byggingu
þeirrar nýju,“ segir Einar. „Brúin var hönnuð með
það að markmiði að hún stæði af sér stærstu skjálfta
án þess að það bitnaði á útliti hennar og burðarþoli.“
Þjórsárbrúin sló út keppinauta á borð við Eyrar-
sundsbrúna og Gautaborgargöngin. Brúa- og
jarðganganefnd NVF heldur samkeppnina í tengsl-
um við ráðstefnu sambandsins og eru það meðlimir
nefndarinnar sem meta framlög þjóðanna. - hþj
Nýja Þjórsárbrúin sigrar í samkeppni Norræna vegasambandsins:
Íslenskt hugvit verðlaunað
FÓLK Stuttmyndin Bræðrabylta
eftir Grím Hákonarson vann til
verðlauna á þremur kvikmynda-
hátíðum um
helgina.
„Þetta var
skemmtileg
tilviljun,“ segir
Grímur, „og
góður endir á
ferðalaginu
með myndina
um heiminn.“
Bræðrabylta
vann Grand
Prix-verðlaunin
á Kratkofil-
stuttmyndahátíðinni í Bosníu og
var valin besta stuttmyndin á Gay
and Lesbian-kvikmyndahátíðinni í
Mílanó. Að auki vann hún „Youth
Jury Prize“ á Huesca-kvikmynda-
hátíðinni á Spáni en Grímur var
viðstaddur afhendinguna þar.
Myndin hefur unnið til fjórtán
verðlauna síðan hún var frum-
sýnd síðasta sumar. - hþj
Sigurganga Bræðrabyltu:
Þrenn verðlaun
um sömu helgi
GRÍMUR
HÁKONARSON
FENGU
ALÞJÓÐLEGA
VIÐURKENN-
INGU Einar
Hafliðason
segir mikil-
vægt að fá
staðfestingu á
getu íslenskrar
verkfræði.
ALÞJÓÐAMÁL Meðal þess sem þegar
hefur áunnist með framboði
Íslands til öryggisráðs Sameinuðu
þjóðanna er að Ísland er nú óvé-
fengjanlega viðurkennt sem jafn-
ingi hinna Norðurlandanna á þess-
um mikilvæga vettvangi. Þetta
segir Colin Keating, framkvæmda-
stjóri Security Policy Report, en
það eru óháð samtök sem sérhæfa
sig í því að skýra og veita ráðgjöf
um starfsemi öryggisráðs SÞ.
Keating er jafnframt fyrrver-
andi fastafulltrúi Nýja-Sjálands í
öryggisráðinu, en hann verður
meðal frummælenda á málþingi
um hlutverk smáríkja í alþjóða-
kerfinu við Háskóla Íslands í dag.
Ráðstefnan rekur endahnútinn
á málfundaröð um erindi og ávinn-
ing Íslands af alþjóðasamstarfi,
sem farið hefur fram í vetur í sam-
starfi utanríkisráðuneytisins og
háskólanna í landinu.
Í samtali við Fréttablaðið bend-
ir Keating á að þar sem Norður-
löndin hafi allt frá stofnun SÞ
gegnt þar veigamiklu hlutverki
og byggt upp sterkan orðstír fyrir
að beita sér af heilindum og krafti
í þágu samtakanna sé það ekki lít-
ils virði að afla sér viðurkenning-
ar sem jafningi þeirra að þessu
leyti.
Það ræðst í atkvæðagreiðslu á
allsherjarþingi SÞ í haust hvort
Ísland nái kjöri til setu í öryggis-
ráðinu árin 2009-2010, en fram-
boðið nýtur stuðnings hinna
Norður landanna. - aa
Málþing um hlutverk smærri ríkja í alþjóðasamstarfi á 21. öld:
Öryggisráðsframboð hefur
aflað Íslandi viðurkenningar
COLIN KEATING Segir það mikils virði
að afla sér viðurkenningar sem jafningi
hinna Norðurlandaþjóðanna á vettvangi
SÞ. FRÉTTABLAÐIÐ/VALLI
KOSOVO, AP Stjórnarská hins
yfirlýst sjálfstæða ríkis Kosovo
gekk í gildi í gær. Þar með
færðist lögformleg ábyrgð á
stjórnun Kosovo frá bráðabirgða-
stjórnsýslu Sameinuðu þjóðanna
til kjörinna stofnana hins nýja
ríkis sem eingöngu Kosovo-
Albanar eiga aðild að.
Kosovo hætti þar með formlega
að vera hérað í Serbíu undir
bráðabirgðastjórn SÞ, en það
ástand hafði varað síðan árið 1999.
Gildistaka stjórnarskrárinnar,
fjórum mánuðum eftir að kjörið
þing og stjórn Kosovo-Albana
lýstu yfir sjálfstæði Kosovo,
eykur enn á spennuna milli
serbneska minnihlutans og
albanska meirihlutans. - aa
Stjórnarskrá Kosovo í gildi:
Eykur enn á
spennuna
HASHIM THACI Kosovski forsætisráðherr-
ann segir með stjórnarskránni smiðs-
höggið rekið á langa og sára baráttu.
FINNLAND, AP Lögregla í Finnlandi
greindi frá því í gær að 88 ára
gamall maður í norður-finnska
bænum Ylitornio hefði skotið
dætur sínar tvær og sjálfan sig til
bana.
Sjúkrahússtarfsfólk sagði að
maðurinn hefði líka skotið
rúmfasta eiginkonu sína inni á
elliheimili áður en hann hefði
bundið enda á eigið líf með
skammbyssu heima hjá sér.
Konan dó eftir að reynt var að
bjarga lífi hennar. Dæturnar, sem
voru á sextugsaldri, voru báðar
andlega fatlaðar. - aa
Harmleikur í Finnlandi:
Aldraður faðir
skýtur dætur
SPURNING DAGSINS