Fréttablaðið - 19.07.2008, Blaðsíða 20
[ ]Innbrot eru algeng í bíla. Bestu ráðin til að komast hjá innbroti er að muna að læsa og geyma aldrei neitt verðmætt í bílnum sem sést utan frá.
Fáar bílapartasölur eru orðnar
eftir í Reykjavík enda húsnæði
dýrt. Íslendingar velja heldur
nýja bíla en að gera við gamla
á meðan erlendir ríkisborgarar
flykkjast í Vöku.
Bílapartasölum hefur fækkað
mikið á Reykjarvíkursvæðinu á
undanförnum árum. Hægt er að
telja þær sem eftir eru á fingrum
annarrar handar, en svo virðist
sem dýrt húsnæði sé helsta orsök
flóttans. Eigendur partasalanna
leita út fyrir höfuðborgarsvæðið
þar sem þeir koma sér upp aðstöðu
undir berum himni á mun ódýrari
lóðum.
„Það er enginn rekstrargrund-
völlur fyrir partasölu í húsi hér í
Reykjavík lengur,“ segir Hjálmar
Hlöðversson, eigandi Bílakringl-
unnar, einnar af síðustu partasöl-
um Reykjavíkur. „Það eru margir
að gefast upp og sjálfur ætla ég
brátt að snúa mér að öðru.“
Það er ekki einungis hátt hús-
næðis-
verð
sem gerir rekstrarumhverfi
margra partasala erfitt. Verð á
vinnustund á verkstæðum fælir
marga frá því að láta gera við
gamla bíla með varahlutum frá
partasölum. Geti eigendur ekki
gert við bílinn sjálfir getur í mörg-
um tilfellum borgað sig að fá
annan notaðan bíl í nothæfu
ástandi. Framboðið er gríðarlegt
og einfalt að taka yfir lán án þess
að þurfa að greiða út krónu.
Vandinn leggst ekki jafnhart á
allar partasölur. Steinar Már
Gunnsteinsson, verkefnastjóri
Vöku, tekur í sama streng og
Hjálmar og segir að vissulega
þjaki ákveðinn húsnæðisvandi
partasölur. Hann segist þó ekki
hafa orðið var við samdrátt, nema
síður sé.
„Við fáum reyndar færri Íslend-
inga til okkar, en síðustu tvö ár
hefur erlendum viðskiptavinum
fjölgað mikið. Þeir eru mun dug-
legri en heimamenn að bjarga sér
og rífa sjálfir þá varahluti sem þeir
þurfa úr bílum hér,“ segir Steinar.
Hvort sem samdrátturinn sem
þjóðin gengur í gegnum nú á eftir
að skila sér í lengri lífdögum not-
aðra bíla skal ósagt látið. Það verð-
ur þó að teljast harla líklegt meðan
framboð notaðra bíla er slíkt að
dæmi eru þess að fólk borgi með
bílum sínum, einfaldlega til að
losna við skuldabyrðina.
tryggvi@frettabladid.is
Partasala í molum
Svo virðist sem Íslendingar hafi takmarkaðan áhuga á að halda við gömlum bílum á
meðan erlendir ríkisborgarar flykkjast í Vöku í varahlutaleit. FRÉTTABLAÐIÐ/ANTON
Sterk staða Volvo
VOLVO HEFUR STYRKT STÖÐU SÍNA SEM LÚXUS BÍLAMERKI OG ER NÚ SÖLU-
HÆSTA LÚXUSBIFREIÐIN Á ÍSLANDI.
Volvo er söluhæsta lúxusbifreiðin á Íslandi. samkvæmt tölum frá Umferðar-
stofu yfir nýskráningu bifreiða.
Ef tölurnar frá því í fyrra eru skoðaðar kemur fram að sala á Volvo hefur dreg-
ist minna saman en á öðrum lúxusbifreiðum en samdráttur frá því á síðasta
ári nemur 33 prósentum.
Bílasala hefur dregist hraðar saman í dýrari merkjum
en á almennun bílamarkaði og þrátt fyrir sam-
dráttinn er staða Volvo góð í sölu lúxus-
bifreiða. Á núverandi krepputímum hefur
Volvo því greinilega styrkt stöðu sína.
- mmr
Í sýningarsal Brimborgar
er mættur sendibíllinn Ford
Transit. Bíllinn hefur vakið
mikla athygli og sker sig úr
fjöldanum.
Ford Transit 140 Sport hefur mik-
inn búnað eins og Low profile dekk
með átján tommu álfelgum. Bíll-
inn hefur einnig tvöfalt púst, vind-
skeið og sportrönd.
Ford Transit er einnig með sam-
litaða stuðara og grill. Að innan
sem að utan er mikið lagt upp úr
sportlegu útliti og endurspegla
leðursætin, geislaspilari og hraða-
stillir það. Speglarnir eru rafknún-
ir og upphitaðir, gírstöngin og
stýrið eru leðurklædd og hliðar-
rúður eru dekktar. Ford Transit
140 Sport er með 140 hestöfl eða
350 nm í togi.
Bíllinn er rúmgóður, hagkvæm-
ur í rekstri og endingargóður.
Hann getur sinnt ólíkum og fjöl-
breyttum verkefnum á sviði vöru-
flutninga. Flutningsrýmið er vel
hannað og þar má auðveldlega
koma fyrir rekkum til beggja hliða
eða hlaða hann tveimur litlum
vörubrettum með vörum á. - mmr
Sportlegur vinnubíll
Ford Transit er
sportlegur að sjá
og greinilegt að
mikið hefur verið
lagt upp úr útlitinu.
Bremsuhlutir
í alla jeppa
og pickupa
Vagnhöfða 7
110 Reykjavík
Sími: 517 5000
Diskar
Klossar
Dælur
Borðar
Ísetningarþjónusta
P
R
E
N
T
S
N
IÐ
E
H
F
.