Fréttablaðið - 06.08.2008, Blaðsíða 6

6 6. ágúst 2008 MIÐVIKUDAGUR
LÖGREGLUMÁL „Þetta hefur verið
erilsamt en á heildina litið má segja
að þetta hafi gengið stóráfalla-
laust,“ Jóhannes Ólafsson, yfirlög-
regluþjónn í Vestmannaeyjum, um
annir helgarinnar.
Hann segir að upp hafi komið um
20 fíkniefnamál og að sex líkams-
árásarmál hafi komið á borð lög-
reglu. „Svo vitum við um eitt til
viðbótar þar sem maður var send-
ur kjálkabrotinn til Reykjavíkur
en það hefur enn ekki verið kært
til okkar,“ segir Jóhannes. Ekkert
kynferðisbrot hefur borist á borð
lögreglunnar í Vestmannaeyjum.
Hann segir það orðinn árvissan
atburð að menn kveiki í tjöldum í
hátíðarlok frekar en að fara með
þau heim. Sumir eru þó stórtækari
en svo að þeir láti nægja að kveikja
í sínu tjaldi. Einn maður fékk að
gista fangageymslur fyrir slíkan
verknað en fjöldi tjalda varð eldi
að bráð. Þjóðhátíðargestur sem
Fréttablaðið hafði samband við
segir að hann hafi ekki þorað að
gista í tjaldi sínu af ótta við að
menn kveiktu í því og eins hafi
reykjarmökkurinn gert það illþol-
anlegt að vera í Herjólfsdal. Fór
hann því með föruneyti sínu og
fékk gistingu í heimahúsi.
„Það er alveg ótrúlegt hvað mörg
af þessum tjöldum eru verðmæt
sem fá að fara svona. Svo vill það
bregða við að hringt er til okkar og
tilkynnt um stolið tjald en þá hefur
unglingurinn kveikt í því en ekki
viljað viðurkenna það fyrir for-
eldrum sínum,“ segir Jóhannes.
Um þrjátíu lögreglumenn stóðu
vaktir í Eyjum yfir verslunar-
mannahelgina. Um tuttugu voru á
vakt þegar mest var en á venjulegu
laugardagskvöldi standa venjulega
þrír lögregluþjónar vaktina. Liðs-
aukinn var meðal annars fenginn
frá lögregluembættum á Suður-
nesjum, Selfossi og Reykjavík.
Einnig voru menn frá sérsveit lög-
reglunnar á svæðinu. Þar að auki
voru fjölmargir öryggisverðir frá
mótshöldurum og svo stóðu for-
eldrar einnig vaktina á svokölluðu
foreldrarölti.
jse@frettabladid.is
Flúðu Herjólfsdal
vegna brennuvarga
Yfirlögregluþjónn segir að erilsamt hafi verið hjá lögreglu yfir þjóðhátíð sem
gekk þó stóráfallalaust fyrir sig. Hann segir það árvisst að fólk kveiki í tjöldum
í hátíðarlok og varð engin undantekning þar á að þessu sinni.
BRENNUVARGUR AÐ VERKI Það er árviss atburður að menn kveiki í tjöldum sínum í hátíðarlok. Sumir gera reyndar gott betur og
kveikja einnig í tjöldum annarra. Pilturinn á myndinni fékk að gista fangageymslur fyrir slíkan verknað. MYND/ÓSKAR FRIÐRIKSSON
DÓMSMÁL Héraðsdómur Suður -
lands hefur sýknað karlmann af
ákæru um líkamsárás á konu sína
og stjúp dóttur. Hann var ákærður
fyrir að ganga illa í skrokk á konu
sinni á heimili þeirra í júlí í fyrra
og auk þess hrinda stjúpdóttur inni
og sparka í hana. Konan hafði
mikla áverka eftir atganginn.
Í fyrstu viðurkenndi maðurinn
að hafa slegið konu sína, en breytti
þeim framburði síðar og kvað
hana hafa gengið á hönd sína.
Konan breytti framburði sínum
einnig og tók undir skýringu
mannsins þegar leið á.
Maðurinn viðurkenndi að hafa
ýtt við konunni, en sagði það hafa
verið gert til að koma henni út úr
húsinu. Segir í dómnum að ljóst sé
að konan „fékk áverka af völdum
ákærða en þar sem ekki telst sann-
að að ásetningur hans hafi staðið
til þess að skaða hana, einungis að
koma henni út úr húsi í kjölfar
rifrildis þeirra, verður honum
ekki refsað fyrir líkams meiðingar
af gáleysi […]“
Þá var afleiðingum af meintri
árás mannsins á stjúpdóttur sína
ekki lýst í ákæru, auk þess sem
hún leitaði sér ekki læknishjálpar.
Í ljósi þess, auk reikuls framburð-
ar hlutaðeigandi og að fólkið var
eitt til frásagnar, telur dómurinn
ekki unnt að sakfella manninn.
Hjörtur O. Aðalsteinsson dæmdi
málið. - sh
Kona breytti framburði sínum í máli ákæruvaldsins gegn manni hennar:
Segist hafa gengið á hönd mannsins
UMHVERFISMÁL Höskuldur Þór Þór-
hallsson, þingmaður Framsóknar-
flokksins í Norðausturkjördæmi,
hefur farið fram á að fundur verði
haldinn í umhverfisnefnd Alþing-
is. Tilefnið er nýfallinn úrskurður
Þórunnar Sveinbjarnardóttur
umhverfisráðherra um að meta
skuli heildstætt áhrif allra fram-
kvæmda vegna álvers á Bakka.
Höskuldur segir nauðsynlegt að
funda um málið og vill að heima-
menn verði boðaðir sem og ráð-
herra. „Ég tel að hún eigi að
útskýra úrskurð sinn, þar sem
hann er í berhögg við fyrri úrskurð
hennar í sambærilegu máli. Ég tel
að hún sé að brjóta jafnræðis- og
meðalhófsreglu. Þá er mikilvægt
að heyra sjónarmið heimamanna,“
segir Höskuldur.
Helgi Hjörvar, formaður
umhverfisnefndar, segir að ekki
liggi enn fyrir hvenær af fundi
nefndarinnar geti orðið, en býst
við að það verði innan viku, tíu
daga. „Mér heyrist að mikilvægt
sé að upplýsa einstaka nefndar-
menn um efni máls í framhaldi af
umræðu síðustu daga,“ segir
Helgi.
Aðspurður hvort hann sé sam-
mála úrskurði umhverfisráðherra
segir Helgi að ítarlega eigi eftir að
fara yfir hann í nefndinni.
„Almennt séð tel ég hins vegar
rétt að vanda meira en minna til
stórra framkvæmda í náttúru
Íslands.“ - kóp
Þingmaður Framsóknarflokks vill fund hjá umhverfisnefnd Alþingis:
Nefndarfundur um Bakka
UMHVERFISNEFND ALÞINGIS Mun funda
um úrskurð umhverfisráðherra um
heildstætt umhverfismat vegna álvers á
Bakka. FRÉTTABLAÐIÐ/STEFÁN
MIKLIR ÁVERKAR
Konan hlaut talsverða áverka. Hún
hlaut blóðgúl undir húð vinstra
megin á enni, V-laga skurð á
eyrnasnepil, mar undir augabrún,
á nefi, gagnauga, handlegg og á
hné.
Í fyrstu viðurkenndi maðurinn
að hafa lagt hendur á konuna,
hann hefði „sparkað í rassgatið
á henni og sagt henni að drulla
sér út“, og vel gæti verið að hann
hefði „danglað í hana líka“. Hann
breytti síðar framburðinum.
SUÐUR-AFRÍKA, AP Jakob Zuma,
leiðtogi Afríska þjóðarráðsins og
forsetaefni flokksins, fór fram á
það á mánudag að allar ákærur á
hendur honum um skjalasvik og
spillingu yrðu felldar niður.
Dómarinn í málinu, Chris
Nicholson, sagðist í gær ætla að
úrskurða um þessa beiðni þann
12. september, en ákvað jafn-
framt að réttarhöld hefjist 8.
desember, fari svo að hann vísi
ekki ákærunum frá dómi.
Reiknað er með því að Afríska
þjóðarráðið haldi yfirgnæfandi
meirihluta sínum í þingkosning-
um á næsta ári og í framhaldi af
því taki Zuma við af Thabo Mbeki
sem forseti landsins. Málaferlin
gætu þó komið í veg fyrir það. - gb
Væntanlegur forseti S-Afríku:
Vill niðurfell-
ingu ákæranna
JAKOB ZUMA Tók nokkur dansspor eftir
að hafa sótt um niðurfellingu ákæru-
máls. FRÉTTABLAÐIÐ/AP
Féll af bifhjóli í Borgarnesi
Ökumaður bifhjóls slapp með
minni háttar meiðsl þegar hann féll
af hjólinu í Borgarnesi um klukkan
hálf þrjú í gær. Maðurinn var fluttur á
heilsugæslustöð til skoðunar en fékk
að fara þaðan skömmu síðar. Bifhjól-
ið, stórt götuhjól, er talsvert skemmt.
LÖGREGLUFRÉTTIR
ÁLFTANES Samgönguráðuneytið
hefur úrskurðað að Kristjáni
Sveinbjörnssyni, forseta bæjar-
stjórnar Álftaness, hafi verið
óheimilt að víta Guðmund G.
Gunnarsson, bæjarfulltrúa og
fyrrum bæjarstjóra, í maí.
Gunnar sakaði Kristján um að
hafa ítrekað farið með ósannindi
um stjórnsýslu sveitarfélagsins
og að hafa ástæðulaust gengið af
fundi bæjarráðs. Guðmundur
mótmælti fullyrðingum Kristjáns
og kærði víturnar til samgöngu-
ráðuneytisins.
Í úrskurði ráðuneytisins segir
að heimild forseta til að víta snúi
að fundarstjórn og beri að beita
af varúð.
- gh
Bæjarfulltrúar Álftaness deila:
Vítur óheimilar
DÓMSMÁL Maður um þrítugt hefur
í Héraðsdómi Suður lands verið
dæmdur í fimm mánaða skil-
orðs bundið fangelsi fyrir
líkamsárás og morðhótanir.
Maðurinn dansaði ölvaður uppi
á borði á veitingastað á þjóðhátíð í
Vestmannaeyjum fyrir tveimur
árum. Hann sinnti í engu óskum
dyra varðar um að koma sér niður
af borðinu heldur sló hann af alefli
í andlitið. Dyravörðurinn hlaut
skurð á vör og missti framtönn.
Þegar lögreglumenn komu á
staðinn brást hann vondur við,
hótaði einum þeirra ítrekað lífláti
og sparkaði í fætur hans. Hann
neitaði öllu en var eigi að síður
fundinn sekur. Vegna dráttar á
rannsókn málsins var refsingin
skilorðsbundin. - sh
Steig trylltan dans á þjóðhátíð:
Dæmdur fyrir
morðhótanir
KÍNA, AP Öflugur jarðskjálfti, um
6,0 að styrkleika, skók Setsúan-
hérað í Kína í gær, á sömu slóðum
og um 70.000 manns fórust í
hamfarajarðskjálfta í maí. Engar
fregnir bárust þó af tjóni á
mannvirkjum eða slysum á fólki.
Hlaupið með ólympíukyndilinn
lá einmitt um þetta hérað Kína í
gær, en það gekk vandkvæða-
laust. Hlaupið um Setsúan var
síðasti spölur hlaupsins fyrir
endamarkið í Peking.
Að sögn Xinhua-fréttastofunn-
ar nötruðu byggingar í borgunum
Hanzhong, Xian og Chongqing í
Gansu- og Shaanxi-sýslum í
Setsúan er jarðskálftinn reið yfir
síðdegis að staðartíma. - aa
Enn einn jarðskjálftinn í Kína:
Byggingar nötr-
uðu í Setsúan
SÍÐASTI SPÖLUR HLAUPS Stúlka í
Chengdu í Setsúan gæðir sér á sleikjó í
formi Ólympíuhringjanna. FRÉTTABLAÐIÐ/AP
MENNING Sjálfboðaliðasamtökin
SEEDS standa fyrir ljósmynda-
sýningu sem hófst í gær í Ráðhúsi
Reykjavíkur.
Um 40 manna hópur á vegum
samtakanna hefur haldið til hér á
landi í tvær vikur og unnið að
verkefninu sem kallast Photo
Marathon. Tuttugu myndir
þessara ljósmyndara, sem koma
frá hinum ýmsu löndum, eru á
sýningunni. „Ég er afar ánægður
með afraksturinn,“ segir
Henrique Pedrero sem hafði
umsjón með verkefninu. „Öll
verkefni SEEDS eru tengd
umhverfismálum og í þessu
verkefni tóku ljósmyndararnir
ýmsa vinkla á það mál hér í
Reykjavík og nágrenni.“ Fjöldi
annarra hópa er nú að störfum
við hin ýmsu umhverfismál hér á
landi. - jse
Myndlistarsýning í Ráðhúsinu:
Reykjavík séð
með gestsauga
Sóttir þú skipulagða hátíð um
verslunarmannahelgina?
Já 16,8%
Nei 83,2%
SPURNING DAGSINS Í DAG:
Vantar fleiri hjólreiðastíga á
höfuðborgarsvæðinu?
Segðu þína skoðuna á visir.is.
ATVINNA Starf forstjóra Keflavík-
urflugvallar hefur verið auglýst
laust til umsóknar. Frestur til að
sækja um stöðuna rennur út 16.
ágúst.
Opinbera hlutafélagið Keflavík-
urflugvöllur var stofnað í júní og
tekur þann 1. janúar yfir starf-
semi Flugmálastjórnar Keflavík-
urflugvallar og Flugstöðvar Leifs
Eiríkssonar.
Samgönguráðherra hefur
skipað stjórn félagsins sem starfa
skal fram að fyrsta aðalfundi
þess. Formaður félagsins er Jón
Gunnarsson. - ht
Félag um Keflavíkurflugvöll:
Starf forstjóra
auglýst laust
KJÖRKASSINN