Fréttablaðið - 19.08.2008, Blaðsíða 8

8 19. ágúst 2008 ÞRIÐJUDAGUR
1 Hvernig fór leikur Íslendinga
og Egypta í handknattleik á
Ólympíuleikunum?
2 Hver er að vinna plötu með
Derek Sherinian sem hefur
tekið upp plötur með Simon
Philips, trommara Toto?
3 Hvað heitir forseti Georgíu?
SVÖRIN ERU Á SÍÐU 30
RISAÚTSALA
Í NÍTRÓ!
FJÖLMIÐLAR „Ég skrifa það sem ég
veit sannast enda lýgur enginn að
dagbókinni sinni,“ segir Matthías
Johannessen, rithöfundur og fyrr-
verandi ritstjóri Morgunblaðsins,
um dagbókarfærslur sínar frá
árinu 1998. Færslurnar setti
Matthías inn á vefsíðu sína
matthias.is um helgina.
Í dagbókarskrifunum er meðal
annars vitnað til trúnaðarsamtala
Matthíasar og Svavars Gestssonar
frá þeim tíma um stöðu Alþýðu-
bandalagsins eftir formannstíð
Ólafs Ragnars Grímssonar, núver-
andi forseta. „Það eru ósköp að
hlusta á þá Alþýðubandalagsmenn
tala um fyrrum foringja sinn, Ólaf
Ragnar Grímsson,“ segir Matthías
og vitnar því næst í ummæli Hjör-
leifs Guttormssonar og Svavars
Gestssonar um Ólaf. Meðal þess
sem hermt er eftir Svavari er:
„Hann segir að Ólafur hafi verið
slæmur í peningamálum þegar
hann var formaður Alþýðubanda-
lagsins. Þá hafi hann haft Einar
Karl Haraldsson að hjálparkokki.
Hann hafi komið sér upp Visa-
gullkorti í nafni Alþýðubandalags-
ins og notað það óspart.“
Því næst segir hann: „Þegar
Margrét Frímannsdóttir tók við
flokknum bárust henni reikningar
eins og skæðadrífa og hún vissi
ekki sitt rjúkandi ráð. Það var við-
skilnaður Ólafs Ragnars.“ Þá segir
að Ólafur hafi gert samning við
Landsbankann um að Alþýðu-
bandalagið fengið 107 milljóna
króna lán. Bankinn hafi þó þurft
að afskrifa skuldina síðar.
Margrét staðfesti í samtali við
Fréttablaðið að skuldir bandalags-
ins hefðu verið mun meiri en hún
hefði átt von á
þegar hún tók
við embætti og
verið yfir 50
milljónir króna.
Hún segist þó
ekkert kannast
við að Lands-
bankinn hafi
þurft að afskrifa
eftirstöðvar
meintrar 107
milljóna króna
skuldar Ólafs.
Einar Karl,
fyrrverandi
framkvæmda-
stjóri Alþýðu-
bandalagsins og
núverandi ráð-
gjafi iðnaðar-
ráðherra, segir
rekstur Alþýðu-
bandalagsins
ekki hafa verið
til fyrirmyndar.
Ekkert óeðlilegt
hafi þó átt sér
stað.
Matthías
þvertekur fyrir
að færslurnar
eigi að þjóna
pólitískum til-
gangi og segist
ekki líta svo á
að hann sé að brjóta trúnað við þá
sem vitnað er til í færslunum.
„Það sem eitt sinn var trúnaðar-
samtal er það ekki löngu seinna,
þá yrði aldrei til nein saga,“ segir
hann.
Ekki náðist í Svavar Gestsson
þrátt fyrir ítrekaðar tilraunir.
karen@frettabladid.is
Trúnaður
fyrnist til að
segja söguna
Matthías Johannessen segir dagbókarfærslur ekki
þjóna pólitískum tilgangi. Hann hafi skrifað eins og
hann sannast vissi, enda ljúgi enginn að dagbókinni
sinni. Hann segir trúnaðarsamtöl fyrnast.
MATTHÍAS JOHANNESSEN Matthías vísar til trúnaðarsamtala sem hann átti við Svavar
Gestsson og Hjörleif Guttormsson á heimasíðu sinni og segir þá hafa talað illa um
Ólaf Ragnar Grímsson sem formann Alþýðubandalagsins. FRÉTTABLAÐIÐ/PJETUR
MARGRÉT
FRÍMANNSDÓTTIR
EINAR KARL
HARALDSSON
ÓLAFUR RAGNAR
GRÍMSSON
STRANDIR Minnisvarði um skáldin
Stefán frá Hvítadal, Stein Steinarr
og Sturlu Þórðarson verður afhjúp-
aður við Tjarnarlund í Saurbæ í
Dölum á laugardag. Þetta kemur
fram á Strandavefnum, strandir.is.
Í ár eru hundrað ár liðin frá
fæðingu Steins Steinars og 75 ár
frá andláti Stefáns frá Hvítadal.
Þeir voru fæddir á Ströndum.
Staðsetning minnisvarðans, sem
gerður er af Jóni Sigurpálssyni, er
sögð valin með hliðsjón af því að
frá staðnum sér heim að þeim
þremur bæjum sem skáldin
tengjast.
Sögufélag Dalamanna stendur
fyrir verkefninu. - kg
Sögufélag Dalamanna:
Minnisvarði
um þrjú skáld
SVEITARSTJÓRNIR Bæjarráð
Álftaness hefur falið stjórnsýslu-
nefnd og skrifstofustjóra
bæjarins að móta tillögur um
siðareglur sem bæjarfulltrúar
eiga að fylgja í störfum sínum um
málefni sveitarfélagsins.
„Skal nefndin leggja sig fram
um að ná samstöðu fulltrúa
beggja framboða um reglur sem
hvetji til vandaðrar og málefna-
legrar umræðu um sveitarfélag-
ið,“ segir í frétt á heimasíðu
Álftaness þar sem tekið er fram
að þetta sé ákveðið vegna
úrskurðar samgönguráðuneytis-
ins um að vítur sem Kristján
Sveinbjörnsson, forseti bæjar-
stjórnar, veitti Guðmundi
Gunnarssyni, oddvita minnihluta
Sjálfstæðisflokks, hafi verið
ólögmætar.
- gar
Ólögmætar vítur forseta:
Bæjarfulltrúar
fái siðareglur
PAKISTAN, AP „Ég vona að þjóðin og
fólkið fyrirgefi mér mistök mín,“
sagði Pervez Musharraf þegar
hann skýrði frá afsögn sinni í sjón-
varpsávarpi í gærmorgun. Hann
sagði þó öll sín verk hafa verið „í
þágu þjóðarinnar og landsins“.
Musharraf hafði einangrast og
sá sér ekki annað fært en segja af
sér áður en ríkisstjórn landsins
tækist að fá þingið til að svipta
hann embætti. Musharraf komst
til valda í stjórnarbyltingu árið
1999 og andstæðingar hans segja
hann hafa staðið í vegi fyrir þróun
lýðræðis.
„Stærstu hindruninni hefur nú
verið rutt úr vegi lýðræðis,“
sagði Biliwal Bhutto Zardari,
sonur hinnar myrtu Benazir
Bhutto og væntanlegur arftaki
hennar sem leiðtogi annars
stjórnarflokksins.
Samkvæmt stjórnarskrá Pakist-
ans þarf að kjósa nýjan forseta
innan mánaðar. Alger óvissa er
um það hver arftaki Musharrafs
gæti orðið. Hvorki Nawaz Sharif
né Asif Ali Zardari, leiðtogar
stærstu flokka landsins, hafa látið
í ljós vilja til framboðs. Þeir hafa
hins vegar sagst ætla að gera emb-
ættið veigaminna en það hefur
verið í meðförum Musharrafs.
Musharraf missti áhrifavald sitt
á síðasta ári þegar hann rak dóm-
ara úr hæstarétti og setti umdeild
neyðarlög til að reyna að halda
völdum. - gb
Pervez Musharraf Pakistansforseti segir af sér:
Forsetakjör innan mánaðar
KVEÐUR AÐ HERMANNASIÐ Pervez
Musharraf á leið út úr forsetabústaðnum
í Islamabad, eftir að hafa tilkynnt um
afsögn sína í gær. FRÉTTABLAÐIÐ/AP
FJÖLMIÐLAR „Forsetinn tjáir sig
ekki um rangfærslur af þessu tagi
sem koma fram í tveggja manna
tali,“ sagði Örnólfur Thorsson,
skrifstofustjóri forsetaembættis-
ins, þegar leitað var eftir við-
brögðum við dagbókarfærslum
Matthíasar Johannessen, fyrrver-
andi ritstjóra Morgunblaðsins.
Í skrifum Matthíasar frá árinu
1998, sem Matthías birti á vefsíðu
sinni um helgina, er haft eftir
Svavari Gestssyni, fyrrverandi
formanni þingflokks Alþýðu-
bandalagsins, að í stjórnartíð
Ólafs hafi verið eytt mjög í nafni
flokksins.
Í færslunum kemur einnig fram
að reikningur vegna læknismeð-
ferðar Guðrúnar Katrínar Þor-
bergsdóttur, eiginkonu Ólafs, hafi
valdið uppnámi. Meðal annars
hefur Matthías það eftir Davíð
Oddssyni, sem er sagður hafa haft
miklar áhyggjur af því hver ætti
að borga reikninginn.
Í samtali við visir.is í gær hafn-
aði Páll Torfi Önundarson læknir,
sem annaðist forsetafrúna í veik-
indunum, því að nokkuð óeðlilegt
hefði verið í tengslum við greiðsl-
ur á læknismeðferð hennar.
Umsókn hafi verið send til nefnd-
ar innan Tryggingastofnunar þar
sem tekin var ákvörðun um hvort
íslenskir skattborgar ættu að
borga fyrir læknismeðferð erlend-
is eins og venja hafi verið.
Umsóknin hefði því næst verið
samþykkt. - kdk
Læknir segir ekkert óeðlilegt við meðferð Guðrúnar:
Forseti tjáir sig ekki um
dagbókaskrif Matthíasar
VEISTU SVARIÐ?