Fréttablaðið - 19.08.2008, Blaðsíða 24
19. ÁGÚST 2008 ÞRIÐJUDAGUR2 ● fréttablaðið ● híbýli - stofa
Íshúsið sérhæfir sig í kælingu og bættu
lofti og býður meðal annars upp á
loftkælingu, lofthreinsitæki, rakatæki,
þurrktæki og hitara. Svo virðist sem
eftirspurn eftir slíkum tækjum sé að
aukast.
„Fyrir um það bil fjórum árum fundum
við fyrir vaxandi eftirspurn eftir
lofkælingum en við höfðum lengi selt
kælitæki,“ segir Tómas Hafliðason
framkvæmdastjóri Íshússins en hann
telur skýringarnar helst að finna
í auknum kröfum fólks og hönnun
húsa. „Í húsum þar sem eru stórir
stofugluggar getur orðið ólíft á heitum
dögum og þá dugir ekki að opna glugga,“
segir hann og bætir því við að hin góðu
sumur undanfarin ár hafi ekki dregið
úr þörfinni.
Íshúsið býður að sögn Tómasar upp
á loftkælingar af ýmsum gerðum og þá bæði
kassa sem sjást í lofti og innfelldan búnað.
Hitastigið er stillt með fjarstýringu og því er
bæði hægt að hita og kæla loftið eftir þörfum.
Þá er boðið upp á lofthreinsi-
tæki en Tómas kveðst hafa tekið
þau inn í ljósi eigin reynslu. „Ég
er með ofnæmi fyrir köttum og
þar sem ég á einn slíkan vakn-
aði ég ávallt bólginn og stíflað-
ur. Ég fór þá að leita leiða til að
þurfa ekki að losa mig við dýrið
og fékk mér lofthreinsitæki undir
rúm og í aðrar helstu vistarver-
ur heimilisins. Ég er allur annar
og kötturinn sefur inni í svefnherbergi,“ segir
Tómas og nefnir fleiri tæki á boðstólum. „Hita-
og rakatæki eru til dæmis notuð til að stilla af
rakastig á heimilum en þurrt loft getur valdið
þurrki í hálsi og augum á meðan rakt loft getur
valdið myglusveppum. Verandarhitarar eru
síðan sniðugir til að lengja sumarið og þann
tíma sem hægt er að sitja utandyra.
Við erum eingöngu með raf-
magnshitara enda óþarfi
að vera með níðþunga
gashitara þar sem
aðgangur að raf-
magni er ótak-
markaður.“
vera@frettabladid.is
Betra loft og bætt líðan
Tómas Hafliðason segir eftirspurn eftir loftkælingum hafa aukist undanfarin ár. FRÉTTABLAÐIÐ/STEFÁN
Rakatæki 8.923 krónur
Loftkæling Verð frá 100.000 krónum
Lofthreinsitæki 16.541 krónur
Lyktareyðir 4.474 krónur
Þurrktæki 10.112 krónur
● STOFUBORÐ SEM HÆGT ER AÐ NOTA SEM GEYMSLU
ERU VIRKILEGA SNIÐUG LAUSN Á LITLUM HEIMILUM.
Þetta borð sem hannað er af Rick Lee kann við fyrstu sýn að virðast
nútímalegt bara til þess að vera nútímalegt en er í raun mjög þægileg
geymsla. Skúffurnar og nokkur lög borðsins gera það að verkum að það er
mjög nytsamlegt og jafnvel enn meira en
hönnuðurinn gerði sér grein fyrir við
hönnun þess.
Borðið er því mjög sniðug leið
til að geyma hluti í litlum,
nútímalegum rýmum því
auðvelt er að stilla því upp
á alls konar hátt og breytist
lögun þess eftir smekk hvers
og eins.
Hægt er að nálgast það á www.spacify.com.
Þessi hagnýta hilla býður upp á
marga skemmtilega geymslu-
möguleika.
Hillan ber nafnið Piegato og
er gerð úr stáli. Við afhendingu
er hillan alveg flöt og er þannig
þægileg að flytja eða senda á
milli staða. Þegar heim er komið
þarf einungis að festa hana með
tveimur skrúfum og svo getur
eigandinn fellt út hillurnar eftir
þörfum.
Hillan ber þó nokkurn þunga
og er því hentug undir bækur,
myndir eða hvaðeina sem fólk vill
setja upp á vegg. Þar sem hillan er
úr stáli er líka hægt að hengja á
hana myndir með segli.
Hönnuður hillunnar er tæplega
þrítugur þýskur hönnuður á mikilli
uppleið. Hann heitir Matthias
Ries og hlaut hann tvenn verðlaun
fyrir Piegato-hilluna sína í ár, IF-
verðlaunin fyrir hugmyndina og
silfurverðlaun Blickfang fyrir
hönnunina. Matthias Ries stofnaði
sína eigin hönnunarstofu árið 2006
og sérhæfir sig í hönnun, grafík
og rýmishönnun.
Þeir sem vilja kynna sér þessa
skemmtilegu hillu nánar er bent
á heimasíðu hönnuðarins, www.
mrdoproducts.com.
Hillur eftir hentisemi
Hægt er að nota þessa skemmtilegu
hillu á margvíslegan hátt.
Vegglímmiðar geta verið skemmtileg leið til að skreyta veggi og glugga.
Kannski langar fólk að setja eitthvert mynstur á veggina án þess að
veggfóðra heilan vegg og þá geta vegglímmiðar
komið að góðum notum. Auk þess að kaupa límmiða
tilbúna þá má láta útbúa límmiða að eigin óskum
jafnvel eftir ljósmynd með því að senda póst á Art
of Wall en heimasíða þeirra er
www.artofwall.com. Þeir útbúa
límmiða samkvæmt óskum
hvers og eins fyrir 132 evrur á
fermetrann. Einnig fást falleg-
ir vegglímmiðar hjá sen sen en
hér gefur að líta vegglímmiða
frá þeim. Vefslóðin er www.sen-sen.dk. Ikea hefur
einnig boðið upp á vegglímmiða með blómamynstri.
Leikandi límmiðalist
Útsala
20 - 70 % afsl.
Baðdeild Álfaborgar
Skútuvogi 4 - sími: 525 0800
Sturtuklefar
Baðinnréttingar
Hreinlætistæki
Blöndunartæki
Baðker ofl.