Fréttablaðið - 07.09.2008, Blaðsíða 12

12 7. september 2008 SUNNUDAGUR
Ú
tför Sigurbjörns Einarssonar biskups var gerð frá Hallgrímskirkju í
gær. Prestur var séra Jón Dalbú Hróbjartsson og organisti Hörður
Áskelsson. Hallgrímskirkja var full út úr dyrum og var brugðið á það
ráð að útvarpa athöfninni í hátölurum utan á kirkjunni. Þá var
athöfnin í beinni útsendingu í sjónvarpinu.
Sigurbjörn fæddist árið 1911 að Efri-Steinsmýri í Meðallandi. Hann
varð stúdent frá MR árið 1931 og lauk guðfræðiprófi frá HÍ árið 1938. Hann var
biskup yfir Íslandi 1959-1991. Sigurbjörn er líklega áhrifaríkasti kirkjunnar maður
á síðari tímum hér á landi og var þekktur sem mikill hugsuður og orðsins maður.
Sigurbjörn orti fjölda sálma og gaf út fjölmörg rit tengd kristni. Þá skrifaði hann
ævisögu Alberts Schweitzer. Yfirskrift þessarar greinar er tekin úr sálmi sem
Sigurbjörn þýddi.
Hinst þegar kallið kemur burt af
heimi,
kannastu við mig og lýstu mér.
Síðasta hugsun hjarta míns veri:
Heilagi bróðir, dýrð sé þér.
Þegar kallið kemur burt af heimi
Herra Sigurbjörn Einarsson biskup var jarðsunginn í gær. Fjöldi fólks fylgdi honum til grafar enda var hann virtur og dáður af
fjölmörgum. Ljósmyndararnir Anton Brink og Daníel Rúnarsson fylgdust með athöfninni.
HINSTA
FÖRIN
Kistan
borin út.
FALLEG ATHÖFN Útför Sigurbjörns Einarssonar var falleg og virðuleg og bekkurinn var þétt setinn í Hallgrímskirkju. Fjölmargir kirkjunnar menn tóku þátt í athöfninni.
SUNGIÐ YFIR BISKUPNUM Schola cantorum og Mótettukór Hallgrímskirkju sungu í athöfninni. MOLDUN Prestur var séra Jón Dalbú Hróbjartsson, sóknarprestur í Hallgrímskirkju.