Fréttablaðið - 01.10.2008, Blaðsíða 2

2 1. október 2008 MIÐVIKUDAGUR
STJÓRNMÁL Frumvarpi til fjárlaga
næsta árs verður útbýtt að
aflokinni setningu Alþingis í dag.
Fer fyrsta umræða um það fram
á föstudag. Samkvæmt starfs-
áætlun þingsins er ráðgert að
önnur umræða um fjárlagafrum-
varpið fari fram undir lok
nóvember og sú þriðja 9.
desember.
Þingsetning verður með
hefðbundnum hætti í dag;
guðsþjónusta verður í Dómkirkj-
unni og forseti Íslands ávarpar
þingið. Forsætisráðherra flytur
svo stefnuræðu sína annað kvöld
og í kjölfarið fylgja umræður um
hana. - bþs
Alþingi verður sett í dag:
Fjárlagafrum-
varpinu dreift
Björk, ætlar þú að taka að þér
böðulsdjobbið?
„Ég get verið orðaböðull í hita
leiksins en ég vil að þeir sem fara
með fé fólksins í landinu axli ábyrgð
sjálfir. Ég ætti ekki að þurfa að
hjálpa þeim við það.”
Í kjölfar frétta um aðkomu ríkissjóðs að
Glitni sagði Björk Vilhelmsdóttir, borgar-
fulltrúi Samfylkingarinnar, í umræðum á
netinu að „afhausa“ ætti „bankamafíuna“.
SERBÍA, AP Boris Tadic, forseti
Serbíu, sagði í gær að hugsanlega
verði að skipta Kósóvó upp eftir
þjóðarbrotum,
takist stjórnvöld-
um í Serbíu ekki
að koma í veg
fyrir sjálfstæði
Kósóvó.
Um tvær
milljónir manna
búa í Kósóvó.
Yfir níu af
hverjum tíu eru
af albönskum
uppruna, en um 200 þúsund íbúar
eru Serbar. Þeir búa á landsvæði
sem er um 15 prósent af land-
svæði Kósóvó.
Um 45 lönd hafa viðurkennt
sjálfstæði Kósóvó, þar á meðal
Bandaríkin, Ísland og fjölmörg
Evrópuríki. - bj
Neita að viðurkenna fullveldi:
Serbar íhuga að
skipta Kósóvó
BORIS TADIC ÍTALÍA Tveir þýskir ferðamenn
sem fundu lík manns sem hafði
legið frosið hátt uppi í Ölpunum í
um 5.300 ár hafa loksins fengið
greidd fundarlaun, að því er fram
kemur á fréttavef BBC. Líkið
gengur undir nafninu Ísmaðurinn
Ötzi, og fannst árið 1991.
Eftir löng málaferli hafa
stjórnvöld í ítalska héraðinu
Suður-Tíról – þangað sem fjöldi
ferðamanna hefur lagt leið sína til
að berja Ötzi augum – samþykkt
að greiða mönnunum 150 þúsund
evrur, um 22,5 milljónir króna.
Fundarlaunin komu þó full seint
fyrir annan þeirra, sem lést fyrir
fjórum árum. Ekkja hans mun
taka við peningunum. - bj
Fundu ísmanninn Ötzi:
Fá greitt eftir
17 ára baráttu
ÍSMAÐURINN ÖTZI Lá í ís í 5.300 ár í
Ötzdal á mörkum Austurríkis og Ítalíu.
MENNING „Við erum glöð og hrærð
yfir þessum áhuga og trausti sem
leikhúsgestir sýna okkur og
ætlum að standa undir því með
sýningum í vetur,“ segir Magnús
Geir Þórðarson, leikhússtjóri
Borgarleikhússins.
Starfsfólk Borgarleikhússins
fagnaði því í gær að yfir 4 þúsund
áskriftarkort að sýningum
leikhússins eru seld. „Þetta er
sjöföld sala frá síðasta leikári og
það eru ennþá þrjár vikur eftir af
kortasölunni,“ segir Magnús Geir.
Hann segir að nú þegar hafi
Borgarleikhúsið selt meira af
áskriftarkortum en nokkurt
annað íslenskt leikhús á einu
leikári. Hann þakkar vali á
verkefnum og listamönnum
þennan mikla áhuga. - ovd
Metsala á áskriftarkortum:
Hrærð yfir
áhuga fólks
FRÁ BORGARLEIKHÚSINU Magnús Geir
fagnar því með starfsfólki Borgarleik-
hússins að yfir 4 þúsund áskriftarkort að
sýningum leikhússins eru seld.
NEYTENDAMÁL Óttar Ingason,
fangavörður frá Akureyri, hefur
undanfarin þrjú ár ekið á Land
Rover jeppum sem ganga fyrir
notaðri matarolíu sem hann fær
frá veitingastaðnum Greifanum
þar í bæ. Einnig er hann að prófa
sig áfram með vetnisframleiðslu
og -nýtingu í bílunum.
„Ég er með tvo tanka og þegar
ég set bílinn í gang þá gengur
hann á dísil en svo þegar hann er
kominn á miðstöðvarhita þá svissa
ég yfir á matarolíuna. Og það
finnst enginn munur á; hann eyðir
alveg jafn miklu og er alveg jafn
kraftmikill eða kraftlítill réttara
sagt. Land Rover-jepparnir eru
ósköp máttlaus greyin.“
Óttar hefur sjálfur hannað bún-
aðinn fyrir matarolíuna en einnig
er hægt að kaupa hann eins og
Haraldur Bjarnason hefur gert og
sett í Benz bifreið sína. „Síðan fæ
ég olíuna á veitingastaðnum
Laugaás svo þetta sparar mér
svona um 300 þúsund á ári sem
annars færu í olíukostnað,“ segir
Haraldur. „Búnaðurinn kostaði
um 40 þúsund svo þetta er fljótt
að borga sig. Þannig að ég er hæst-
ánægður með þetta þó að sumir
vilji stríða mér svolítið á þessu;
kalla bílinn minn kleinubíl.“
Bíllinn er með 25 lítra
matarolíutank og segist Haraldur
komast um 200 kílómetra á einum
tanki. „Það eru fleiri þúsund bílar
í Bandaríkjunum knúnir áfram
með matarolíu enda eru menn
farnir að stela henni og slást um
hana,“ segir Haraldur. Þessi bún-
aður virkar þó ekki í öllum bílum,
til dæmi í nýjustu bílunum.
„Tölvubúnaðurinn í þeim fer
alveg í keng þegar hann skynjar
matarolíu í kerfinu,“ útskýrir
Óttar og hlær við. En hvernig
brást Arinbjörn Þórarinsson, veit-
ingamaður á Greifanum, við
þegar Óttar kom fyrir þremur
árum og bað um steikarolíuna á
bílinn sinn? „Ég er nú þekktur
fyrir alls konar fyrirbæri og það
eru allir löngu farnir að taka þeim
vel og það sama gerði hann.“
Tilraunin um að knýja bílinn
áfram með vetni gengur ágætlega
að sögn Óttars. „Þetta byggist á
því að bíllinn býr til vetnið sjálfur
þannig að hann er ekki að rogast
með það í tönkum; hann klýfur
vatnið og sogar það inn í kerfið og
sparar þannig olíuna. En þessi
vetnisframleiðsla er enn á til-
raunastigi hjá mér.“ jse@frettabladid.is
Fá eldsneytið hjá
veitingamönnum
Óttar Ingason og Haraldur Bjarnason keyra um á bílum sem eru knúnir áfram
af matarolíu og fá eldsneytið á veitingahúsum. Bíll Haraldar gengur undir
nafninu Kleinubíllinn en hann segist spara um 300 þúsund í eldsneyti á ári.
HARALDUR OG KLEINUBÍLLINN
Eigandanum er alveg sama hvað fólk
kallar bílinn. Hann hefur sparað honum
skildinginn. FRÉTTABLAÐIÐ/ANTON
ÓTTAR MILLI LAND ROVER-JEPPANNA Báðir jepparnir ganga fyrir matarolíu og nú er
Óttar að gera tilraun um að bílarnir nýti vetni og framleiði það einnig.
MYND/HEIDA.IS
STJÓRNMÁL Guðni Ágústsson, for-
maður Framsóknarflokksins, segir
að í kjölfar umfangsmikilla aðgerða
til bjargar Glitni þurfi að fylgja
markvissar efnahagsaðgerðir
stjórnvalda. Hann telur að til greina
komi að styrkja gengi krónunnar
með handafli.
„Það verður að lækka vextina
með handafli og ná tökum á krón-
unni, þess vegna með handafli,“
segir Guðni. Hann bendir á að
Bandaríkjamenn hafi kastað fyrir
róða öllum lögmálum í efnahags-
málum og að ekki verði hjá því
komist að hugsa mál hér upp á nýtt.
„Það getur þurft að ráðast í
skammtímaaðgerðir með nýjum
úrræðum,“ segir hann. Björgvin G.
Sigurðsson viðskiptaráðherra segir
að handstýring gengisins hafi ekki
verið skoðuð sérstaklega en fram
til þessa hafi hagfræðingar hvorki
talið hagfræðilega gerlegt né trú-
verðugt að festa gengið með hand-
afli.
Sjálfur sé hann á sama máli; það
yrði ekki til að auka trúverðugleika
efnahagskerfisins að beita slíkum
aðferðum. Í það minnsta þurfi að
skoða slíkt afar nákvæmlega áður
en því er velt upp.
„Eina leiðin sem blasir við okkur
nú er að standa óhikað við þá pen-
ingamálastefnu sem hér er,“ segir
Björgvin. - bþs
Guðni Ágústsson segir að við sérstakar aðstæður þurfi sérstök úrræði:
Genginu jafnvel handstýrt
BANDARÍKIN, AP Fulltrúar demókrata og repúblikana
vinna nú hörðum höndum að því að ná samkomulagi
um breytingar á frumvarpi um stórtækar aðgerðir
til bjargar fjármálakerfi Bandaríkjanna, en til að
tryggja því samþykki þurfa aðeins tólf þingmenn að
skipta um skoðun. Búist er við að nýtt frumvarp
verði lagt fyrir á fimmtudag, en þá er næsti
þingfundur.
Ekki er talið að gera þurfi miklar breytingar á
frumvarpinu, en meðal ákvæða sem líklega verður
breytt til að tryggja stuðning fleiri repúblíkana er
ákvæði um að Tryggingarsjóður innistæðueigenda
hækki hámarkstryggingu sína úr 100.000 dollurum í
250.000 dollara. Ólíklegt er talið að krafa margra
demókrata um að dómurum verði gefin heimild til
að breyta vöxtum og endurgreiðslubyrði á fasteigna-
lánum í gjaldþrotamálum verði samþykkt.
Hlutabréfamarkaðir tóku við sér í gær eftir
metlækkun mánudagsins. Dax-vísitalan þýska
hækkaði um 0,4 prósent og Dow Jones hlutabréfa-
vísitalan hækkaði um 2,3 prósent. Engin merki eru
hins vegar um að losna fari um lánsfjármarkaði, því
fjármálastofnanir neita að lána hvor annarri.
Millibankavextir á þriggja mánaða dollaralánum
fóru upp í 10 prósent í London í gær. - msh
MÓTMÆLI Í NEW YORK Kannnanir sýna að meirihluti kjósenda
telur frumvarpið í núverandi mynd gera of lítið fyrir almenning.
NORDICPHOTOS/AFP
Endurskoðað frumvarp um björgunaraðgerðir lagt fram vestra á fimmtudag:
Lítið vantar upp á samkomulag
VIÐSKIPTI Aðkoma ríkisins að Glitni
er á ábyrgð ríkisstjórnarinnar
allrar og ekkert er óeðlilegt við að
málið skyldi unnið
í Seðlabankanum.
Þangað leitaði jú
Glitnir.
Þannig svarar
Björgvin G.
Sigurðsson
viðskiptaráðherra
Jóni Ásgeiri
Jóhannessyni,
stjórnarformanni
Baugs, sem í
Fréttablaðinu í
gær kvaðst undrast hversu lítið
ráðherrar Samfylkingarinnar
hefðu komið að málinu.
Björgvin bendir á að þær
óvenjulegu aðstæður séu uppi að
formaður Samfylkingarinnar sé í
útlöndum. Hann og Össur
Skarp héðinsson hafi komið að mál-
inu fyrir hönd Samfylkingarinnar.
Sat Össur fundinn í Seðlabankan-
um ásamt aðstoðarmanni
Björgvins.
„Menn tengja þetta meira við
samstarfsflokk okkar af því að
formaður bankastjórnar Seðla-
bankans er úr þeim flokki.“ - bþs
Aðkoma ríkisins að Glitni:
Á ábyrgð allrar
stjórnarinnar
Torfusamtök skora á borgina
Torfusamtökin skora á skipulagsyfir-
völd að hafna tillögu að nýbyggingu
Listaháskólans við Laugaveg eins og
hún hefur verið kynnt. Telja sam-
tökin bygginguna gefa „óheppilegt
fordæmi“. Unnt sé að laga skóla-
húsið betur að sögulegu umhverfi
miðbæjarins.
SKIPULAGSMÁL
Fá styrk til líkamsræktar
Starfsmenn sveitarfélagsins Ölfuss
fá framvegis 20 þúsund króna styrk
á ári til að stunda líkamsrækt í
íþróttamannvirkjum sveitarfélagsins.
Jafnframt samþykkti bæjarstjórn á
fimmtudag að leigja tveimur tiltekn-
um einstaklingum húsrými til að reka
líkamsræktarstöð í Íþróttamiðstöð
Þorlákshafnar.
SVEITARFÉLÖG
GUÐNI ÁGÚSTSSON Bendir á að Banda-
ríkjamenn hafi kastað fyrir róða öllum
lögmálum í efnahagsmálum og að ekki
verði hjá því komist að hugsa mál hér
upp á nýtt.
BJÖRGVIN G.
SIGURÐSSON
SPURNING DAGSINS