Fréttablaðið - 01.10.2008, Blaðsíða 29
MARKAÐURINN MIÐVIKUDAGUR 1. OKTÓBER 2008
Skilningur stjórnarandstöð-
unnar var að ef einhvern tíma
yrði af slíkum samruna, þá yrði
það ekki fyrr en rykið væri sest
eftir inngrip ríkisins í Glitni og
allir lausir endar hnýttir. Þetta
yrði í fyrsta lagi eftir hálft ár.
Því urðu menn hissa þegar
þeir sáu forsíðu Fréttablaðs-
ins í gær. Eins og málin líti út
nú virðist ríkisstjórnin vera að
færa eignir frá einum ríkum
manni til annars.
EKKERT ÁKVEÐIÐ UM FRAMHALD
Ekkert hefur komið fram um
næstu skref í málinu. Rætt
hefur verið um að eigendur
Landsbankans og Straums renni
bönkunum í eina sæng. Þá voru
Glitnir og Byr í sameiningar-
viðræðum þegar ríkið kom til
skjalanna. Þá breyttist allt.
Samkeppniseftirlitið hefur
ekki kannað sérstaklega hver
yrðu áhrifin af samruna Glitn-
is og Landsbankans. Hins vegar
herma heimildir Markaðarins
að allt hafi verið undir, þegar
fjallað var um samruna Kaup-
þings og SPRON.
SPRON FORDÆMIÐ
Samkeppniseftirlitið sam-
þykkti nýlega samruna Kaup-
þings og SPRON. Það var gert
með þeim rökum, að enda þótt
samruninn færi gegn mark-
miðum samkeppnislaga, þætti
sýnt að SPRON hyrfi af mark-
aði hvort eða er. Sama átti við
um yfirtöku Kaupþings á Spari-
sjóði Mýrasýslu.
Samkeppniseftirlitið segir
í ákvörðun að stóru bankarn-
ir þrír fari saman með mark-
aðsráðandi stöðu á bankamark-
aði hér.
Yrðu Landsbanki og Glitnir
sameinaðir kæmi annaðhvort til
sögunnar nýr markaðsráðandi
aðili eða staðan yrði í megin-
atriðum óbreytt. Þannig væru
tveir aðilar sameiginlega með
markaðsráðandi stöðu í stað
þriggja.
En yrðu nú sameinað og menn
vildu komast undan samkeppn-
islögum, þyrfti annað af tvennu
að koma til. Setja yrði lög um
að samruninn yrði undanþeginn
samkeppnislögum. Að öðrum
kosti yrði að meta það svo, að
annar samrunaaðilinn stæði svo
höllum fæti, að hann hyrfi af
markaði hvort eða er.
Glitnir sé varla á leiðinni á
hausinn úr þessu með ríkið sem
stóran eiganda.
VILJI FORSÆTISRÁÐHERRANS
En er raunverulegur vilji fyrir
slíkum samruna og hvað er
unnið með honum?
Hjá sameinuðum banka yrði
hlutfall innlána af útlánum um
45 prósent, eða svipað því sem
er hjá Kaupþingi. Heildareign-
ir sameinaðs banka yrðu meiri
en hjá Kaupþingi, en eins og er
eru eignir Kaupþings öllu meiri
en hvors banka um sig.
„Ég tel að við vildum gjarn-
an sjá aukna hagræðingu á
bankamarkaði, hugsanlega með
sameiningu banka,“ sagði Geir
H. Haarde forsætisráðherra í
fyrradag. Geir sagðist ekki geta
svarað því þá hvort til greina
kæmi að sameina Glitni og
Landsbanka. „Það er nú eðlilegt
að þetta gerist á markaðnum,“
sagði Geir. Þá var spurt hvort
aðstæður væru ekki óvenjuleg-
ar og játti Geir því að svo væri.
Um kvöldið birtust Björgólf-
ur og bankastjórarnir í stjórnar-
ráðinu, eins og frægt er orðið.
Verðþróun og gengisbreytingar eru þættir sem ráða miklu
um afrakstur af viðskiptum. Flugfrakt er hagkvæmur og
hraðvirkur flutningsmáti sem opnar þér leið til að minnka
viðskiptaáhættu vegna gengisbreytinga.
LÍTIL GENGISÁHÆTTA
MIKIL GENGISÁHÆTTA
BEINT FRAKTFLUG - 24 ÁFANGASTAÐIR
Í EVRÓPU, BANDARÍKJUNUM OG KANADA.
WWW.ICELANDAIRCARGO.IS
, Borgartúni 19, Reykjavík
8.30 Skráning
9:00 Opnun
Dr. Eyþór Ívar Jónsson,
stjórnarformaður SFI.
Undirritun samnings um hátækni- og sprotavettvang
Ráðherrar fyrir hönd ríksstjórnarinnar
Samtök Iðnaðarins
Samtök Upplýsingafyrirtækja (SUT)
Samtök íslenskra líftæknifyrirtækja (SÍL)
Samtök sprotafyrirtækja (SSP)
Uppbygging sprotafyrirtækja
Dr. Jón Ágúst Þorsteinsson,
framkvæmdastjóri Marorku og
formaður Samtaka sprotafyrirtækja.
Frumtak - Nýr fjárfestingasjóður
Dr. Eggert Claessen,
framkvæmdastjóri Frumtaks.
Kaffihlé
10.30 Sprotafyrirtæki kynna fjárfestingatækifæri:
• Orf Líftækni
• Marimo
• TouristTV
• Trackwell
• Clara
• Catchtheeye
• GlycoMar
11.30 Léttur hádegisverður
Þar sem sæti eru takmörkuð
eru þátttakendur beðnir um
að skrá sig á
www.seedforum.is