Fréttablaðið - 01.10.2008, Blaðsíða 37
MIÐVIKUDAGUR 1. október 2008
Íslenskir tónlistarunnendur hafa
nóg við að vera nú í haust og vetur,
en um þessar mundir er að hefjast
fjöldi tónleikaraða sem munu ylja
landsmönnum um hjartarætur í
svartasta skammdeginu. Ein slík
tónleikaröð hefst á morgun;
Klassík í hádeginu nefnist hún og
er sprottin af samstarfi SÁÁ,
menningarmiðstöðvarinnar
Gerðubergs og Nínu Margrétar
Grímsdóttur píanóleikara, en hún
er listrænn stjórnandi raðarinnar.
Nína Margrét hefur fengið til
liðs við sig þjóðþekkta tónlistar-
menn á borð við Áshildi Haralds-
dóttur flautuleikara, Gunnar
Kvaran sellóleikara, Hönnu Dóru
Sturludóttur söngkonu, Peter
Máté píanóleikara, Sesselju Kristj-
ánsdóttur söngkonu, Sigurbjörn
Bernharðsson fiðluleikara og
Svövu Bernharðsdóttur víóluleik-
ara. Þau munu aðstoða hana við að
töfra fram fagra tóna í hádegis-
hléum í vetur. Tónleikarnir fara
fram fyrstu vikuna í hverjum mán-
uði og er röðin áframhald sams
konar tónleikaraðar sem haldin
var mánaðarlega síðastliðinn vetur
í húsnæði SÁÁ við góðar undir-
tektir bæði gesta og gagnrýnenda.
Fyrstu tónleikarnir í röðinni
fara fram kl. 12.15 á morgun í
Gerðubergi og á sama tíma á
föstudag í Von, tónleikasal SÁÁ.
Þá munu þau Nína Margrét og
Arnþór Jónsson sellóleikari flytja
verk eftir Webern og Brahms. Í
Gerðubergi gefst gestum kostur á
að snæða hádegisverð fyrir eða
eftir tónleikana og því tilvalið
fyrir hópa sem vilja gera sér glað-
an dag að njóta tónlistar og veit-
inga í menningarmiðstöðinni.
Miðaverð er 2.000 kr. og 1.000 kr.
fyrir námsmenn, eldri borgara og
öryrkja.
Menningarmiðstöðin Gerðuberg
er til húsa við Gerðuberg 3-5 í
Breiðholti og Von, hús SÁÁ, er í
Efstaleiti 7 í Reykjavík. - vþ
Klassík í hádeginu
NÍNA MARGRÉT
GRÍMSDÓTTIR
PÍANÓLEIKARI
Listrænn stjórnandi
tónleikaraðarinnar
Klassík í hádeginu.
HLJÓÐFÆRAHÚSIÐ | TÓNABÚÐIN | SÍÐUMÚLA 20 | 108 REYKJAVÍK