Fréttablaðið - 01.10.2008, Blaðsíða 42

26 1. október 2008 MIÐVIKUDAGUR
sport@frettabladid.is
>Björn Bergmann ekki áfram með ÍA
Skagamaðurinn Björn Bergmann staðfesti við Fréttablaðið
í gær að hann myndi ekki leika með Skagamönnum í 1.
deildinni næsta sumar. „Það er ekki enn komið á hreint
hvað ég geri en helst vil ég komast út,“ sagði Björn sem
hefur úr mörgu að velja í þeim efnum. „Það er áhugi frá
Hollandi, Englandi, Þýskalandi, Noregi og Austurríki,“ sagði
Björn en hvert vill hann helst fara? „Helst langar mig til
Englands en líklegast væri best fyrir mig að
komast að hjá liði í Hollandi. Við sjáum hvað
setur en ég mun líklega heimsækja einhver
félög á næstu vikum,“ sagði Björn sem er
í 25 manna leikmannahópi Íslands fyrir
landsleikinn gegn Hollandi og kemur í
ljós á næstu dögum hvort hann kemst í
aðalhópinn.
Húsvíkingurinn Hallgrímur Jónasson hefur farið mikinn í vörn
Keflavíkurliðsins í sumar og frammistaða hans þar vakið
athygli víða. Hallgrímur er í skoðun hjá allt að tíu félögum í
Skandinavíu og Belgíu. Eins og staðan er í dag má því mikið
vera ef hann heldur ekki utan í atvinnumennsku. Geri hann
það ekki er allt eins víst að hann leiki með öðru félagi en
Keflavík í Landsbankadeildinni enda afar eftirsóttur.
„Það er ýmislegt í gangi þessa dagana. Á meðal þeirra
félaga sem hafa verið að skoða mig er sænska félagið GAIS
og ekki ólíklegt að ég kíki á aðstæður þar fljótlega,“ sagði
Hallgrímur en með liðinu leikur Eyjólfur Héðinsson og sam-
herji Hallgríms hjá Keflavík, Jóhann Birnir Guðmundsson,
lék áður með félaginu. „Þeir tala mjög vel um félagið og
það kemur því vel til greina eins og annað. Gæti verið
mjög fínt næsta skref fyrir mig.“
Hallgrímur er einnig undir smásjánni hjá belgísku
úrvalsdeildarfélagi. „Það félag heitir KV Kortrijk og komst
upp í úrvalsdeild á síðustu leiktíð. Yfirnjósnari félagsins
hefur verið að fylgjast með mér og var hrifinn. Hann er
núna að ræða við forráðamenn félagsins og það ætti að koma í ljós
fljótlega hvort félagið geri mér tilboð,“ sagði Hallgrímur en minnst
átta önnur félög hafa verið að skoða Húsvíkinginn sem er fyrirliði
U-21 árs liðs Íslands.
Samningur Hallgríms við Keflavík rennur út um miðjan október
og honum því frjálst að fara þangað sem hann vill. Samkvæmt
heimildum Fréttablaðsins hafa minnst fimm félög í Lands-
bankadeild þegar sett sig í samband við Hallgrím og svo
vilja Keflvíkingar eðlilega halda Hallgrími.
„Ég mun byrja á að skoða mína möguleika erlendis
áður en ég tala við íslensk félög. Hugurinn stefnir
eðlilega út þar sem ég get æft betur og bætt minn
leik. Gangi það ekki eftir mun ég að sjálfsögðu ræða
við Keflavík sem og önnur lið hér heima,“ sagði
Hallgrímur sem var á leiðinni í stutt frí á æskustöðv-
arnar. „Maður slappar hvergi betur af en á fallegasta
stað landsins. Annars hefur áreitið verið mikið síð-
ustu daga og maður getur vart lagt símann frá sér,“
sagði Hallgrímur að lokum.
HALLGRÍMUR JÓNASSON: EFTIRSÓTTUR AF FJÖLDA FÉLAGA BÆÐI HÉR HEIMA OG ERLENDIS
Byrjar á því að skoða möguleikana erlendis
Meistaradeild Evrópu
E-riðill:
AaB-Man. Utd 0-3
0-1 Wayne Rooney (22.), 0-2 Dimitar Berbatov
(55.), 0-3 Dimitar Berbatov (79.).
Villarreal-Celtic 1-0
1-0 Marcos Senna (67.).
F-riðill:
Fiorentina-Steaua 0-0
Bayern München-Lyon 1-1
0-1 Juninho Pernambucano (26.), 1-1 Ze Roberto
(52.).
G-riðill:
Arsenal-Porto 4-0
1-0 Robin Van Persie (31.), 2-0 Emmanuel
Adebayor (40.), 3-0 Robin Van Persie (48.), 4-0
Emmanuel Adebayor (71.).
Fenerbahçe-Dynamo Kiev 0-0
H-riðill:
Zenit-Real Madrid 1-2
0-1 sjálfsmark (4.), 1-1 Danny (25.), 1-2 Ruud van
Nistelrooy (31.).
Bate Borisov-Juventus 2-2
1-0 Sergey Krivets (17.), 2-0 Igor Stasevich (23.),
2-1 Vincenzo Laquinta (29.), 2-2 Vincenzo
Laquinta (45.).
ÚRSLIT
FÓTBOLTI Hinn stórefnilegi Bliki, Jóhann Berg
Guðmundsson, fer utan til Þýskalands á sunnu-
dag þar sem hann fer í samningaviðræður við
þýska stórliðið HSV sem hefur lengi haft
augastað á leikmanninum og Breiðablik
hefur þegar tekið tilboði félagsins í
Jóhann.
„Þeir eru búnir að vera að fylgjast
með sér síðan um mitt sumar og málið
er ansi langt komið núna. Ég er á
leiðinni utan til þess að kíkja á
aðstæður, spjalla við Martin Jol
þjálfara og svo semja við félagið.
Ég býst við að það gangi eftir og
ég komi heim með tilboð,“ sagði Jóhann Berg
spenntur og skal engan undra enda HSV eitt
stærsta lið Þýskalands og hefur verið í Meist-
aradeildinni.
„Þetta er gríðarlega spennandi dæmi og mikið
tækifæri. Félagið segist vilja nota unga leikmenn
og ég hef ekki hug á að fara þarna út til þess að sitja
á varamannabekknum. Ég stefni á að komast í aðal-
hópinn hið fyrsta ef samningar nást,“ sagði
Jóhann afar ákveðinn en mörg félög hafa litið
hann hýru auga í sumar og hann hefur því ýmsa
möguleika í stöðunni fari svo að samningar
náist ekki við HSV.
„Ég hef meðal annars verið að ræða
við AZ Alkmaar í Hollandi og það mál
er svona næstlengst komið. Ég held
því opnu ef allt klikkar í Þýskalandi.
Svo vill Coventry líka fá mig en ég er
ekkert sérstaklega spenntur fyrir
því ef ég á að segja eins og er,“ sagði
Jóhann Berg Guðmundsson.
Hamburg hefur þess utan áhuga á
varnarmanninum unga, Finni Orra
Margeirssyni, og hefur boðið honum
að koma og kíkja á aðstæður í vetur.
- hbg
Jóhann Berg Guðmundsson á förum frá Blikum til stórliðs í Þýskalandi:
HSV vill semja við Jóhann Berg
EFNILEGUR Jóhann Berg sló í gegn
í Landsbankadeildinni í sumar og
hverfur brátt á braut. FRÉTTABLAÐIÐ/STEFÁN
FÓTBOLTI Ensku félögin Arsenal og
Manchester United lentu ekki í
vandræðum með mótherja sína í
Meistaradeild Evrópu í gærkvöld.
Leikmenn Arsenal svöruðu kall-
inu frá Arsene Wenger þegar
Porto kom í heimsókn á Emirates-
leikvanginn í gærkvöld en knatt-
spyrnustjórinn franski gagnrýndi
lið sitt harðlega eftir tap gegn
nýliðum Hull um síðustu helgi.
Arsenal sýndi sitt rétta andlit og
rúllaði Portúgölunum upp 4-0 þar
sem Robin Van Persie og Emm-
anuel Adebayor skoruðu hvor um
sig tvö mörk.
„Við þurftum að koma Hull
leiknum úr hausnum á okkur og
bæta fyrir hann og það gerðum
við. Það var mikilvægt að ná að
snúa við blaðinu strax og við viss-
um að við gætum það,“ segir Van
Persie í viðtölum í leikslok.
Í hinum leiknum í G-riðli sótti
Dynamo Kiev stig til Tyrklands
þegar Úrkaínumennirnir gerðu
þar markalaust jafntefli gegn
Fenerbahçe.
Berbatov skoraði tvö
Englands- og meistaradeildar-
meistarar Manchester United
réðu ferðinni frá upphafi til enda
þegar þeir heimsóttu Danmerkur-
meistara AaB frá Álaborg og unnu
þar 0-3. Dimitar Berbatov opnaði
markareikning sinn hjá United
með tveimur mörkum en það fór
vel á því að Búlgarinn gerði það í
gærkvöld því fyrir leikinn var
yfirmaður knattspyrnumála hjá
AaB búinn að segja að kaupverð
Berbatov myndi duga til reksturs
á danska félaginu í sjö ár.
Sigur United gæti þó reynst
dýrkeyptur því bæði Paul Scholes
og Wayne Rooney meiddust í
leiknum.
Í hinum leiknum í E-riðli nægði
mark Marcos Senna Villarreal til
þess að taka öll stigin gegn Celtic.
Báðir leikir F-riðils enduðu með
jafntefli, á milli Fiorentina og
Steaua annars vegar og Bayern
München og Lyon hins vegar.
Nokkrir aðdáendur München-
félagsins vönduðu knattspyrnu-
stjóranum Jürgen Klinsmann ekki
kveðjurnar og báru skilti í stúk-
unni sem á stóð, „farðu burt, Klins-
mann“. En félagið hefur byrjað
illa í þýsku deildinni.
Í H-riðli héldu Madrídingar
áfram sigurgöngu sinni með úti-
sigri gegn Zenit frá Pétursborg en
Hollendingurinn Ruud van Nistel-
rooy skoraði sigurmark Real
Madrid í leiknum.
Valsbanarnir í Bate Borisov
komu á óvart með því að gera 2-2
jafntefli gegn Juventus og því allt
opið í e-riðli. En Hvítrússarnir
komust í 2-0 áður en Vincenzo
Laquinta jafnaði leikinn með
tveimur mörkum. omar@frettabladid.is
Arsenal fékk uppreisn æru
Arsenal svaraði fyrir háðulegt tap gegn Hull um helgina með stórsigri gegn
Porto í Meistaradeildinni í gær. AaB var engin fyrirstaða fyrir Manchester Utd.
GLEÐI Leikmenn Arsenal
höfðu ástæðu til þess að
gleðjast í gærkvöld þegar
þeir yfirspiluðu Porto á
Emirates-leikvanginum.
NORDIC PHOTOS/GETTY
KÖRFUBOLTI KR og Snæfell
tryggðu sér sæti í undanúrslitum
Powerade-bikarsins í gærkvöld.
KR vann 22 stiga útisigur á ÍR,
90-68, í Seljaskóla en Snæfell
vann 25 stiga sigur á Tindastól í
Hólminum, 97-72.
KR-ingar voru með mikla
yfirburði gegn ÍR. Helgi Már
Magnússon (15 stig) átti frábær-
an fyrri hálfleik, Jason Douris-
seau (30 stig, 14 fráköst) skilaði
sínu allan leikinn og bæði Jón
Arnór Stefánsson (12 stig, 7
stoðsendingar) og Jakob Örn
Sigurðarson (11 stig, 10 fráköst)
áttu fína spretti.
Sveinbjörn Claessen kom með
16 stig og 6 fráköst af bekknum
og Tahirou Sani var með 11 stig
og 13 fráköst.
Snæfell tók völdin í 2. leikhluta
gegn Stólunum og leit aldrei aftur
eftir það. Sigurður Þorvaldsson
skoraði 23 stig, Nikola Dzever-
danovic skoraði 17, Hlynur
Bæringsson var með 16 stig og
Jón Ólafur Jónsson skoraði 15
stig. Hjá Tindastól skoraði
Michael Bonaparte 22 stig og
Svavar Birgisson var með 21 stig.
Hinir tveir leikir átta liða
úrslitanna fara fram í kvöld
þegar Njarðvík heimsækir
Grindavík og Keflavík tekur á
móti Þór Akureyri. - óój
Powerade-bikar karla í körfu:
KR og Snæfell
komin í Höllina
LÉTT Jón Arnór Stefánsson og félagar
léku sér að ÍR í gær. FRÉTTABLAÐIÐ/STEFÁN